DANIEL 10:14 - AMÜSÜH HÜM CL Bible (BSI)

¹⁴ tüsho akheam nimungbo ching nü mihtsürübo kheak tümü dünjibanü nü anikhitshihpü rungpü arükheah. Ha arübe thsungkheak michih khülang lah.”

DANIEL 10:14 Iomraidhean Croise

THRÜNTAN 49:1

Judüki Jakobnü atsührübo ji, tüsho tha, “Nüsa rukhüh mukhungang, junangde arübe nimungbo ching nüsa kheak tümü dünjipü lanü inü nüsa ki thaanü:

ISAIA 2:2

Arübe nimung ching Atungpuh yam wung ju awungbo lung achangbe thsüa labah tüsho awungbo kumung shuhkihbah; trükshih alalanü ju kheak shobah,

EZEKIEL 12:27

Mihtsürü tsührü, Israel yamkhünnü thachoh, “Apinü angükhi michihbo kam ahihdo thsungkheak lah; apinü kim ashangbo thsungkheak müchitchoh.”

EZEKIEL 38:16

amonü alomi liudokhi nangde nünü I mihtsürü Israel azhihde atubah. Ashube nimungbo ching I lomi azhihde inü nü bedarübah, O Gog, nü hode arü mükbo ki I amüsühkhitkhi huhchoki, trükshihbonü I mükheahbah.

DANIEL 10:1

Persia kiulongthsüpuh Sairus kam asampü ching Belteshazzar de ajikhi, Daniel ki thiyu akhiuka huh. Tüsho akhiuka huhkhi yu ju thiyuro lakheah, tüsho ju anikhitpü khide chakde alakheah. Thiyusheak anikhitkhi ju michih khülang ching api kilim arü.

DANIEL 12:4

Tüshe Daniel, nünü akheam kim khiungde aramyubo lodoang tüsho yümdoang. Ahihdo yüla arüla de ashanbah, tüsho amütsü alü kambah.”

DANIEL 12:9

Apinü tha, “ Nü limro ching yüang, Daniel tümüde thiyubo ha akheam kim khiungde ramlah tüsho yümdolah.

DANIEL 2:28

tüshe aramyu akhiuka huhbuh Thrünpuh khülang yinmi ching lah, tüsho Apinü akheam nimungbo ching tümü dünjibanü kiulongthsüpuh Nebukednezar ki huhdo. Nü yapkiu ching yapshea lachoki nü milim tüsho michih harü lakheah:

DANIEL 8:16

tüsho Ulai ayung ki mihtsürü khülang düsheak jikhi inü so, “Gabriel, ha buh mihtsürü ki michih ha anikhitshang.”

DANIEL 8:26

Arebo tüsho yapsubo dünkheak michih thakhi ju thiyuro. Tüshe michih ju yümdoa zoang, tümüde ha dünjipü nimung ahihkhüh lah.”

DANIEL 9:22

Api arü tüsho I ki tha, “ O Daniel, kheakü I nü kilim lümlung tüsho anikhitkhi jihpü arükheah.

HOSEA 3:5

Ju dunglim Israelrünü rholobah tüsho Atungpuh arü Thrünpuh, tüsho arü kiulongthsüpuh David yimbah; akheam nimungbo ching arünü Atungpuh trede api müngühmühi lim arübah.

MIKA 4:1

Arübe nimung ching Atungpuh yam wung ju müzüng bolung achangbe labah, tüsho awungbo kumung shuhkihbah. Mihtsürübonü ju kheak shobah,

HABAKKUK 2:3

Tümüde kheaküshe akhukhit kim thsungkheak michih khülang lah; ha akheam yo asukchoh, tüsho mükeangrü. Ju lakmama she, aleangang; ha tsükjide arübah, mashu.

WÜHKHE 24:14

Balaamnü Balak ki tha, “ I kheakü I mihtsürü kilim yüchoh, arang, arübe nimung ching harü mihtsürünü nü mihtsürübo kheak tümü rhimopü lanü nü ki huhanü.”

YUZÜNGTHALO 31:21

Tüsho küyimki amütsübo tüsho thsümütsübo arü kheak arübanü, ha khünnü arü azhihde thiyumütsan thsübah; tümütüsho arü tsühsoniusobonü mümihabah, tümüde inü arü kilim jihpü thiyuchihchimkhi lo lim bede müyüyide arü lümkhi inü mükheahlah.”

YUZÜNGTHALO 31:29

Tümüde I sheabahshu nüsa shahde athsümünimbah de inü mükheahlah, tüsho inü nüsa ki thiyukhüm jihkhi limro chingnü rholode atsobah; tüsho ju dunglim nimungbo ching amütsübo nüsa kheak akihbah, tümütüsho nüsanü Atungpuh mük kinü amütsü rhimode, nüsa khahnü arhimokhi hode api bahyukde abukakhiukshihbah.”

YUZÜNGTHALO 4:30

Nimung ho dunglim hadürü nüsa kheak arübah nüsa lümthsünüsho, küyimki nüsanü Atungpuh nüsa Thrünpuh kilim rholode api düsheak anibanü,

2 TIMOTHI 3:1

Akheam nimungbo ching thsümütsü kimbo labah de ha anikhitang.

IBRI 2:3

isanü hadürü akhümkhit ato bahyuksho küde thsah isa tsokhiba? Ju akhuhde Atungpuhnü khipkhit, tüsho api sorünü isa ki mütsanloshih,