AMOS 7:17 - AMÜSÜH HÜM CL Bible (BSI)

¹⁷ Jumonü Atungpuhnü ha thachoh: ‘ Nü niube a kiuto ching müzammüramrü kambah, tüsho nü tsührübo le tsührübebo nukshangnü akeambah, tüsho nü lomi ju akea chamabahbah; nü a amüneanrü lomi ching shebah, tüsho tsükjide Israel nihbuh lomi chingnü ramtso ching yübah.’ ”

AMOS 7:17 Iomraidhean Croise

2 KIULONG THSÜRÜ 17:6

Hoshea kam tukupü ching Asiria kiulongthsüpuhnü Samaria yankhit; apinü Israelrü bebah Asiria ching yü. Apinü arübo Hala, Gozan ching lakhi Habor ayung, tüsho Midia kiutobo ching binshih.

MUNGSHIKHÜN 78:55

Apinü trükshihbo arü müngühnü yankhit tüsho arü kilim arü lobo yamrüplurüp jih; apinü Israel trükbo arü khimyambo ching lashih.

ISAIA 13:16

Arü tsührü aninibo arü mük kinü adütre kamde yihthünakbah; arü khorabo yankhia lubah, tüsho arü niuberübo thsümünimbah.

ISAIA 22:18

nü ju mükamde hita bahbah, tüsho amülih lomi khülang ching athulung khülang nangde jipa bahbah; ju ching nü ashebah, tüsho ju ching nü kükheangkhi khora-lolungbe yapbah, nünü nü putungrü achih ngüshihchoh!

JEREMIA 14:16

Tüsho arünü sherü mihtsürü ki müchitkheanü, khümzung tüsho nukshangnü ashekhi hode Jirusalem wungdo phulung ching jipa bahbah. Arü kiuyuka bahrü she mülade alabah–arü, arü niuberübo, arü tsührü, tüsho tsührübebo. Arü mihbukmuyuk inü arü kheak dungkihbah.

JEREMIA 20:6

Tüsho nü, Pashhur, tüsho nü yam ching larü alala, rama hanbah atsobah, tüsho nü Babilon ching yübah; nü ju ching shebah tüsho nü le nünü sherü kheak akeangyu müchitkheanü nü müyamrü alala ju ching kiuyuka bahbah.

JEREMIA 28:12

Wukihbuh Hananianü wukihbuh Jeremia hung kheaknü sangkaplak yihshakbah anükhüh dunglim, Atungpuh yu Jeremia kilim arü:

JEREMIA 28:16

Jumonü Atungpuhnü ha thachoh: Inü nü alomi kheaknü yihkhita bahpü thsüchoh. Ha kam ching nü ashebah, tümütüsho nünü Atungpuh azhihde asukdo.”

JEREMIA 29:21

Wuto Atungpuh , Israel Thrünpuhnü I mung chingnü nüsa ki akeangyu müchitrü, Kolaia tsührü Ahab tüsho Maaseia tsührü Zedekia dünkheak ha thachoh: Inü arübo Babilon kiulongthsüpuh Nebukednezar khah ching jihpü thsüchoh, tüsho apinü arübo nüsa mük kinü alaksahbah.

JEREMIA 29:25

Wuto Atungpuh , Israel Thrünpuhnü ha thachoh: Nü mung chingnü Jirusalem ching lakhi mihtsürü alala kilim, Maaseia tsührü amükeambuh Zephania tüsho amükeamrü alala ki kihüm mühahde tha:

TÜZHOKHI 5:11

Zion ching aliberübo, Juda kiutobo ching atsangkhitkhibo kheak amütsü thsüdo.

EZEKIEL 4:13

Atungpuhnü tha, “Hanangde Israelrünü inü arü yanabahpung trükshih bolung amünean tsühyungpü tsühbah.”

HOSEA 9:3

Arübo Atungpuh lomi ching aninga müla; tüshe Ephraim a Ijip lim alode ayübah, tüsho Asiria ching arünü mümüsühkhi tsühyungpü tsühbah.

AMOS 6:7

Jumonü arü akhuhde ramtso ching yübah, tüsho adanasün tüsho aniojikhi akheam thsübah.

AMOS 7:11

Tümüde Amosnü ha tha, ‘ Jeroboam nukshangnü ashebah, tüsho Israel ju api lomi chingnü ramtso ching tsükjide ayübah.’ ”

AMOS 8:1

Atungpuh Thrünpuhnü I ki muzhu sangaso zahkhi muluk khülang huh.

AMOS 9:1

Inü Atungpuh ju kingaün sadam ki zhipde ngü, tüsho apinü tha: Akhimtan muniukniukyi khiungde dungjing ku kheak lakang, tüsho jurübo mihtsürü alala ku kheak aniukkhiang; tüsho sherü aninga lanü inü nukshangnü alaksahbah; arü she lang she shande mutso, arü she lang she mutsokhi.

AMOS 9:8

Atungpuh T H RÜ NPU H mükbo ju neak lakhi kiulongthsü kheak lah, tüsho inü ju alomi kheaknü adükheakshihbah; inü Jakob yamkhün lang shahde müdükheakshih, Atungpuhnü thachoh.

MIKA 1:16

Nüsanü asühkhi tsührübo thsungkheak tüzhode kuyü hütang; nüsanü müleangtopü nangde rakrak hütang tümüde arübo nüsa kheaknü ramtso ching yüdo.

ZEKARIA 14:2

Tümüde inü trükshih alala Jirusalem azhihde keochihpü bemukhungbah, tüsho kiuto lubah tüsho thüyambo lubah tüsho aliberübo reangkihde thsümüchibah; mihtsürü niukshakkhüh ramtso ching yübah, tüshe aningkhi mihtsürü kiuto chingnü müdükheak.