AMOS 9:5 - AMÜSÜH HÜM CL Bible (BSI)

⁵ Atungpuh , Wuto T H RÜ NPU H , shepünü alomi qiucho tüsho ju niucho, tüsho ju ching larü alala tüzhocho, tüsho ju alala Nile nangde akihcho, tüsho Ijip ching Nile nangde keamyuklocho;

AMOS 9:5 Iomraidhean Croise

MUNGSHIKHÜN 104:32

Apinü alomi kheak kheahchoh, tüsho ju ajanchoh; apinü awungbo qiuchoh, tüsho jurü mokhühchoh.

MUNGSHIKHÜN 144:5

O Atungpuh , thüning chakashungang tüsho akiang; müzüngbo qiuang, tüsho arünü mokhühbah.

MUNGSHIKHÜN 32:6

Jumonü thiyuro mihtsürübonü arü lümthsünü kim ching nü ki tamkhüntamnüshang; tsükjide keto kingde akihchoki junü arü mukhiung.

MUNGSHIKHÜN 46:6

Trükshihbo müyinnimdo, kiulongthsübo niukdo; Thrünpuhnü tsüngmukchoh, tüsho alomi niuthünakchoh.

MUNGSHIKHÜN 97:5

Atungpuh miki müzüngbo thürip nangde, alomiküp Tungpuh miki niuthünakchoh.

ISAIA 64:1

O nünü yinmi chakashungbah akikhülaa, junangde awungbonü nü miki niukbah–

JEREMIA 12:4

Külokhüh alonü tüzhoba tüsho thulu sangrungbo mukuhba? Ju ching larü mihbukmuyuk lakhinü shiwüh tüsho wuhnubo shekhamdo, tümütüsho mihtsürübonü tha, “ Isanü arhimokhi Thrünpuhnü müngü.”

HOSEA 4:3

Jumonü lomi tüzhochoh, tüsho ju ching larü alala thsünülah; mütüm shiwühbo tüsho apung wuhnubo lung rukhüh, keto ching thüngühbo she dükheakchoh.

AMOS 8:8

Ha dünkheaknü lominü majanba de, tüsho ju ching larü abannü mütüzhoba de, tüsho alala Nile nangde makihba de, tüsho Ijip ching mükeamyukba de?

NAHUM 1:5

Api miki müzüngbo niukchoh tüsho awungbo niuchoh; api miki alomi, alomiküp tüsho ju ching larü alala ajanchoh.

NAHUM 1:6

Api bukakhiukkhi müngüh shenü azhipkhukpü? Api bukakhiukkhi atak shenü arümkhukpü? Api mulong zhipzhip ju mo nangde dungkhitchoh, tüsho api hode lungtobo adütre kamde yihnakchoh.

HABAKKUK 3:10

Müzüngbonü nü ngüchoki, arünü ajan; thüningbo chingnü kebo bukkhi. Alomi khüp kebonü ahuk tüsho arü abükkhibo changde yükih.

MATHI 7:27

Tsüng arü, ayungbo düchi arü, apungbo yün tüsho ju yam kheak nim tüsho ju keamabah; ju lungkhi atrebe lakheah.”

AMIKHEAKAKHIUKKHI 20:11

Judüki inü kiulongthsü-binkiu amüye tüsho ju kheak binbuh ngü; api mikinü alomi tüsho thüning tsoabah, tüsho jurü müngülode kam.