AMOS 7:15 - AMÜSÜH HÜM CL Bible (BSI)

¹⁵ tüsho Atungpuhnü I mihnu boto kümkhi chingnü bea lu, tüsho Atungpuhnü I ki tha, ‘ Yüang, I mihtsürü Israel ki müchitang.’

AMOS 7:15 Iomraidhean Croise

2 SAMUEL 7:8

Kheakü jumonü nünü ha I yamlarü David ki thaang: Wuto Atungpuhnü ha thachoh: Inü nü mükeak ching namfimihnu dunglim yande alakhi chingnü I mihtsürü Israel kurungkheak yakzan shuhshihpü lukheah;

1 KIULONG THSÜRÜ 19:19

Jumonü api ju chingnü tsahmusu, tüsho thulu wochakde alabuh, Shaphat tsührü Elisha ngü. Api müngüh moshipung dudu 12 lakheah, tüsho api akheambe lung bede alakheah. Elijanü api hode yü tüsho api khim anihbuh kheak phukihjih.

JEREMIA 1:7

Tüshe Atungpuhnü I ki tha, “‘ I azürü nunu khülang ah’ de dütha.” Tümüde inü nü sherü kilim yüshihbanü nü ayübah, tüsho inü tümüpürü nü ki thiyukhüm jihbanü nünü athabah.

JEREMIA 26:12

Judüki Jeremia nü atorü tüsho mihtsürü alala ki tha, “ Nüsanü asokhi yubo alala, ha yam tüsho ha kiuto azhihde müchitpü Atungpuhnü I thiyikheah.

AMOS 3:8

Kekhüzünü arungchoki, shenü mütrepü? Atungpuh Thrünpuhnü asukchoki, shenü mümüchitpü?

MATHI 9:9

Jisu ju chingnü yüde alachoki, apinü ruk-threyam ching Mathi binde ngü. Apinü anihbuh ki tha, “I dunglim yanang.” Tüsho apinü asürübah api dunglim yan.

YUNIRÜBO RHIMO 1:8

Tüshe küyimki Amüsüh Me nüsa kheak arübanü nüsanü wu leangkhibah; tüsho nüsabo ju Jirusalem, Judea tüsho Samaria alala ching, tüsho alomi akheam khiungde I thsungkheak thiyumütsanbo labah.”

YUNIRÜBO RHIMO 4:20

Tümüde isanü angükhi tüsho asokhi thapü isanü atuklopü mukuk.”

YUNIRÜBO RHIMO 5:20

“Yübah arüngyam ching zhipang tüsho mihtsürübo ki ha rhangdung yubo alala asukang.”

1 SAMUEL 10:11

Püpüki api ngürü mihtsürü alalanü küyimki api arü lung müchitmudukhi ngükhea, mihtsürübonü khülangnü khülang ki tha, “ Kish tsührü kheak tümü arüa la? Saul she wukihrü bolung bela de?”