AMOS 8:9 - AMÜSÜH HÜM CL Bible (BSI)

⁹ Atungpuh Thrünpuhnü thachoh, inü animuro ani yüzahshihbah, tüsho animuro alomi mitingde akamshihbah.

AMOS 8:9 Iomraidhean Croise

JOB HU H T ANYU 5:14

Arünü animuro kim ching amiting shoruchoh, tüsho animuro ching azhing ching nangde ajamchoh.

ISAIA 13:10

Tümüde thüning ching chiningbo tüsho chirhangshuhrübonü arü ayin müjih; ani akhiukkhi mitingdo akambah tüsho khinunü nihbuh ayin müjih.

JEREMIA 13:16

Atungpuh nüsa Thrünpuh kilim apinü amiting mühandarüyide, tüsho shuhyini ching awungbo kheak nüsa jing mümükheyide müretahshang; nüsanü ayin kheahchoki, apinü ju bünangdo kamshihchoh tüsho mükjikhünkhit thsüde mitingshihchoh.

JEREMIA 15:9

Alibe shepünü thüne zübekheanü sheabahdo. Animungnü anihbe ni yüzahbah; anihbe achih ngübah tüsho wüntre mülade alabah. Tüsho aningkhi inü arü riri miki nukshang kilim jihbah, Atungpuhnü thachoh.

EZEKIEL 32:7

Küyimki inü nü thsümünimba, inü thüningbo lüpdobah, tüsho chiningbo mitingshihbah; inü amonü ani khüpdobah, tüsho khinunü nihbuh ayin müjih.

AMOS 4:13

Tümütüsho, shepünü müzüngbo thrünchonü, apung thrünchoh, api lümkhi mihtsürübo ki huhchoh, yapsu ju amiting kamshihchoh tüsho alomi achangbo kheak tsahchoh– Atungpuh , Wuto Thrünpuh ju api mung lah!

AMOS 5:8

Shepünü chirhangshuhrü tüsho yamungshuhrü thrünkhea, tüsho zhingdoa amitingkhi ju yapsu kamshihkhea, tüsho animung ju azhing kamshihkhea, Shepünü keto kebo jikhea tüsho alo kheak dungkhitkhea, Atungpuh ju api mung,

MIKA 3:6

Jumonü michih mülade nüsa azhing labah tüsho akhiuka huhkhi mülade nüsa ki mitingbah. Wukihrübo kheak ani yüzahbah tüsho arü kurungkheak nimung amürak labah;

ZEKARIA 14:7

Tüsho ju ching mutukzhakde animung labah (Atungpuhnü ha mükheahlah), animung tüsho are müla, tümüde azhing kim ching ayin labah.

MATHI 24:29

“Jurü nimungbo ching thsümütsü-ato dunglim yanalünde ani mitingde akambah, tüsho khinunü ayin müjihde akambah; thüning chingnü chiningbo keamkhibah, tüsho thüning sühmühbo niukbah.

MATHI 27:45

Kheakü animuro kim chingnü 3 king khiungde alomi alala ching amiting lakheah.

MARK 15:33

Küyimki animuro kamkhea, alomi alala ching amiting ju 3 king khiungde la.

LUKNÜ ATHRÜTKHI THIYUSHEAK-ATSÜ HUHTANYU 23:44

Kheakü 12 king ngüm lakheah, tüsho 3 king khiungde alomi alala ching amiting lakheah.

AMIKHEAKAKHIUKKHI 6:12

Küyimki apinü ayümdokhi athurukpü khimshuhkhea, inü kheah, tüsho muliuyuk ato lakheah; tüsho ani ju shungliukhim nangde mürakdo, khinu abümnü thiyih nangde kamabah,

AMIKHEAKAKHIUKKHI 8:12

Aphüyipü yunirünü api hulipungpung müt, tüsho ani shihcham mahsam ching khülang, khinu shihcham mahsam ching khülang, tüsho chiningbo shihcham mahsam ching khülang kheak lak, junangde arü ayin shihcham mahsam ching khülang mitingde kam; nimung shihcham mahsam ching khülang, tüsho azhing she shihcham mahsam ching khülang jude alakheah.