DANIEL 10:12 - AMÜSÜH HÜM CL Bible (BSI)

¹² Apinü I ki tha, “Dütre Daniel, tümüde nünü alü anikhitpü tüsho nü Thrünpuh miki azhihayihpü nü lümkhi jihkhi akhuhbe nimung chingnü, nü yubo sodo, tüsho nü yubo hode I arükheah.

DANIEL 10:12 Iomraidhean Croise

MUNGSHIKHÜN 69:10

Küyimki inü atripba tüsho khümkeak thsübanü, mükhemükimkhi inü arümpü kamchoh;

ISAIA 35:4

Mulong ajande alarü ki thaang, “ Reangzahang, dütre! Ha ching nüsa Thrünpuh lah. Apinü atrebe thsüde athrihlopü royimjihpü arübah. Api arübah tüsho nüsa khümkhitbah.”

ISAIA 41:10

dütre, tümüde I nü lung lah, dütre, tümüde I nü Thrünpuh ah; inü nü reangzahshihbah, inü nü rungbah, inü nü I thiyuro khah tsülimnü tholobah.

ISAIA 41:14

Dütre, nü ari Jakob, nü loriloko Israel! Inü nü rungbah, Atungpuhnü thachoh; nü rhokhitbuh ju Amüsüh Israel Thrünpuh lah.

ISAIA 58:9

Judüki nünü ajibah, tüsho Atungpuhnü alojihbah; nünü arung thsungkheak zhibah, tüsho apinü athabah, Ha kheak I lah. Nünü nüsa bolungnü sangkap, yingkhing athsokhi, amütsü yihkhita bahsho,

ISAIA 65:24

Arünü müjiyide inü alobah, arü asukachihde lachoki inü asobah.

DANIEL 10:11

Apinü I ki tha, “Daniel, tode muzhodakkhi, inü nü ki asukpü lakhi ju aniang. Zhipang, tümüde I nü kilim arüshihkheah.” Jumonü apinü ha yu I ki asukde lachoki inü ajande zhip.

DANIEL 10:19

Apinü tha, “Dütre, tode muzhodakbuh, nü mungtsü laang. Reangzahang tüsho mulong toang!” Küyimki apinü I ki asukkhea, I reangzahde kam tüsho tha, “ I tungpuhnü asukang, tümüde nünü I reangzahde kamshihdo.”

LEVI 16:29

Ha nüsa thsungkheak lünnü thiyuzüng thsübah: Khinu thüne nimung athürü nipü nüsa Israelrü tüsho nüsa lung lakhi khiungkerübonü khümkeak thsübeah tüsho tümü she mürhimobeah.

LEVI 16:31

Ha nüsa thsungkheaknü sühakhim amunimung tüsho nüsanü khümkeak thsübeah. Ha kamruhroro thsungkheak yakzan thsükhi lah.

WÜHKHE 29:7

Khinu thüne nimung thürüpü ching nüsanü amüsüh amukhung laang, nüsa me thsünüang tüsho rhimo achak tümü she dürhimo.

MATHI 28:10

Judüki Jisunü arü ki tha, “Dütre. Yüang tüsho I keoniorübo ki Galilee ching yüpü thaang; ju ching arünü I ngübah.”

MATHI 28:5

Tüshe yunirünü aliberübo ki tha, “Dütre, tümüde nüsa ju yümkih-a bahkhi Jisu yimchoh de inü mükheahlah.

MARK 16:6

Tüshe apinü arü ki tha, “Darhunganim. Nüsanü Nazarethrü Jisu, shepü ayümkihkheanü yimchoh. Api arhang kamlodo! Api ha ching müla. Arünü api yapshihkhi dangpung ching kheahang.

LUKNÜ ATHRÜTKHI THIYUSHEAK-ATSÜ HUHTANYU 1:13

Tüshe yunirünü api ki tha, “Zakaria dütre, tümüde nü tamkhüntamnü sojihdo; nü niube Elizabethnü nü kilim tsührü khülang zübejihbah tüsho nünü api mung Johan de ajibah.

LUKNÜ ATHRÜTKHI THIYUSHEAK-ATSÜ HUHTANYU 1:30

Yunirünü alibe ki tha, “ Mari dütre, tümüde Thrünpuh kilimnü nü mihmuzho ngüdo.

LUKNÜ ATHRÜTKHI THIYUSHEAK-ATSÜ HUHTANYU 2:10

Yunirünü arü ki tha, “Dütre; tümüde kheahang, inü mihtsürü alala thsungkheak asühpü ato thiyusheak atsü hande arüchoh;

LUKNÜ ATHRÜTKHI THIYUSHEAK-ATSÜ HUHTANYU 24:38

Tüsho apinü arü ki tha, “Tümüde nüsa küpkhukcho? Tüsho tümüde nüsa mulong ching dukiuhlocho?

YUNIRÜBO RHIMO 27:24

tüsho tha, ‘Dütre, Paul; nü Kaesar miki zhippü lah; tüsho Thrünpuhnü nü lung bekhi rhangdungbo alala nü kilim jihdo.’

AMIKHEAKAKHIUKKHI 1:17

Küyimki inü api ngükhea, I ashekhi nangde api jing ki lunga yap. Tüshe api khah tsülimnü I kheak qiude tha, “Dütre, I atankih tüsho akheam,