DANIEL 11:16 - AMÜSÜH HÜM CL Bible (BSI)

¹⁶ Tüshe shepünü api azhihde arüchonü anihbuh lümkhi nangde athsübah, tüsho shenü api müngüh müzhip, tüsho api müretah lomi ching zhipbah, tüsho ju alala api wu ching labah.

DANIEL 11:16 Iomraidhean Croise

ISAIA 8:8

keking nangde Juda ching zünde ayüzahbah, tüsho abukkhitbah, junü ahung khiungbah; tüsho aghi chutreakkhinü nüsa lomi apunglim mibah, O Immanuel.

JEREMIA 3:19

I tsührü bolung küde thsah nü zojihpü; tüsho alo atsü, trükshih alala yo akheahakham yamrüplurüp küde ajihpü de inü tha. Tüsho nünü I ki, abuh de ajibah tüsho I kilimnü rholode mutso de inü tha.

DANIEL 11:3

Jushu wuto kiulongthsürü khülang asürübah, wu lade yakzan shuhbah tüsho api lümkhi yande arhimobah.

DANIEL 11:36

“ Kiulongthsüpuhnü anihbuh lümkhi rhimobah. Apinü aküdah thsüde anihbuh shuhkihbah tüsho thrünpuh kheaknü atobe lümbah, tüsho thrünpuhbo bolung Thrünpuh azhihde mükhemükimyu thabah. Bukakhiuk kim muhoyi khiungde api kukzamde alabah, tümütüsho tümü lümkihlanü arhimopü tsütsü.

DANIEL 11:41

Apinü akheah atsü lomi ching yüzahbah, tüsho chithürü thürü laksahbah, tüshe Edom le Moab tüsho Amon limberübo api wu chingnü atsokhitbah.

DANIEL 11:45

Apinü keto le akheah atsü amüsüh müzüng dükeak nihbuh kiulongthsü khimyambo thsübah. Tütüshe api rungrü she mülade, api ashebah.

DANIEL 5:19

Tüsho apinü anihbuh kilim ato jihkhi hode, mihtsürü alala, trükshihbo, tüsho thiyuthabonü api miki ajan tüsho tre. Apinü sherü laksahnelanü laksah, sherü arhang lashihnelanü lashih, sherü shuhkihpü lümlanü shuhkih, tüsho sherü mükhemükimnelanü mükhemükim thsü.

DANIEL 8:4

Namfimihnupung junü aniyüzahlim tüsho dukulim tüsho düjinglim khude inü ngü. Ju thsolopü tümü shiwüh she mülakheah, tüsho shenü she ju wu chingnü mütsokhitkhuk; apinü alümkhi nangde apinü rhimo tüsho müküpde kam.

DANIEL 8:7

Api ju namfimihnupung kilim yüde inü ngü. Abukakhiukde namfimihnupung juh mahne khushakjih. Namfimihnupungnü ju nanlopü wu müla; namfimihnupung ju alo kheak nimmülün tüsho ju kheak jung, tüsho api wu chingnü namfimihnupung khümkhitpü she mülakheah.

DANIEL 8:9

Arü bolung khülang chingnü ajuh püpü anikhüh khülang akhiuk, ju düjinglim, aniakhiuklim, tüsho müretahkhi lomi lim khide tode kam.

JIHUSUA 1:5

Jihusua, nü rhangdung la khiungde shenü nü mazhihkhuk. Mosa lung lakhi nangde I nü lung labah, I lünnü nü lung labah; inü küyimkishe nü mübahyuk.