AMOS 8:8 - AMÜSÜH HÜM CL Bible (BSI)

⁸ Ha dünkheaknü lominü majanba de, tüsho ju ching larü abannü mütüzhoba de, tüsho alala Nile nangde makihba de, tüsho Ijip ching mükeamyukba de?

AMOS 8:8 Iomraidhean Croise

MUNGSHIKHÜN 18:7

Judüki alomi niuk tüsho ajan; awung khimtanbo niuk tüsho ajan, tümütüsho api bukakhiuk.

ISAIA 5:25

Jumonü Atungpuhnü api mihtsürü azhihde bukakhiukkheah, tüsho arü azhihde api khah chungkhit tüsho arü shik; müzüngbo aniung tüsho arü ashemibo kiudunglimro ching müneanmuru-mujung nangde la. Ha alala thsungkheak api bukakhiukkhi rholode mutso, tüsho api khah kheakü khiungde chungkih-a lah.

JEREMIA 12:4

Külokhüh alonü tüzhoba tüsho thulu sangrungbo mukuhba? Ju ching larü mihbukmuyuk lakhinü shiwüh tüsho wuhnubo shekhamdo, tümütüsho mihtsürübonü tha, “ Isanü arhimokhi Thrünpuhnü müngü.”

JEREMIA 46:7

Nile keto ki nangde ayungbo düchi arükhi ha she a?

JEREMIA 46:8

Nile nangde Ijip asürüchoh, ayungbo ke nangde abükchoh. Ha tha, I asürüanü, inü alomi zhipdoanü, inü kiutobo tüsho ju ching larübo thsümünimanü.

JEREMIA 51:29

Alomi ajanchoh tüsho niukchoh, tümüde Babilon azhihde Atungpuh lümkhi, Babilon lomi mihtsürü mülade azhikkhi kamshihpü lah.

DANIEL 9:26

Tüsho thünenü shu rukrükheak mahne dunglim mujude-mokhitkhi laksahbah tüsho wulakhi yakzanshuhbuh yo thirithsürünü azahbah kiuto tüsho arüngakopung thsümünimbah. Akheam ju keking khülang nangde arübah: Akheam khiungde thirithsü labah, tüsho athsümünimpü thsakhama lah.

HOSEA 10:5

Samaria ching larü ju Beth-aven moshi nunu dünkheaknü ajanchoh. Mihtsürübonü ha dünkheak tüzhobah, tüsho ha kheaknü müretah tsokhi dünkheak ju kingaünrü amükeamrübonü mitripbah.

HOSEA 4:3

Jumonü lomi tüzhochoh, tüsho ju ching larü alala thsünülah; mütüm shiwühbo tüsho apung wuhnubo lung rukhüh, keto ching thüngühbo she dükheakchoh.

AMOS 8:10

Inü nüsa aniojikhibo atüzhokhi kamshihbah, tüsho nüsa khün alala atüzhokhi kamshihbah; inü alala chim kheak shungliukhim hande arübah, tüsho mihbüm aban ku hütshihbah; inü ju tsührü khülang lang alakhi thsungkheak tüzhokhi ruk kamshihbah, tüsho akheam ching ju akhüh nimung nangde akamshihbah.

AMOS 9:5

Atungpuh , Wuto T H RÜ NPU H , shepünü alomi qiucho tüsho ju niucho, tüsho ju ching larü alala tüzhocho, tüsho ju alala Nile nangde akihcho, tüsho Ijip ching Nile nangde keamyuklocho;

NAHUM 1:8

Tüshe azündokhi kekingnü apinü api azhihrü shahde akheamshihbah, tüsho apinü api riribo amiting ching yanyukbah.

MATHI 24:30

Judüki Mihtsürü Tsührü amütsan thüning ching akhiukbah, tüsho alomi trük alalanü atripbah, tüsho arünü Mihtsürü Tsührü thüning kheak amo ching wu tüsho müretah ato ching arükhi ngübah.