DANIEL 1:4 - AMÜSÜH HÜM CL Bible (BSI)

⁴ athrününgtsüng mihtsürü shihphü ching areak mülarü tüsho trungdung atsü, lümlung ching thsambah larü, mükheahmudu lakhi tüsho nahde anikhitrü, kiulongthsüpuh yam ching tankihpü athülün; arü ki Kaldearü yuthrüt tüsho yutha thsangyupü lakheah.

DANIEL 1:4 Iomraidhean Croise

THRÜNTAN 41:46

Josep Ijip kiulongthsüpuh Pharao khinkih thsüpü yüzahchoki kam 30 azorü lakheah. Josepnü Pharao mikinü wukhiuk tüsho Ijip lomi alala ching yü.

2 SAMUEL 14:25

Kheakü Israel alala ching Absalom akheahakhamkhi nangde sheshe thude mülakheah; ajinglung chingnü athangphülang khiungde api kheak jakreak mükihde alakheah.

MÜCHITMUDU 22:29

Mihtsürü khülang api rhimo ching yeanzamkhi nünü ngüchonah? Api kiulongthsürübo miki zhipbah; api a mümükheahkhi mihtsürübo miki müzhip.

T H S AN GYU T H S AN GR ARÜ 7:19

Lümlungnü lümlung larü kilim kiuto yakzanshuhrü 10 kheaknü alü sühmüh jihchoh.

ISAIA 36:11

Judüki Eliakim, Shebna, tüsho Joanü Rabshake ki tha, “Muzhobah nü yamlarübo ki Aramik chingnü asukang, tümüde isanü ju anikhitlah; rhü ki larü mihtsürünü sode Ibri yutha chingnü isa ki dasuk.”

JEREMIA 5:15

Inü limshu chingnü trükshih khülang nü kheak handarübah, O Israel yamkhün, Atungpuhnü thachoh. Ha sühmüh lakhi trükshih, ha jipü-lün trükshih, nünü mümükheahkhi yutha trükshih, yungsho arünü athakhi nünü manikhitkhuk.

DANIEL 2:10

Kaldearünü kiulongthsüpuh ki alo, “ Kiulongthsüpuhnü alunekhi akhiuka huhkhukpü thsüde alomi kheak sheshe müla! Atsütsü she kiulongthsüpuh, ato tüsho wulakhinü, hadürü küyimkishe kuhi-kheahrü yungsho wurük-huhrü yungsho Kaldearü ki keoamükheah.

DANIEL 2:2

Jumonü apinü anihbuh ki amilim thanakshihpü kuhikheahrü, wurük-huhrü tüsho Kaldearü, thümürübo jide arüpü yüshih. Küyimki arü arükhea tüsho kiulongthsüpuh miki zhipkhea,

DANIEL 3:8

Jumonü, ha kim ching Kaldearü khürü mikhuh ching arü tüsho Jihudarü azhihde tha.

DANIEL 4:7

Judüki kuhikheahrü, wurük-huhrü, thümürü, chining-kherübo tüsho Kaldearü alala bede azah, tüsho inü arü ki thaa huh, tüshe arünü I ki müthanakkhuk.

DANIEL 5:11

Nü kiulongthsü ching amüsüh Thrünpuh me lakhi mihtsürü khülang lah. Nü buh nimungbo ching api kheak sulüm, anikhitkhi, tüsho thrünpuhbo lümlung nangde alakhi ngükhitdo. Nü buh, kiulongthsüpuh Nebukednezarnü api wurük-huhrü, kuhi-kheahrü, Kaldearü, tüsho müchitrü kurungkheak atobuh kamshih,

DANIEL 5:7

Kiulongthsüpuhnü wurük-huhrü, thümürü tüsho Kaldearü bede azahpü zhi; tüsho kiulongthsüpuhnü Babilon lümlung larü mihtsürübo ki tha, “Shepünü ha thrütkhi khekhukba tüsho athanakkhi I ki thabanü mürümmüri khim phuyujihbah, suna wuhrünlak ahung ching lakshihbah, tüsho kiulongthsü-binkiu asampü ching labah.”

DANIEL 9:1

Midiarü Zerzes tsührü Darius, Babilon kiulongthsübo kurungkheak yakzanshuhrü kam.

ZEKARIA 2:4

tüsho api ki tha, “Alihang, ju athrününgtsüng mihtsürü ki thaang: Jirusalem ju mihtsürü tüsho shiwüh hihkhinü chipi mayündoride alabah.

YUNIRÜBO RHIMO 7:20

Ju kim ching Mosa zübe, tüsho Thrünpuh miki akhamde alakheah. Tüsho api ju abuh yam ching khinu mahsam mütrü;

YUNIRÜBO RHIMO 7:22

Mosa ki Ijip lümlung alala thsangyu tüsho api ju thiyu tüsho rhimobo ching mungkhung mihtsürü kam.

EFISIA 5:27

tüsho api kilim borü ju müretahde, areak yungsho aduhrhuh, yungsho judürü püpü mülade alabah, junangde anihbe lapha mükihde amüsüh labah.

MAHKHAPRÜ 8:18

Judüki apinü Zeba tüsho Zalmunna ki tha, “Nüsanü Tabor ching laksahkhi mihtsürübo küruk a?” Anenü alo, “ Arübo nü ruk lakheah; arübo kiulongthsürü tsührübo kiphahde alakheah.”