AMOS 9:1 - AMÜSÜH HÜM CL Bible (BSI)

¹ Inü Atungpuh ju kingaün sadam ki zhipde ngü, tüsho apinü tha: Akhimtan muniukniukyi khiungde dungjing ku kheak lakang, tüsho jurübo mihtsürü alala ku kheak aniukkhiang; tüsho sherü aninga lanü inü nukshangnü alaksahbah; arü she lang she shande mutso, arü she lang she mutsokhi.

AMOS 9:1 Iomraidhean Croise

2 KIUTHSÜYUKHEAN 18:18

Judüki Mikaianü tha, “Jumonü Atungpuh yu aniang; Inü Atungpuh lung api yunirübo tsülim tüsho huzulim zhipbah api kiulongthsübinkiu kheak binde ngü.

MUNGSHIKHÜN 68:21

Tsükjide Thrünpuhnü api riri kubo, arü neakbo ching yürü kuyü kihkhi thangphülang zünakbah.

MUNGSHIKHÜN 68:22

Atungpuh nü tha, “Inü arübo Bashan chingnü belode arübah, inü arübo keto asükbo chingnü belode arübah,

ISAIA 30:16

tüsho tha, “ Yung! Isa khorabo kheaknü shande atsobah”– jumonü nüsa ashanbah! tüsho, “ Isa athrikhi khorabo kheak binbah”– jumonü nüsa müshamrü athribah!

ISAIA 6:1

Kiulongthsüpuh Uzzia shekhi kam ching, inü Atungpuh kiulongthsü-binkiu kheak binde, achang tüsho shuhkih-a ngü; tüsho api shulünkhimnü arüngyam mi.

JEREMIA 11:11

Jumonü, Atungpuhnü ha thachoh, lungdode inü arü kheak arünü mutsokhikhukpü thsüde thsümütsü handarübah; arünü I ki zhizhi she inü arü ki mani.

JEREMIA 42:16

dale nüsanü atrekhi nukshangnü Ijip lomi ching nüsa yanphuhbah; tüsho nüsanü atrekhi khümzungnü Ijip ching nüsa dunglim yankihbah; tüsho ju ching nüsa shebah.

JEREMIA 48:44

Atrebe chingnü atsorü abannü alokhün ching keamyukbah, tüsho alokhün chingnü akünkhitrü abannü azheang ching phuhbah. Tümüde harübo inü Moab kheak arü thsümüchipü kam ching handarübah, Atungpuhnü thachoh.

EZEKIEL 1:28

Tsüng arükhi nimung amo ching mürechin nangde, ju mükamde ayin-zhingzhing lakheah. Ha Atungpuh müretah akhiukkhi lakheah. Küyimki inü angükhea, inü I miro koyu tüsho khülangnü asukkhi düsheak inü so.

EZEKIEL 10:4

Judüki Atungpuh müretahkhi cherubim kumungnü wusu tüsho arüngyam ripit ki yü. Amonü arüngyam mide kam, tüsho Atungpuh müretahkhi zhingzhingnü khikzhakpung mide alakheah.

EZEKIEL 15:7

Arü azhihde I miro kheahbah. Arübo mo chingnü akhiukkhiuk she, monü judü lang arü aniubah. Tüsho küyimki arü azhihde I miro kheahba, I Atungpuh de nünü mükheahbah.

EZEKIEL 9:2

Tüsho inü mihtsürü 6 achangbe chipiripit dukulim abinkhi limnü mihbüm aban nihbuh khah ching ashebe thsühnuk shuhbah arükhi ngü. Arü lung mihtsürü khülang khim zhingzhing phuyubah api rheang ki athrütbe lade ngü. Arünü azah tüsho müwayinchi kingaün sadam yean zhip.

AMOS 3:14

Inü Israelnü alakmihkhi dün thsümüchi nimung, inü Bethel kingaün sadambo thsümünimbah, tüsho kingaün sadam juhbo lipkhibah tüsho alo ching keambah.

AMOS 7:17

Jumonü Atungpuhnü ha thachoh: ‘ Nü niube a kiuto ching müzammüramrü kambah, tüsho nü tsührübo le tsührübebo nukshangnü akeambah, tüsho nü lomi ju akea chamabahbah; nü a amüneanrü lomi ching shebah, tüsho tsükjide Israel nihbuh lomi chingnü ramtso ching yübah.’ ”

AMOS 7:9

Isak achang dangpungbo zhikabahshihbah, tüsho Israel arüngakopungbo thsümünima yapshihbah, tüsho inü Jeroboam yamkhün azhihde nukshang shuhkihbah.”

HABAKKUK 3:13

Nünü nü mihtsürü khümkhitpü, mujude-mokhitkhi khümkhitpü mikhuh ching arü. Nünü mihbukmuyuk lomi limberü zünak, ku chingnü jing khiungde khuka bahjih.

ZEPHANIA 1:12

Ju kim ching inü tsünpungbo shuhbah Jirusalem yimbah, tüsho nihbuh kheak reangkeamrü tüsho mulongramrü mihtsürü thsümüchibah, sherünü arü mulong ching thacho, “Atungpuhnü atsü yungsho amütsü she mürhimo.”

ZEPHANIA 2:14

Moshi, mihnu tüsho mütüm shiwüh lüpdükhi ju ching labah; loshelo lungru tüsho amüsükbe lungru dungjingku kheak labah; lungrunü ayinripit kheak khungbah, khüjaknü ripit-limro kheak khungbah; tümüde cedar sangnü arhimokhi ju aleangkheak labah.

JOHAN 1:18

Shenü she tümü kim ching she Thrünpuh müngü. Abuh khüh kheak lakhi lapkhiung tsührünü lang api khipkhit.

JOHAN 1:32

Tüsho Johannü thiyumütsan thsüde tha, “Yinmi chingnü müthrithrümpü nangde me akikhi inü ngü tüsho api ju anihbuh kheak la.

YUNIRÜBO RHIMO 26:13

O kiulongthsüpuh, animuro thüning chingnü ani kheaknü ayinbe ayin khülangnü I tüsho l lung hantsahrü mükamde tah.

JIHUSUA 10:18

Apinü tha, “Lungkhün ripit ki ju lung atokhüh lah-a yüzahshang, tüsho ju ching aheangrü khürü zhipang;

AMIKHEAKAKHIUKKHI 1:17

Küyimki inü api ngükhea, I ashekhi nangde api jing ki lunga yap. Tüshe api khah tsülimnü I kheak qiude tha, “Dütre, I atankih tüsho akheam,

AMIKHEAKAKHIUKKHI 8:3

Yunirü püpü arü tüsho suna mophuru shuhbah kingaün sadam kheak zhip; tüsho amüsührü alala tamkhüntamnükhi lungnü kiulongthsü-binkiu miki suna kingaün sadam kheak jihpü api kilim rhümthüneabe hihde jih;