AMOS 9:4 - AMÜSÜH HÜM CL Bible (BSI)

⁴ Tüsho arünü ramtso ching arü riri miki yüyü she, ju ching inü nukshang ki thiyukhüm jihbah, tüsho junü arü laksahbah; tüsho inü arü kheak athsümünim thsungkheaknü I mükbo kheahkihbah tüsho atsü thsungkheak yung.

AMOS 9:4 Iomraidhean Croise

THRÜNTAN 44:21

Judüki nünü nü yamlarübo ki tha, ‘Api I kilim bede akiang, junangde inü api kheahanü.’

2 KIUTHSÜYUKHEAN 16:9

Tümüde api kheak thiyuro mulong larü düküngshihpü Atungpuh müknü lomi athrünkhi ngürilah. Nünü ha ching bünde rhimodo; tümüde kheakünü rünbah nü rithsübo labah.”

MUNGSHIKHÜN 34:17

Küyimki thiyuro-lungkirünü arung thsungkheak zhibanü Atungpuhnü alochoh, tüsho arü küpkhuk alala chingnü bekhitchoh.

ABEKHIT 14:24

Ayinkhipü müngüh Atungpuhnü mo dungto tüsho amo chingnü Ijip bonungrü kheak abinkhia kheah tüsho arübo yingyingde kamshih.

JEREMIA 12:12

Loshelo ching awung achangbo alala kheak athsümünimrü arüdo; tümüde Atungpuh nukshangnü alomi akheamnü thripkhüh khiungde muyuchoh; sheshe akhimahe ching müla.

JEREMIA 21:10

Tümüde inü ha kiuto azhihde amütsü thsungkheak I miro anguhdo tüsho atsü thsungkheak yung, Atungpuhnü thachoh: Ha Babilon kiulongthsüpuh khah ching jihbah, tüsho apinü monü atakbah.

JEREMIA 24:6

Atsü thsungkheaknü arü kheak I mük zobah, tüsho ha lomi ching inü arü belodarübah. Inü arü thsükihbah, tüsho arü müthokheam; inü arü khimbah, tüsho arü mürukkhit.

JEREMIA 39:12

“Api bea lubah tsüde kheahang tüsho api ki amütsü düthsü, tüshe apinü akeokhikhi nangde api thsungkheak rhimoang.”

JEREMIA 39:16

Ethiopiarü Ebedmelek kilim yüang tüsho thaang: Wuto Atungpuh , Israel Thrünpuhnü ha thachoh: Inü ha kiuto azhihde amütsü thakhi dünjipü lah tüsho atsü thsungkheak yung, tüsho ju nimung nü lade adünjibah.

JEREMIA 44:11

Jumonü Wuto Atungpuh , Israel Thrünpuhnü ha thachoh: Inü Juda alala kheamshihpü, nüsa kheak thsümütsü handarüpü lümkihlah.

EZEKIEL 5:12

Nüsa shihchamkhüh arüm yungsho khümzungnü ashebah; nü mühide shihchamkhüh nukshangnü akeambah; tüsho shihchamkhüh apungbo ching hiumüzütbah tüsho nukshang thokhitbah yande müshambah.

EZEKIEL 5:2

Küyimki kiuto yankhi akheam thsübanü, kuyü shihchamkhüh monü kiuto alunglimnü takang. Shihchamkhüh lubah nü kiuto aleanglim mükamchoki nukshangnü kimshakang. Tüsho shihchamkhüh ju apung ching hiumüzütang, tüsho inü arübo nukshang thokhita shuhbah yande müshambah.

LEVI 17:10

Israelrü khürü yungsho nüsa bolung larü khiungkerü shepünü thiyih tsühbanü, Atungpuhnü api azhihde bukakhiukbah tüsho api nihbuh mihtsürü bolungnü khekhita bahbah.

LEVI 26:33

Inü nüsa trükshih bolung müzütshihbah tüsho nüsa azhihde nukshang thokhitbah; nüsa lo zhikabahbah tüsho kiutobo akeangkeang kambah.

AMOS 9:8

Atungpuh T H RÜ NPU H mükbo ju neak lakhi kiulongthsü kheak lah, tüsho inü ju alomi kheaknü adükheakshihbah; inü Jakob yamkhün lang shahde müdükheakshih, Atungpuhnü thachoh.

ZEKARIA 8:10

Tümüde akhuhlim a mihtsürü yungsho shiwüh mihkhah tümü mülakheah, tüsho sheshe nihbuh riri chingnü khümkhita mülakheah. Inü mihtsürübo khülangnü khülang azhihde lashih.