AMOS 8:7 - AMÜSÜH HÜM CL Bible (BSI)

⁷ Atungpuhnü Jakob mung tamde thiyuchihchimchoh: Tsükjide inü küyimkishe arü rhimobo mümihabah.

AMOS 8:7 Iomraidhean Croise

JOB HU H T ANYU 24:23

Apinü arü kilim tsokhitpung jihchoh tüsho arü tsunglolah; api mükjibo arü limrobo kheak lah.

MUNGSHIKHÜN 10:11

Apinü amulong ching thachoh, “Thrünpuhnü mihabahdo; api miro jiklah, apinü küyimkishe I müngü.”

MUNGSHIKHÜN 47:4

Apinü isa thsungkheak isa yamrüplurüp, apinü amuzhokhi Jakob tsüdakkhi mokhitbah.

MUNGSHIKHÜN 47:5

Thrünpuh a ahode, Atungpuh a hulipungpung khungde yükihdo.

MUNGSHIKHÜN 68:34

Thrünpuh wu zhiyukjang; api thudakkhi Israel kurungkheak lah, tüsho api sühmüh amobo ching lah.

ABEKHIT 17:16

Apinü tha, “Tümütüsho khahbo ju Atungpuh kiulongthsü-binkiu lim shuhkih. Atungpuhnü Amalekrü azhihde lünnü lün thirithsübah.”

ISAIA 22:14

Wuto Atungpuhnü I nükhün ching huhdo: Tsükjide nüsa müsheyi khiungde ha amülim neak mübahjih, Wuto Atungpuh Thrünpuhnü thachoh.

ISAIA 43:25

I, I api shepünü I mung chingnü nünü alakmihkhibo nankhita bahjih, tüsho inü nü neakbo mülümkhit.

JEREMIA 17:1

Juda neak ju yinchi dosangnü thrütlah; shotolung-müküp müzheannü arü mulong beak kheak tüsho arü kingaün sadam juhbo kheak thrütkihlah,

JEREMIA 31:34

Arünü kheaküa khülangnü khülang müthsangyuachih, yungsho müthaachih, “A TU N GPU H mükheahang,” tümüde arü aninikhühnü atobe khiungde alalanü I mükheahbah, Atungpuhnü thachoh; tümüde inü arü mülimkhi neak bahjihbah, tüsho arü neak mülümkhitlo.

JEREMIA 44:21

“ Nüsanü Juda kiutobo tüsho Jirusalem kiudunglimrobo ching rhümthüneabe takkhi ju, nüsa tüsho nüsa jipürübo, nüsa kiulongthsürübo tüsho atorübo, tüsho lomi mihtsürübo, Atungpuhnü arü mülümkhit de, ha api lüm ching marüba de?

HOSEA 7:2

Tüshe inü arü mihbukmuyuk alala lümkhitlah de arünü mülüm. Kheakü arü rhimobonü arü mükamdolah, arü I miki lah.

HOSEA 8:13

Arünü I kilim laksah-a kingaünkhi jihchoh tüsho arünü shih tsühchoh, tüshe Atungpuhnü jurü müleangkhi. Kheakü apinü arü amülim-rhimo lümkhitbah tüsho arü thsümüchibah; arü Ijip lim yülobah.

HOSEA 9:9

Arünü Gibea nimungbo ching nangde arü zangrü sükde thsümünimdo; apinü arü amülim-rhimobo lümkhitbah, apinü arü neakbo dün thsümüchibah.

AMOS 4:2

Atungpuh Thrünpuhnü api müsühkhinü thiyuchihchimdo: Nüsa mihbüm aban thüngüh wuhbe khoyangnü awuhpü kim tsükjide arüchoh.

AMOS 6:8

Atungpuh Thrünpuhnü aküdah thsüde thiyuchihchim, Atungpuh Wuto Thrünpuhnü thachoh: Inü Jakob kükheangkhi mükheahne tüsho api chipibo thraneanlah; tüsho inü kiuto tüsho ju ching lakhi lüpdükhi jihabahbah.

LUKNÜ ATHRÜTKHI THIYUSHEAK-ATSÜ HUHTANYU 2:32

khiungkerü ki akhiuka huhpü ayin khülang, tüsho nü mihtsürü Israel müretah thsungkheak.”