AMOS 9:13 - AMÜSÜH HÜM CL Bible (BSI)

¹³ Nimungbo arümuroh, Atungpuhnü thachoh, küyimki wochakrünü yimlurü alihhoba tüsho kurungaso-nitrünü müjih yangrü alihhoba; müzüngbonü yukhu aniung atsamkhibah tüsho junü awungbo alala bukbah.

AMOS 9:13 Iomraidhean Croise

THRÜNTAN 49:11

Apinü anihbuh yo donki nunu kurungasolu atsüdakbe kheak chingchoh, api khimmihbo yukhu chingnü,api shulünkhimbo kurungasoke-mürüm chingnü amüsühbah.

MUNGSHIKHÜN 97:5

Atungpuh miki müzüngbo thürip nangde, alomiküp Tungpuh miki niuthünakchoh.

ISAIA 16:10

Asühachihkhi tüsho asüharabe aso-asokhi lu chingnü hande tsodo; tüsho kurungasolu ching khünbo müthsü, azhikhi düsheak müla; anitpung ching anitrünü yukhu münit; asühachihde azhikhi akheam thsüdo.

ISAIA 55:13

Ayang müthri saipress sang asürübah; khingphu müthri martel sang asürübah; tüsho ha Atungpuh kilim mümihkhi khülang labah, tümüde akheam mülakhi amütsan khülang müdükheakshih.

EZEKIEL 28:26

Arünü ju ching tsüde alabah, tüsho thüyambo thsübah tüsho kurungasolubo thsübah. Arü bahyukde arhimorü arü yamhingrü alala kheak inü mahkhapchoki, arü tsüde alabah. Tüsho I Atungpuh arü Thrünpuh de arünü mükheahbah.

EZEKIEL 36:35

Tüsho arünü athabah, “Ha lo zhikrangkhündo alakhi thsü Eden shahwün nangde kamdo; tüsho abahkhi, azhikkhi tüsho athsümünim kiutobo ching kheaküa lalolah tüsho chipi ayünlah.”

JOEL 2:24

Rhimopung ju hinü mide alabah, pangjiphühbo yukhu tüsho müdangkenü zhikhiukbah.

JOEL 3:18

Ju nimung ching müzüngbonü amühdo yukhu atsamkhibah, awungbo ching niuhke bukbah, tüsho Juda yungzü alala ching ke bukbah; kenü khülang Atungpuh yam chingnü abukkhitbah tüsho Akasia Jindükhün dütsütbah.

JOEL 3:20

Tüshe Juda a lünnü alabah, tüsho Jirusalem a lün alala ching labah.

LEVI 26:5

Nüsa lu ju khide pung-alungde kurungaso rho khiungde yimlubah, tüsho mükhean kim khiungde kurungaso rhobah; nüsanü atsühnekhi suhdahde angübah tüsho nüsa lo ching nüsa tsokhita labah.

AMOS 9:5

Atungpuh , Wuto T H RÜ NPU H , shepünü alomi qiucho tüsho ju niucho, tüsho ju ching larü alala tüzhocho, tüsho ju alala Nile nangde akihcho, tüsho Ijip ching Nile nangde keamyuklocho;

JOHAN 4:35

Kheaküshe yimlupü khinu phüyi lah de nüsanü thachoh yung de? Kheahang, inü nüsa ki thachoh, nüsa mükbo rheakbah thulubo kheahang, tümüde yimlupü müna lah!

MAHKHAPRÜ 5:5

Atungpuh miki müzüngbo ajan, ju Sinai, Atungpuh Israel Thrünpuh miki.