DANIEL 11:12 - AMÜSÜH HÜM CL Bible (BSI)

¹² Apinü akukkhi tüsho apinü bonungrü hihde alaksahkhi dünkheak apinü kükheangbah, tüshe ju ruk langa akuk müngü.

DANIEL 11:12 Iomraidhean Croise

2 KIULONG THSÜRÜ 14:10

Nünü atsütsü Edom kukdo, tüsho nü kükheangde lah. Nü mungshikhi ching reangkeamang, tüsho thüyam ching laang; nü lung Juda bede akeampü thsüde tümüde nünü küpkhukpü asahcho?”

2 KIUTHSÜYUKHEAN 25:19

Nünü thachoh, ‘ Kheahang, inü Edom kukdo,’ tüsho nünü kükheangdo. Kheakü thüyam ching binang; nü tüsho nü lung Juda keampü thsüde tümü thsüpü nünü küpkhukpü asahcho?”

2 KIUTHSÜYUKHEAN 26:16

Tüshe küyimki api reangzahde akamkhea, anihbuh thsümünimpü api kükheangde kam. Tümüde apinü Atungpuh api Thrünpuh azhihde amülim thsü, tüsho rhümthüneabe kingaün sadam kheak kingaünpü Atungpuh arüngyam ching yüzah.

2 KIUTHSÜYUKHEAN 32:25

Tüshe Hezekianü anihbuh kheak yihnüpü rhimokhi yande malo, tümüde api mulong kükheangde alakheah. Jumonü bukakhiukkhi api le Juda tüsho Jirusalem kheak arü.

MÜCHITMUDU 16:18

Lülüshishi ju athsümünim müngüh, tüsho kükheangküyang akeamkhi müngüh yüchoh.

EZEKIEL 28:17

Nü jak tsümo nünü kükheang; nü mungthu hode nü lümlung thsümünim. Inü nü alo ching bah; inü nü kiulongthsürübo miki nü kheak arü mükbo mürüngshihpü lahkhita zojih.

EZEKIEL 28:2

Mihtsürü tsührü, Tair yakzanshuhrü ki thaang, Atungpuhnü ha thachoh: Tümütüsho nü kükheanglah tüsho nünü tha, “ I thrünpuh khülang ah, inü ketobo phulung ching thrünpuhbo binpung binchoh,” tütüshe nünü nü lümkhi thrünpuh lümkhi kheak akeke she nü a mihtsürü khülang ah tüsho thrünpuh yung.

EZEKIEL 28:5

Nü shothsümolo ching lümlung ato hode nü lakhit alü thsüdo tüsho nü lakhit ching nü mulong kükheangde kamdo.

DANIEL 11:11

Judüki düjinglim kiulongthsüpuhnü bukakhiukde akhiukbah tüsho dukulim kiulongthsüpuh ki keochihbah, tüsho apinü boto ato bemukhungbah, tüshe ju api khah ching jihbah.

DANIEL 11:13

Tümüde dukulim kiulongthsüpuhnü atan kheaknü kheaküshe ahihbe boto bemukhungbah, tüsho kam anükhüh dunglim apinü bonungrü ato tüsho kukruk suhdahde lubah arübah.

DANIEL 5:23

Nünü yinmi Thrünpuh azhihde nihbuh zangrü shuhkihdo! Api arüngyam pungphurubo nü miki lude azah, tüsho nü putungrübo, nü niubebo tüsho nü hanniubebonü jurü chingnü yukhu yung. Nünü shotoyinchi tüsho suna, müwayinchi, yinchi, sang, tüsho lung thrünpuhbo, küpünü müngü yungsho muso yungsho mümükheahnü ju shijih; tüshe Thrünpuh shepü khah ching nü rhangdung la, tüsho shepü kilim nü limro alala lanü, nünü wüntre müjih.

DANIEL 8:25

Api rüknü api rük-thsükhi ching akuk ngübah, tüsho anihbuh lüm ching api zangrü shilobah. Mümükheahshihde apinü ahihdo thsümünimbah; tüsho apinü kiulongthsürü kheaknü kiulongthsürü she azhihbah; tüshe mihtsürü khahnü yungde api thsümünimbah.

YUZÜNGTHALO 8:14

nüsa mulong ching kükheangbah tüsho Ijip azhorü lo chingnü nüsa bekhitbuh Atungpuh nüsa Thrünpuh mihabahbah.

1 TIMOTHI 3:6

Api akin ching azorü thsübeah, jude yungsho api kükheangde akambah tüsho amünean nangde abahyukkhi ching keamyukbah;

1 PETER 5:5

Junangde nüsa athunurübonü azorü bukkhüp laang. Nüsa khülangnü khülang miki azhihayihde laang, tümüde “Thrünpuhnü akükheangrü zhipdochoh, tüshe azhihayihrü kilim amüthsüm jihchoh.”