AMOS 9:9 - AMÜSÜH HÜM CL Bible (BSI)

⁹ Tümüde kheahang, inü thiyukhüm jihbah tüsho khürünü ayikeangnü ayikhi nangde trükshih alala bolung müthülünkhi yihkhita bahpü inü Israel yamkhün ayibah.

AMOS 9:9 Iomraidhean Croise

ISAIA 27:12

Ju nimung Atungpuhnü Euphra ke bukpung kheaknü Ijip Ayung khiungde anitbah, tüsho nüsa khülang khülangnü bemukhungbah, O Israel mihtsürü.

ISAIA 28:28

Hi ju yikhap thsüpü zünakchoh, tüshe ju lünnü münitchoh; khürünü ju kheak lolungbe jing lungchoh tüsho khorabo bechoh, tüshe mühiumüzüt.

ISAIA 30:28

api sheak thsükhi ju ketokhi ayung nangde hung khiunglah–athsümünimbe yikeangnü trükshihbo ayipü, tüsho mihtsürü münjak ching arü bephülappü münrhükbe lah.

JEREMIA 31:36

Ha akhinashubo I mikinü chamkhisho, Atungpuhnü thachoh, Israel tsührü lünnü I miki trükshih khülang thsüpü kheambah.

JEREMIA 46:28

Nü thsungkheak a, dütre, I yamlarü Jakob, Atungpuhnü thachoh, tümüde I nü lung lah. Inü nü yana yüshihkhi trükshih alala kheamshihbah, tüshe inü nü a mükheamshih! Inü nü alungki ching thsangdanbah tüsho inü shahde müthsümüchidüa nü muzojih.

JEREMIA 49:36

tüsho inü thüning thrip phüyi chingnü Elam kheak apung handarübah; tüsho inü harü apungbo ching arübo müzütshihbah, tüsho Elam chingnü ramtso müyükhi trükshih khülang she mülade müthsü.

EZEKIEL 20:38

Nüsa I azhihrü inü müsühkhitbah. Arü lakhi chingnü inü arübo bekhitkhit she, arübo Israel lomi ching müyüzah. Judüki I Atungpuh de nüsanü mükheahbah.

EZEKIEL 36:19

Inü arübo trükshih bolung hiumüzütshih, tüsho arübo lomibo ching müzütshih; arü limro tüsho rhimobo yande inü arü mahkhap.

EZEKIEL 39:28

Judüki arünü I Atungpuh arü Thrünpuh de mükheahbah, tümütüsho inü arübo trükshih bolung aramkhi ching yüshih, tüsho arü nihbuh lomi ching bemukhung. Inü arü sheshe dunglim mübahjih;

EZEKIEL 5:10

Jumonü nüsa bolung ching buhrübonü arü tsührübo tsühbah tüsho tsührübonü arü bebuhrübo tsühbah. Inü nü kheak thsümüchi jihbah tüsho nüsa aninga larü alala apungbo ching müzütshihbah.

EZEKIEL 5:12

Nüsa shihchamkhüh arüm yungsho khümzungnü ashebah; nü mühide shihchamkhüh nukshangnü akeambah; tüsho shihchamkhüh apungbo ching hiumüzütbah tüsho nukshang thokhitbah yande müshambah.

LEVI 26:33

Inü nüsa trükshih bolung müzütshihbah tüsho nüsa azhihde nukshang thokhitbah; nüsa lo zhikabahbah tüsho kiutobo akeangkeang kambah.

LUKNÜ ATHRÜTKHI THIYUSHEAK-ATSÜ HUHTANYU 22:31

Tüsho Atungpuhnü tha, “Simon, Simon! Arimrinü wheat nangde nü ayipü keokhikheah.

YUZÜNGTHALO 28:64

“Judüki Atungpuhnü nüsa mihtsürü alala lung, alomi akheam thripkhühnü khülim khiungde müzütshihbah, tüsho nüsanü ju ching nüsa yungsho nüsa jipürünü mümükheahkhi sang tüsho lungnü athsükhi püpü thrünpuhbo tankihbah.