DANIEL 10:1 - AMÜSÜH HÜM CL Bible (BSI)

¹ Persia kiulongthsüpuh Sairus kam asampü ching Belteshazzar de ajikhi, Daniel ki thiyu akhiuka huh. Tüsho akhiuka huhkhi yu ju thiyuro lakheah, tüsho ju anikhitpü khide chakde alakheah. Thiyusheak anikhitkhi ju michih khülang ching api kilim arü.

DANIEL 10:1 Iomraidhean Croise

THRÜNTAN 41:32

Tüsho milim ju Pharao ki mahne ki huhdo, tümütüsho Thrünpuhnü ha thsakhama lah, tüsho Thrünpuhnü ha nahde adünjishihbah.

2 KIUTHSÜYUKHEAN 36:22

Persia kiulongthsüpuh Sairus kam akhuhbe ching, Jeremianü athakhi Atungpuh yu dünjipü thsungkheaknü, Atungpuhnü Persia kiulongthsüpuh Sairus me thurumusu, junangde apinü anihbuh kiulongthsü alala ching yunithsürü khülang yüshih tüsho athrütkhi yukhüm chingnü she thari:

EZRA 3:7

Arünü lungzünrü tüsho yümzüyümdorü jihshihpü sho jihchung tüsho Tair le Sidon kiutobo ching cedar sangthulung Lebanon chingnü Joppa khiungde keto chingnü handarüde alakhi ching jihshihpü tsühyungpü, tüsho oliv müdangkebo jih. Harü alala Persia kiulongthsüpuh Sairus yu hode lang rhimo.

EZRA 4:3

Tüshe Zerubbabel, Jeshua tüsho Israel guk aban azothsürübonü arü ki alo, “Isa Thrünpuh arüngyam thsüpü nüsa arung yihnüpü müla. Persia kiulongthsüpuh Sairus nü amülükhi yande, Israel Thrünpuh arüngyam ju isanü lang athsübah.”

EZRA 4:5

tüsho arü lümkhi mukhiungshihpü arü azhihde Persia kiulongthsüpuh Sairus tüsho Darius yakzan shuhkhi kim amuyungnü atorübo buknimde rhimo.

EZRA 6:14

Wukihrü Haggai le Iddo tsührü Zekaria bünenü thsangyude mulong toshihkhi hode, Jihudarü limberübonü arüngyam thsüde jakih. Israel Thrünpuh, Sairus, Darius tüsho Persia kiulongthsüpuh Artazerzes pürünü abekhi nangde arünü arüngyam thsükham.

EZRA 6:3

“Sairus kiulongthsü atan kam Jirusalem ching arüngyam ju taka kingaünde alapung ching thsüloshang de apinü thiyukhüm jih: Arüngyam ju achanglim limthrip 27 tüsho apunglim limthrip 27 thüne thsübeah.

ISAIA 44:28

shepünü Sairus dünkheak tha, “Api I mihnu neakrü, tüsho apinü I lümkhi alala rhimode ayübah;” tüsho shepünü Jirusalem dünkheak tha, “Ha athsülobah,” tüsho arüngyam dünkheak, “ Nü khimtan khimbah.”

DANIEL 1:17

Harü athrününgtsüng phüyi kilim Thrünpuhnü mükheahmudu tüsho yuthrüt alala ching ayeanzam tüsho lümlung jih; Daniel she michihbo tüsho milimbo alala ching anikhitkhi lakheah.

DANIEL 1:21

Tüsho Sairus kiulongthsüpuh akhuhbe kam khiungde Daniel ju ching lakheah.

DANIEL 1:7

Akubeatobuhnü arü kilim püpü mung asobo jijih: apinü Daniel ki Belteshazzar de ji, Hanania ki Shadrak, Mishael ki Meshak, tüsho Azaria ki Abednego de ji.

DANIEL 10:14

tüsho akheam nimungbo ching nü mihtsürübo kheak tümü dünjibanü nü anikhitshihpü rungpü arükheah. Ha arübe thsungkheak michih khülang lah.”

DANIEL 11:2

“Tüsho kheakü inü nü ki thiyuro thabah. Kheahang, kiulongthsürü mahsam Persia ching asürübah; tüsho aphüyipü khülang ju arü alala kheaknü khide alarü labah; tüsho küyimki api lakhitbo hode api sühmüh lade akambanü, apinü Greek kiulongthsü alala azhihde rhumüneanbah.

DANIEL 12:4

Tüshe Daniel, nünü akheam kim khiungde aramyubo lodoang tüsho yümdoang. Ahihdo yüla arüla de ashanbah, tüsho amütsü alü kambah.”

DANIEL 12:9

Apinü tha, “ Nü limro ching yüang, Daniel tümüde thiyubo ha akheam kim khiungde ramlah tüsho yümdolah.

DANIEL 2:21

Apinü kimbo tüsho akheahmünchibo müthrichoh, kiulongthsürübo ayoshihchoh tüsho kiulongthsürübo shuhkihchoh; apinü lümlung larü kilim lümlung tüsho anikhitrü kilim mükheahmudu jihchoh.

DANIEL 4:8

Akheam ching Daniel I miki azah–shepü I thrünpuh mung yande Belteshazzar de ajikhea, tüsho shepü kheak amüsüh Thrünpuh me lakhea–tüsho inü api ki milim tha,

DANIEL 5:12

tümütüsho, kiulongthsüpuhnü Belteshazzar de ajijihkhi Daniel kheak athukhi me, mükheahmudu, tüsho milim yihthünakpü anikhitkhi, aramyu thanakpü tüsho lümkhilümduh mulong-mülüpü lakheah. Kheakü Daniel jishang, tüsho apinü thanaka jihbah.”

DANIEL 5:17

Judüki Danielnü kiulongthsüpuh mikinü alo, “ Nü thsambahbo nü thsungkheak zoang, yungsho nü thsambahbo khürü kilim jihang! Judüalalashe inü athrütkhi ju kiulongthsüpuh ki khebah tüsho ju amütsan api ki thabah.

DANIEL 6:28

Jumonü hanü Persiarü Darius kiulongthsü tüsho Sairus kiulongthsü kim ching Daniel lalim tsüde kam.

DANIEL 8:16

tüsho Ulai ayung ki mihtsürü khülang düsheak jikhi inü so, “Gabriel, ha buh mihtsürü ki michih ha anikhitshang.”

DANIEL 8:26

Arebo tüsho yapsubo dünkheak michih thakhi ju thiyuro. Tüshe michih ju yümdoa zoang, tümüde ha dünjipü nimung ahihkhüh lah.”

LUKNÜ ATHRÜTKHI THIYUSHEAK-ATSÜ HUHTANYU 1:20

Tüshe kheahang, harü müdünjiyi nimung khiungde nü masukkhukpü thsüde aduh-a labah, tümütüsho kim ching dünjipü lakhi I yubo nünü akin müla.”

AMIKHEAKAKHIUKKHI 19:9

Yunirünü I ki tha, “Ha thrütang: Namfimihnunu yamkhün kamkhi thünio ching jiyukrü müngühmühi.” Tüsho apinü I ki tha, “Harü ha Thrünpuh thiyuro yubo ah.”