DANIEL 1:17 - AMÜSÜH HÜM CL Bible (BSI)

¹⁷ Harü athrününgtsüng phüyi kilim Thrünpuhnü mükheahmudu tüsho yuthrüt alala ching ayeanzam tüsho lümlung jih; Daniel she michihbo tüsho milimbo alala ching anikhitkhi lakheah.

DANIEL 1:17 Iomraidhean Croise

1 KIULONG THSÜRÜ 3:12

kheakü inü nü yu yande rhimochoh. Atsütsü inü nü kilim lümlung tüsho mütsankhitpü lümkhi jihchoh; nü müngüh sheshe nü ruk mülakheah tüsho nü ruk sheshe nü dunglim masürü.

1 KIULONG THSÜRÜ 3:28

Kiulongthsüpuhnü mahkhapjihkhi Israel alalanü so; tüsho arünü kiulongthsüpuh trezung thsüde zhip, tümütüsho mahkhappü thsüde Thrünpuh lümlung api kheak lah de arünü ngükhit.

2 KIUTHSÜYUKHEAN 1:10

Kheakü ha mihtsürübo limbepü I kilim lümlung tüsho mükheahmudu jihang, tümüde ha nü mihtsürü ato shenü yakzan shuhkhukpü?”

2 KIUTHSÜYUKHEAN 1:12

lümlung tüsho mükheahmudu nü kilim jihbah. Kheaküshe inü nü kilim lakhit, alakukruk, wüntrepü nü müngüh tüsho nü dunglim kiulongthsürübo lakhi kheaknü alü jihbah.”

2 KIUTHSÜYUKHEAN 26:5

Atungpuh trekhi ching api thsangdanbuh Zekaria nimungbo ching apinü Thrünpuh yimpü thsakham; tüsho apinü Atungpuh yimkhi amuyung, Thrünpuhnü api müngühjih.

JOB HU H T ANYU 32:8

Tüshe mihtsürü kheak me khülang lah, tüsho Wutobuh sheaknü anikhitpü api kilim jihchoh.

MÜCHITMUDU 2:6

Tümüde Atungpuhnü lümlung jihchoh; api mün chingnü mükheahmudu tüsho anikhitkhi arüchoh;

T H S AN GYU T H S AN GR ARÜ 2:26

Tümüde shepünü api asühshihchonü Thrünpuhnü lümlung, mükheahmudu tüsho asühpü jihchoh; tüshe aneakrü kilim a Thrünpuh asühshihrü kilim jihshihpü lang, apinü hanmukhungpü tüsho wumujungpü rhimo jihchoh. Ha she akeangkeang tüsho apung dunglim müshamkhi khülang ah.

ISAIA 28:26

Tümüde apinü thiyuro mahkhap anihbuh ki thsangdanchoh; anihbuh Thrünpuhnü api thsangyuchoh.

EZEKIEL 28:3

Nü a Daniel kheaknü lümlung labe ah, junangde nü kheaknü tümü rama mülakhuk de lümchoh;

DANIEL 1:18

Nimung akheam ching küyimki kiulongthsüpuhnü arü bede azahpü thakhea, akubeatobuhnü Nebukednezar miki arü bede yüzah.

DANIEL 1:20

Lümlungbo tüsho anikhitkhi ching kiulongthsüpuhnü arü ki keokhikhi lüpdükhi ching apinü arübo api kiulongthsü athrünkhi ching kuhikheahrü tüsho wurük-huhrü alala kheaknü thürü kinü atsübe kheahkhit.

DANIEL 1:4

athrününgtsüng mihtsürü shihphü ching areak mülarü tüsho trungdung atsü, lümlung ching thsambah larü, mükheahmudu lakhi tüsho nahde anikhitrü, kiulongthsüpuh yam ching tankihpü athülün; arü ki Kaldearü yuthrüt tüsho yutha thsangyupü lakheah.

DANIEL 10:1

Persia kiulongthsüpuh Sairus kam asampü ching Belteshazzar de ajikhi, Daniel ki thiyu akhiuka huh. Tüsho akhiuka huhkhi yu ju thiyuro lakheah, tüsho ju anikhitpü khide chakde alakheah. Thiyusheak anikhitkhi ju michih khülang ching api kilim arü.

DANIEL 2:19

Judüki amüthakhukkhi aramyu ju azhing michih ching Daniel ki akhiuka huh tüsho Danielnü yinmi Thrünpuh shijih.

DANIEL 2:21

Apinü kimbo tüsho akheahmünchibo müthrichoh, kiulongthsürübo ayoshihchoh tüsho kiulongthsürübo shuhkihchoh; apinü lümlung larü kilim lümlung tüsho anikhitrü kilim mükheahmudu jihchoh.

DANIEL 2:23

O I jipü Thrünpuh, nü kilim inü makshe jihchoh tüsho shijihchoh, tümüde nünü I kilim lümlung tüsho wu jihdo tüsho isanü nü ki tümü keokhikheanü I ki akhiuka huhdo, tümüde kiulongthsüpuhnü tümü thiyukhüm jihkheanü nünü isa ki akhiuka huhdo.”

DANIEL 2:30

Tüshe I thsungkheak a, püpürü rhangdung larü kheaknü I lümlung khürü lamonü ha aramyu I ki akhiuka huhkhi yung, tüshe thanakkhi ju kiulongthsüpuh ki mükheahshihpü thsungkheak tüsho junangde nü mulong ching lümkhibo anikhitbah.

DANIEL 4:6

Jumonü I ki milim thanakpü thsüde Babilon lümlung larü mihtsürü alala I miki bedarüpü inü thiyuzüng thsü.

DANIEL 5:14

Thrünpuh me tüsho mükheahmudu anikhitkhi tüsho lümlung nü kheak lah de inü sodo.

DANIEL 7:1

Babilon kiulongthsüpuh Belshazzar kam akhuhbe ching, Danielnü yapkiu ching yapde alachoki milim tüsho michihbo ngü. Jushu apinü milim ju thrüt:

DANIEL 8:1

Kiulongthsüpuh Belshazzar kiulongthsü kam asampü ching I, Danielnü michih mahnepü ngü.

WÜHKHE 12:6

Tüsho Atungpuhnü tha, “Kheakü I yu aniang! Küyimki nüsa bolung wukihrü labanü, inü arü michih ching I akhiuka huhchoh tüsho inü arü kheak milim ching asukachihchoh.

LUKNÜ ATHRÜTKHI THIYUSHEAK-ATSÜ HUHTANYU 21:15

tümüde nüsa azhihrü alalanü mazhihkhukpü yungsho müdanglokhukpü thsüde inü nüsa kilim thiyu tüsho lümlungbo jihbah.

YUNIRÜBO RHIMO 6:10

tüshe apinü Me lümlungnü athakhi azhihde müzhipkhuk.

YUNIRÜBO RHIMO 7:10

api thsümütsü alala chingnü api bekhit tüsho Ijip kiulongthsüpuh Pharao miki amuzho tüsho lümlung jihbah apinü anihbuh Ijip tüsho api yamkhün alala kurungkheak kovünor kamshih.

YUNIRÜBO RHIMO 7:22

Mosa ki Ijip lümlung alala thsangyu tüsho api ju thiyu tüsho rhimobo ching mungkhung mihtsürü kam.

KOLOSI 1:9

Jumonü isanü ju sokhi nimungnü, me lümlung tüsho anikhitkhi alala ching api lümkhi mükheahmudunü nüsa mide akampü keokhide nüsa thsungkheak tamkhüntamnüpü isanü anüzhak müthsü,

JAKOB 1:17

Atsü tüsho khiukdahkhi thsambah aban akulimnü lah, mebo akhinkhi nangde mümüthrikhi yinmi ayinbo Abuh kilimnü akichoh.

JAKOB 1:5

Tüsho nüsa khürü lümlung mülasho, müsüngde alala kilim salade ajihbuh Thrünpuh ki kheangang, tüsho ju nü kilim jihbah.