AMOS 7:16 - AMÜSÜH HÜM CL Bible (BSI)

¹⁶ Kheakü jumonü Atungpuh yu aniang. Nünü thachoh, ‘ Israel azhihde dümüchit, tüsho Isak yamkhün azhihde düthsangyuthsangra.’

AMOS 7:16 Iomraidhean Croise

1 KIULONG THSÜRÜ 13:1

Jeroboamnü rhümthüneabe jihpü kingaün sadam ki zhipchoki, Thrünpuh mihtsürü khülang Atungpuh yu hode Juda chingnü Bethel lim akhiuk

1 KIULONG THSÜRÜ 22:19

Judüki Mikaianü tha, “Jumonü Atungpuh yu aniang: Inü Atungpuh api kiulongthsü-binkiu kheak, tsülim tüsho huzulim yinmi aputungrü alala zhipbah abinkhi ngü.

2 KIULONG THSÜRÜ 14:24

Apinü Atungpuh miki amütsü rhimo; apinü Israel neak yihbeakshihkhi Nebat tsührü Jeroboam neakbo alala chingnü müchamachih.

ISAIA 30:10

shenü angürü ki thacho, “Düngü”; tüsho wukihrü ki, “Alungki lakhi isa ki dümüchit; isa ki atsübo asukang, arükchihbo müchitang,

EZEKIEL 13:2

Mihtsürü tsührü, müchitrü Israel wukihrü azhihde müchitang. Arü nihbuh lümkhi chingnü müchitrü ki thaang: “Atungpuh yu soang!”

EZEKIEL 16:35

Jumonü nü müzammüramrü, Atungpuh yu aniang!

EZEKIEL 20:46

Mihtsürü tsührü, nü miro düjinglim abinang; düjinglim azhihde thsangyuthsangraang tüsho düjinglim murung azhihde müchitang.

EZEKIEL 21:2

Mihtsürü tsührü, nü miro Jirusalem azhihde abinang tüsho arüngyam azhihde thsangyuthsangraang. Israel lomi azhihde müchitang

AMOS 2:12

Tüshe nüsanü Nazirit ki yukhu yungshih, tüsho wukihrübo ki thiyukhüm jihde tha, “ Nüsanü dümüchit.”

AMOS 7:13

tüshe küyimkishe Bethel ching dümüchitlo, tümüde ha kiulongthsüpuh arüngakopung ah, tüsho ha kiulongthsü arüngyam khülang ah.”

MIKA 2:6

“Düthsangyuthsangra” arünü hade thsangyuthsangrachoh– “ Khürünü hadürü thsangyuthsangra müthsübeah; mihmüthsüm mülakhinü isa müyanphuh.”

YUZÜNGTHALO 32:2

Inü thsangyukhi tsüng nangde atsamkhishang, inü athakhi ayinke nangde keamshang, sangdung nunu kheak tsüng arünnü akeamkhi nangde, tüsho rimkiu kheak tsüng shimshimde akeamkhi nangde.

1 SAMUEL 15:16

Judüki Samuelnü Saul ki tha, “Zhikdang! Yishih Atungpuhnü I ki tümü thakheanü nü ki thabah.” Apinü alo, “ Thaang.”