DANIEL 1:20 - AMÜSÜH HÜM CL Bible (BSI)

²⁰ Lümlungbo tüsho anikhitkhi ching kiulongthsüpuhnü arü ki keokhikhi lüpdükhi ching apinü arübo api kiulongthsü athrünkhi ching kuhikheahrü tüsho wurük-huhrü alala kheaknü thürü kinü atsübe kheahkhit.

DANIEL 1:20 Iomraidhean Croise

THRÜNTAN 31:7

Tütüshe nüke abuhnü I rükaki, tüsho I mihkhahbo thürü ki müthri, tüshe I yuripü Thrünpuhnü api ki mümülüjih.

THRÜNTAN 41:8

Jumonü yapsu api me küpkhukde alakheah; apinü thiyia yüshihbah Ijip wurük-huhrü tüsho lümlung lakhi mihtsürü alala ji. Pharaonü arü ki api milim tha, tüshe Pharao thsungkheak jurü thanakpü she mülakheah.

NEHEMIA 4:12

Tüshe thiriri lung larü Jihudarübonü isa ki thürü ki tha, “Nüsa kürü ching yübanü, arünü isa yanbah.”

JOB HU H T ANYU 19:3

Ha thürü ki nüsanü I kheak mükhemürangchoh; I amülim jihpü nüsa machih de?

MUNGSHIKHÜN 119:99

I thsangyurübo alala kheaknü I alü anikhitkhi lah, tümüde nü yakzanbo ju I tamkhüntamnü-lüm lah.

ABEKHIT 7:22

Tüshe Ijip wurük-huhrübonü arü wurüknü ju ruk thsü; jumonü Pharao mulong müküpde kamlo, tüsho Atungpuhnü athakhi nangde apinü ane ki mani.

ABEKHIT 8:19

Judüki wurük-huhrübonü Pharao ki tha, “Ha Thrünpuhnü rhimoa lah.” Tüshe Atungpuhnü athakhi nangde Pharao mulong müküplode kam tüsho ane ki mani.

ABEKHIT 8:7

Tüshe wurükhuhrübonü arü wurük hode ju ruk thsü, tüsho Ijip lomi kheak kheangbo hande arü.

ISAIA 19:3

arü bolung Ijiprü me mülade akambah, tüsho inü arü lümkhibo akeangkeang kamshihbah; arünü sangthsübo tüsho ashekhi mebo tüsho mesherü le mebo ki keokhibah;

EZEKIEL 28:3

Nü a Daniel kheaknü lümlung labe ah, junangde nü kheaknü tümü rama mülakhuk de lümchoh;

DANIEL 1:17

Harü athrününgtsüng phüyi kilim Thrünpuhnü mükheahmudu tüsho yuthrüt alala ching ayeanzam tüsho lümlung jih; Daniel she michihbo tüsho milimbo alala ching anikhitkhi lakheah.

DANIEL 2:13

Thiyuzüng ju jihkham tüsho lümlung larü mihtsürübo ju alaksahpü tankih; tüsho arünü Daniel tüsho api müyamrübo laksahpü yim.

DANIEL 2:21

Apinü kimbo tüsho akheahmünchibo müthrichoh, kiulongthsürübo ayoshihchoh tüsho kiulongthsürübo shuhkihchoh; apinü lümlung larü kilim lümlung tüsho anikhitrü kilim mükheahmudu jihchoh.

DANIEL 5:17

Judüki Danielnü kiulongthsüpuh mikinü alo, “ Nü thsambahbo nü thsungkheak zoang, yungsho nü thsambahbo khürü kilim jihang! Judüalalashe inü athrütkhi ju kiulongthsüpuh ki khebah tüsho ju amütsan api ki thabah.

WÜHKHE 14:22

tümütüsho Ijip sunglo ching I müretahkhi, tüsho inü khinthiyinbe rhimokhi ngürü mihtsürü alalanü kheakü I ki thürü ki rükakido, tüsho I yu mani,