AMOS 7:9 - AMÜSÜH HÜM CL Bible (BSI)

⁹ Isak achang dangpungbo zhikabahshihbah, tüsho Israel arüngakopungbo thsümünima yapshihbah, tüsho inü Jeroboam yamkhün azhihde nukshang shuhkihbah.”

AMOS 7:9 Iomraidhean Croise

THRÜNTAN 46:1

Jumonü Israelnü api lakhi alala lubah hantsahmusu, tüsho Beersheba ching arü, tüsho abuh Isak Thrünpuh kilim shuhmülanga kingaünkhibo jih.

2 KIULONG THSÜRÜ 14:24

Apinü Atungpuh miki amütsü rhimo; apinü Israel neak yihbeakshihkhi Nebat tsührü Jeroboam neakbo alala chingnü müchamachih.

ISAIA 63:18

Nü yo amüsüh mihtsürübonü anikhühkheak thsungkheak lakhitkukruk ludo; tüshe kheakü isa azhihrübonü nü arüngyam jungkheamdo.

JEREMIA 51:51

Isa achih ngüdo, tümüde mükhemürangkhi isanü sodo; achihkhinü isa miro lüpdolah, tümüde khiungkerübo Atungpuh yam amüsüh dangpungbo ching azahdo.

EZEKIEL 6:3

tüsho thaang: O Israel müzüngbo, Wuto Atungpuhnü müzüngbo tüsho awungbo, alokhün asük tüsho jindükhünbo ki ha thachoh. Inü nukshang khülang nü azhihde handarüpü lah, tüsho nü yo achang dangpungbo inü thsümünimbah.

HOSEA 10:8

Israel neak Aven achang dangpungbo thsümünimbah. Ayang tüsho khingphubo arü kingaün sadambo kheak mukhuhbah. Arünü müzüngbo ki, Isa lüpdoang, tüsho awungbo ki, Isa kheak keamkihang, de athabah.

AMOS 3:14

Inü Israelnü alakmihkhi dün thsümüchi nimung, inü Bethel kingaün sadambo thsümünimbah, tüsho kingaün sadam juhbo lipkhibah tüsho alo ching keambah.

AMOS 5:5

tüshe Bethel düyim, tüsho Gilgal ching düyüzah yungsho Beersheba hode düyü; tümüde tsükjide Gilgal ramtso ching yübah, tüsho Bethel tümü mülade akambah.

AMOS 7:11

Tümüde Amosnü ha tha, ‘ Jeroboam nukshangnü ashebah, tüsho Israel ju api lomi chingnü ramtso ching tsükjide ayübah.’ ”

AMOS 7:13

tüshe küyimkishe Bethel ching dümüchitlo, tümüde ha kiulongthsüpuh arüngakopung ah, tüsho ha kiulongthsü arüngyam khülang ah.”

AMOS 8:14

Sherünü Samaria, Dan tüsho Beersheba sangthsübo kingaünbanü arübo alungbah, tüsho küyimkishe masürülo.

AMOS 9:1

Inü Atungpuh ju kingaün sadam ki zhipde ngü, tüsho apinü tha: Akhimtan muniukniukyi khiungde dungjing ku kheak lakang, tüsho jurübo mihtsürü alala ku kheak aniukkhiang; tüsho sherü aninga lanü inü nukshangnü alaksahbah; arü she lang she shande mutso, arü she lang she mutsokhi.

MIKA 1:5

Ha alala Jakobnü alakmihkhi thsungkheaknü tüsho Israel yamkhün neakbo thsungkheaknü ah. Jakobnü alakmihkhi ju tümü a? Ha Samaria yung de? Tüsho achang dangpung tümü a? Ha Jirusalem yung de?