AMOS 8:3 - AMÜSÜH HÜM CL Bible (BSI)

³ Arüngyam khünbo ju nimung ching mitripkhi kambah,” Atungpuh Thrünpuhnü thachoh; “ashe mibo ahihdo labah, dangpung aban zhikrangkhündo alabah!”

AMOS 8:3 Iomraidhean Croise

MUNGSHIKHÜN 39:9

Inü thiyu mütha, inü I mün mükhimshuh, tümütüsho nünü ha rhimokheah.

ISAIA 37:36

Judüki Atungpuh yunirü tsahmusu tüsho Asiriarü binkheampung ching 185,000 laksah; küyimki ayinkhikhea, arübo alala ashemibo lakheah.

JEREMIA 22:18

Jumonü Jehoiakim tsührü, Juda kiulongthsüpuh Josia dünkheak Atungpuhnü ha thachoh: Arünü api thsungkheak ha ruk thade mütüzho, “Aha, akhiung!” yungsho “Aha, achi!” Arünü api thsungkheak ha ruk thade mütüzho, “Aha, Atungpuh !” yungsho “Aha, api wüntre-müretah!”

TÜZHOKHI 2:10

Zion tsührübe azothsürübo alo kheak zhikde binlah; arünü arü ku kheak awah yihkih tüsho shungliukhim phuyu; Jirusalem athunu liberübonü arü ku alo lim mükhüm.

JOEL 1:11

Mulong dükheakang, nüsa thulu thsürübo, tüzhoang, nüsa kurungasolu thsürübo, wheat hi tüsho barli hi dünkheak; tümüde thulu ching hibo thsümünima lah.

JOEL 1:13

Shungliukhim phuyuang tüsho tüzhoang, nüsa amükeamrübo; tüzhoang, nüsa kingaün sadam kheak tankihrübo. Arang, shungliukhim chingnü tsüngre hoshang, nüsa I Thrünpuh tankihrübo! Hi kingaün tüsho ayungbe kingaün nüsa Thrünpuh yam chingnü tukloa lah.

JOEL 1:5

Asürang, nüsa amüshangrübo, tüsho tripang; tüsho nüsa yukhu yungrü alala amühdo yukhu dünkheak tüzhoang, tümüde ju nüsa mün kheaknü mülade kamdo.

LEVI 10:3

Jumonü Mosanü Aron ki tha, “Atungpuhnü athakhi ju ha: I phünide arürü abannü I müsühkhitkhi kheak wüntre jihbeah; tüsho mihtsürübo alala ki I müretahshihbeah.” Tüshe Aronnü düsheak makhiukde la.

AMOS 4:10

Inü Ijip kiphahde nüsa bolung arüm-tukthsü arüshih; inü nüsa athrününgtsüngbo nukshangnü laksah; inü nüsa khorabo hande tso; tüsho inü nüsa binkheampung shuhrhüm nüsa nupung khün ching wutushih; tütüshe nüsanü I kilim murholo, Atungpuhnü thachoh.

AMOS 5:16

Jumonü Atungpuh , Wuto Thrünpuhnü ha thachoh: Kiudunglimrobo alala ching atüzhokhi labah; tüsho limtobo alala ching arünü athabah: “Ayokhe! ayokhe!” Arünü thulu thsürübo ki atüzhopü tüsho atüzhosorü ki mitrippü jibah;

AMOS 5:23

Nüsa khün düsheakbo I kheaknü lude tsoang; nüsa bingshang khungkhi inü mani.

AMOS 6:4

Sherü thsotorü yapkiu kheak yapcho, tüsho dükhümbinkiubo kheak zuh-a bincho, tüsho mihnu bolungnü namfimihnunu tüsho moshi bolungnü moshi nunu tsühchonü ayokhe;

AMOS 6:5

shepünü khün müjimpü küncho, tüsho David nangde khün-khungbe kingcho;

AMOS 6:8

Atungpuh Thrünpuhnü aküdah thsüde thiyuchihchim, Atungpuh Wuto Thrünpuhnü thachoh: Inü Jakob kükheangkhi mükheahne tüsho api chipibo thraneanlah; tüsho inü kiuto tüsho ju ching lakhi lüpdükhi jihabahbah.

AMOS 8:10

Inü nüsa aniojikhibo atüzhokhi kamshihbah, tüsho nüsa khün alala atüzhokhi kamshihbah; inü alala chim kheak shungliukhim hande arübah, tüsho mihbüm aban ku hütshihbah; inü ju tsührü khülang lang alakhi thsungkheak tüzhokhi ruk kamshihbah, tüsho akheam ching ju akhüh nimung nangde akamshihbah.

NAHUM 3:3

Khoraberünü müneahchoh, nukshang phürapchoh tüsho thsüh rakrakchoh, ashekhi keamkihchoh, ashemibo mujunglah, ashemi pangbo mükhebin– arübo ju mibo kheaknü mürhelochoh!

ZEPHANIA 1:7

Atungpuh Thrünpuh miki zhikde laang! Tümüde Atungpuh nimung khah ki lah; Atungpuhnü shuhmülanga jihpü thsakhamlah; apinü api hanrübo jiyukdo.