DANIEL 1:2 - AMÜSÜH HÜM CL Bible (BSI)

² Atungpuhnü Juda kiulongthsüpuh Jehoiakim tüsho Thrünpuh yam ching yo pungphuru khürü api khah ching jih. Apinü harü Shinar lomi ching handarü, tüsho pungphurubo ju api thrünpuhbo rahpung-yam ching zo.

DANIEL 1:2 Iomraidhean Croise

THRÜNTAN 10:10

Tüsho api kiulongthsü atankih Shinar lomi ching Babel, Erek, Akkad tüsho Kalne lakheah.

THRÜNTAN 11:2

Mihtsürübo aniakhiuklimnü yüde alachoki, arünü Shinar ching adükhün khülang ngü tüsho ju ching la.

2 KIULONG THSÜRÜ 24:1

Api nimungbo ching Nebukednezar Babilon kiulongthsüpuh atu; Jehoiakim kam mahsam api yamlarü kamabah; apinü rholo tüsho api azhih.

2 KIUTHSÜYUKHEAN 36:5

Jehoiakim kiulongthsüpü tankihchoki kam 25 azorü lakheah; apinü Jirusalem ching kam thürükheak khülang kiulongthsü. Apinü A TUN GPU H anihbuh Thrünpuh miki amütsü rhimo.

2 KIUTHSÜYUKHEAN 36:7

Nebukednezarnü Atungpuh yam ching yo pungphurubo she lu tüsho jurü Babilon ching anihbuh yam ching yuka zo.

EZRA 1:7

Kiulongthsüpuh Nebukednezarnü Jirusalem arüngyam ching yo pungphuru lude yünü api thrünpuh arüngyam ching zokhibo she Sairusnü yihkhit.

ISAIA 11:11

Ju nimung Asiria, Ijip, Pathros, Ethiopia, Elam, Shinar, Hamath, tüsho keto kekunglo chingnü aninga larü khümkhitpü mahne kipü Atungpuhnü akhah chungbah.

ISAIA 42:24

Shenü ayankhirü kilim Jakob jihkhea tüsho jangkhijangrarü kilim Israel jihkhea? Ha Atungpuhnü yung de, shepü azhihde isanü neak yihbeakkhea, shepü limrobo ching arünü mütsahkhea, tüsho shepü yakzan arünü manikhea?

JEREMIA 25:1

Juda mihtsürü alala dünkheak, Josia tsührü Juda kiulongthsüpuh Jehoiakim kiulongthsükhi kam phüyipü ching Jeremia kilim thiyu arükhi (ju Babilon kiulongthsüpuh Nebukednezar kam khülangpü lakheah,)

JEREMIA 27:16

Judüki inü amükeamrübo tüsho ha mihtsürü alala ki tha, Atungpuhnü ha thachoh: Nüsa ki hade müchitrü wukihrübo ki dani, “Atungpuh yam phühlungbo Babilon chingnü nahde hanlodarübah,” tümüde arünü nüsa ki akeangyu müchitchoh.

JEREMIA 28:3

Kam mahne dükeaknü Babilon kiulongthsüpuh Nebukednezarnü ha dangpung chingnü Babilon ching lude ayükhi Atungpuh yam ching yo phühlungbo alala ha dangpung ching hanlodarübah.

JEREMIA 35:11

Tüshe küyimki Babilon kiulongthsüpuh Nebukednezarnü lomi azhihde atukhea, isanü tha, ‘ Arang, tüsho Kaldea bonungrü tüsho Aram bonungrü trekhinü isa Jirusalem lim yüanü.’ Jumonü isa Jirusalem ching lakheah.”

JEREMIA 50:2

Trükshih bolung thaang tüsho zhiyukang, riphin khimang tüsho zhiyukang, ha düram, thaang: Babilon dümdo, Bel achih ngüdo, Merodak mulong ninido. Anihbe mejak achih ngüdo, anihbe sangthsü mulong ninido.

JEREMIA 51:44

Inü Babilon thrünpuh Bel thsümüchibah, tüsho apinü amuyukhi mülümkhitshihbah. Trükshihbonü kheaküa api ki shode müyü; Babilon chipi keamdo.

DANIEL 5:13

Judüki Daniel ju kiulongthsüpuh miki bede yüzah. Kiulongthsüpuhnü Daniel ki tha, “ Nü Daniel, I buh kiulongthsüpuhnü Juda chingnü bedarükhi, Juda ramtsorü khülang a de?

DANIEL 5:18

O kiulongthsüpuh, Khide Achang Thrünpuhnü nü buh Nebukednezar kilim kiulongthsü, ato, müretah, tüsho mungthu jih.

HABAKKUK 1:16

Jumonü apinü anihbuh yo keang ki laksah-a kingaünchoh tüsho keang-qiuqiu ki api kingaünbo jihchoh; tümüde jurü hode api müthangmüsün ching lachoh, tüsho api tsühyungpü lakhit lah.

ZEKARIA 5:11

Apinü I ki alo, “Ha thsungkheak arüngyam thsüpü Babilon lim yüchoh; tüsho küyimki ha thsükhibanü, anenü muluk ju kingaünpü dangpung kheak zobah.”

YUZÜNGTHALO 32:30

Atungpuh arü Thrünpuhnü arü yinkhi yungsho, tüsho Atungpuhnü arü jihabahkhi yungsho, küde thsah khülangnü chithürü yande müshampü, tüsho mahnenü chithürü thürü alihde atsoshihpü?

MAHKHAPRÜ 2:14

Tüsho Israel azhihde Atungpuh bukakhiuk. Jumonü apinü arübo ju arü yankhia lurü khah ching jih; tüsho apinü arübo arü mühide lakhi thiriribo khah ching yinabah. Junangde arü riribo miki arübonü müzhipkhukde kam.

MAHKHAPRÜ 3:8

Jumonü Atungpuhnü Israelrü kheak bukakhiuk tüsho apinü arübo Mesopotamia kiulongthsüpuh Kushan-rishathaim khah ching yinabah; tüsho Israel tsührübonü kam tizheah Kushan-rishathaim tankih.

MAHKHAPRÜ 4:2

Jumonü Atungpuhnü arübo Hazor ching yakzanshuhbuh Kanan kiulongthsüpuh Jabin khah ching jih. Tüsho api bonungrü abebuh ju Harosheth Hagoyim ching lakhi Sisera lakheah.

1 SAMUEL 5:2

jushu Filistiarünü Thrünpuh sangdan lubah Dagon yam ching arü tüsho Dagon rheang ki zo.