AMOS 9:12 - AMÜSÜH HÜM CL Bible (BSI)

¹² junangde arünü Edom aningkhi tüsho I mung tamde ajikhi trükshihbo alala kuka lubah, ha rhimobuh Atungpuhnü thachoh.

AMOS 9:12 Iomraidhean Croise

THRÜNTAN 27:29

Mihtsürübonü nü tankihshang, tüsho trükshihbonü nü ki mükhümshang. Nü keoniorü alala kurungkheak aputungrü thsang, tüsho nü be tsührübonü nü ki mükhümshang. Nü athrurü muthrumüneanshang, tüsho nü müngühjihrü müngühshang!”

THRÜNTAN 27:37

Isaknü Esau ki alo, “Inü api ki nü kurungkheak aputungrü kamshihdo, tüsho api keoniorü alala api yamlarü kamshihdo. Inü api kilim hi tüsho yukhu jihdo. Kheakü inü nü thsungkheak tümü müthsükhuk, I tsah-a!”

MUNGSHIKHÜN 60:8

Moab I müsühmüra-phuru; Edom kheak I jingkhümpü bahchoh; Filistia kurungkheak inü akuk ngüde ahochoh.”

ISAIA 11:14

Tüshe anenü aniyüzahlim Filistiarü düthsün kheak phinde yükibah, anenü thsürubah aniakhiuklim mihtsürü yankhia lubah. Anenü ane khah Edom tüsho Moab azhihde achungbah, tüsho Amonrünü arü ki mihyu anibah.

ISAIA 43:7

Sherübo I mung chingnü jia la, sherü I müretahpü inü thrün, sherü inü kamshih tüsho thrün.”

ISAIA 63:19

Isa ashangkhüh nünü yakzan mushuhkhi nangde, nü mungnü müjirü nangde lado.

ISAIA 65:1

I mükeokhirünü I yimde alakheah, I müyimrünü I ngükhit. I mung müjirü trükshih kilim inü tha, “ I ha ching lah, I ha ching lah.”

JEREMIA 14:9

Tümüde nü a mihtsürü nangde müyinnima, akhümkhitkhukpü wumülakhi thirithsürü nangde alaba? Tütüshe, O Atungpuh , nü isa bolung lah, tüsho nü mung chingnü isa jikheah, isa dübahyuk!

JEREMIA 15:16

Nü yubo ngüdo, tüsho inü tsüh, tüsho nü yubo I asühkhi kam tüsho I mulong asühkhi kam; tümüde nü mung chingnü I jia lah, O Atungpuh , Wuto Thrünpuh.

JOEL 3:8

Inü nüsa tsührübo tüsho tsührübebo Juda mihtsürü ki yinbah, tüsho arünü arübo ju limshude alakhi trükshih khülang, Sabeanrü ki yinbah; tümüde Atungpuhnü asukdo.

MALAKI 1:4

Edomnü, “ Isa niukmüzüta lah tüshe isanü athsümünimkhi thsülobah” de thasho, Wuto Atungpuhnü thachoh: Arünü mihbukmuyuk lomi de müjiyi khiungde, Atungpuhnü lünnü abukakhiukkhi mihtsürü inü athokheambah.

YUNIRÜBO RHIMO 15:17

junangde aningkhi mihtsürübo, I mung chingnü jia larü khiungkerünü Atungpuh yimbah,

YUNIRÜBO RHIMO 15:18

adüsonü harü mükheahshihbuh Atungpuhnü thachoh.’