AMOS 9:11 - AMÜSÜH HÜM CL Bible (BSI)

¹¹ Ju nimung David khimyam keama lakhi inü alahmusubah, tüsho azhakkhibo thsülobah, tüsho athsümünimkhibo lahmusubah, tüsho awün nimungbo nangde athsülobah;

AMOS 9:11 Iomraidhean Croise

JOB HU H T ANYU 1:10

Nünü api le api yam tüsho api lakhi alala mükamde, thrip abande shahwün muyuk yung de? Nünü api khah rhimo müngühjih, tüsho api alakukrukbo lomi ching jakihdo.

MUNGSHIKHÜN 143:5

Inü awün nimungbo lümkhitchoh; inü nü rhimobo kheak lümakheahchoh; inü nü khah rhimobo lümzülümdochoh.

MUNGSHIKHÜN 80:12

Tümüde atsahhorü alalanü kurungaso rhoa lupü thsüde nünü ha chipi ayünkhi lukkheamkhea?

MUNGSHIKHÜN 89:40

Nünü api rhübo alala thokheamjih; nünü api chipibo thsümünimjih.

ISAIA 16:5

judüki kiulongthsübinkiu khülang mihmuzho ching David khimyam ching thsakhambah, tüsho ju kheak athülünkhi yakzanshuhrü khülang thiyuro lungki yimrü tüsho alungki rhimopü niokheamrü binbah.

ISAIA 5:5

Tüsho kheakü I yo kurungaso kheak tümü rhimobanü inü nü ki thaanü. Inü sangrung sündokhi yihkhita bahbah tüsho thsümünimbah; inü rhü lukkheambah, tüsho jungkheambah.

ISAIA 58:12

Nü yo adüso thsümünimkhibo thsülobah; nünü lün ahihdo yo khimtanbo khimbah; nü ju azhakkhi thsülorü de ajibah, lapung kiudunglimrobo thsülorü labah.

ISAIA 63:11

Judüki apinü Mosa tüsho api mihtsürü awün nimungbo lümkhit; api namfimihnu neakrübonü bebah keto chingnü arü bekhitbuh küching la? Arü bolung memüsüh yukjihbuh küching la,

ISAIA 65:9

Inü Jakob kheaknü tsühsoniuso, tüsho I wungbo yamrüplurüp lurü Juda chingnü handarübah; inü mokhitkhinü ju yamrüplurüp lubah, tüsho I yamlarübo ju ching labah.

JEREMIA 18:9

Tüsho püpü kim ching trükshih khülang yungsho kiulongthsü khülang dünkheak athsüpü tüsho akhimpü inü athapü lah,

JEREMIA 30:9

Tüshe arünü A TU N GPU H arü Thrünpuh tankihbah tüsho inü arü thsungkheak asürüshihkhi David kiulongthsüpuh tankihbah.

JEREMIA 46:26

Inü arübo ju arü rhangdung yimrü, Babilon kiulongthsüpuh Nebukednezar tüsho api yo atorübo kilim jihbah. Ju dunglim awün nimungbo ching nangde Ijip ching mihtsürübo labah, Atungpuhnü thachoh.

TÜZHOKHI 5:21

Isa nü kilim beloang, O Atungpuh , junangde isa lalobah; adüso nangde isa nimungbo aso kamshang–

EZEKIEL 17:24

Thulu sang dungbo alalanü I Atungpuhnü sangdung ashang kheamkhishihchoh tüsho sangdung anim shangshihchoh, sangrhangbo yiuhshihchoh tüsho sangshe-dungbo phüyakshihchoh de amükheahbah; I Atungpuhnü asukdo, tüsho inü ju rhimobah.

EZEKIEL 36:11

tüsho inü nüsa kheak mihtsürü tüsho shiwühbo wüh bushihbah. Arübo alü kambah tüsho aso asobah; tüsho akhuhlim kimbo ching nangde inü nüsa kheak laloshihbah, tüsho püpüki kheaknü alü nüsa ki tsüde arhimobah. Judüki I Atungpuh de nüsanü mükheahbah.

HOSEA 3:5

Ju dunglim Israelrünü rholobah tüsho Atungpuh arü Thrünpuh, tüsho arü kiulongthsüpuh David yimbah; akheam nimungbo ching arünü Atungpuh trede api müngühmühi lim arübah.

OBADIA 1:17

Tüshe Zion Müzüng kheak atsokhitrü labah tüsho ju amüsüh labah; tüsho Jakob yamkhünnü arü yankhita bahrü yamalo lubah.

MIKA 5:2

Tüshe nü, O Bethlehem Ephratha shepü Juda gukbo ching aninibe la, nü kheaknü I thsungkheak Israel ching yakzan shuhpü arübah, shepü ying awün chingnü, jipü nimungbo chingnü la.

MIKA 7:11

Nü chipibo thsüpü nimung arüchoh! Ju nimungnü aredung shude akhinbah.

MIKA 7:14

Nü tsonü nü mihtsürü, nü yo namfimihnu boto neakang, küpü murung khülang ching alo atsü phulung la; arübo awün nimungbo nangde Bashan tüsho Gilead ching yimtsühshang.

MIKA 7:8

I kurungkheak dasühachih, O I riri; küyimki I angakbanü, I asürübah, küyimki I amiting ching binbanü, Atungpuh ju I ki ayin labah.

ZEKARIA 12:7

Tüsho Atungpuhnü akhuhde Juda lapungbo kilim akukkhi jihbah, junangde David yamkhün müretah tüsho Jirusalem ching lakhi müretah ju Juda kumung kheak atobe müla.

ZEKARIA 14:10

Alomi athrünkhi, Geba chingnü Jirusalem düjinglim Rimmon khiungde adükhün kambah. Tüshe Jirusalem a Benjamin chipiripit kheaknü adüso ripit dangpung, Amühit Chipiripit khiungde, tüsho Hananel Aheangsadam kheaknü kiulongthsüpuh yukhu nitpung khiungde adüpheak labah.

ZEKARIA 6:12

api ki thaang: Wuto Atungpuhnü ha thachoh: Ha ching mihtsürü khülang amung Akhah lah: tümüde apinü nihbuh dangpung ching akhah dübeakde wukhiukbah, tüsho apinü Atungpuh arüngyam thsübah.

WÜHKHE 24:18

Edom kheak kukbah; api riri Seir kukbah, tüshe Israel a düküngde alabah.