AMOS 6:8 - AMÜSÜH HÜM CL Bible (BSI)

⁸ Atungpuh Thrünpuhnü aküdah thsüde thiyuchihchim, Atungpuh Wuto Thrünpuhnü thachoh: Inü Jakob kükheangkhi mükheahne tüsho api chipibo thraneanlah; tüsho inü kiuto tüsho ju ching lakhi lüpdükhi jihabahbah.

AMOS 6:8 Iomraidhean Croise

THRÜNTAN 22:16

tüsho tha: “Inü ha thiyuchihchimdo, Atungpuhnü thachoh, tümütüsho nünü nü tsührü khülang lang alakhi tukloa muzode rhimodo,

MUNGSHIKHÜN 106:40

Jumonü api mihtsürü azhihde Atungpuh bukakhiukde kam, junangde apinü nihbuh yamrüplurüp thranean.

MUNGSHIKHÜN 47:4

Apinü isa thsungkheak isa yamrüplurüp, apinü amuzhokhi Jakob tsüdakkhi mokhitbah.

MUNGSHIKHÜN 50:12

I khümde lakhülaa, inü nü ki mütha; tümüde alomiküp tüsho ju ching lakhi alala I yo ah.

MUNGSHIKHÜN 78:59

Küyimki Thrünpuhnü ha sokhea, api mulong zhipzhipde kam, tüsho Israel khide thraneanabah,

MÜCHITMUDU 8:13

Atungpuh trekhi ju amütsü thraneanpü ah; lülüshishi le akükheang tüsho amütsü limro le mülapmüji mün inü thraneanlah.

ISAIA 28:1

Ayokhe, Ephraim amüshangrü kükheangkhi kuthran, tüsho ha müretah akheahakham yiuhabahkhi sangbün, küpü amüdanglo dükhün ku kheak la, sherü yukhunü zhidoa la!

JEREMIA 12:8

I yamrüplurüp I ki murung ching kekhüzü nangde kamabahdo; anihbenü I azhihde anihbe düsheak shuhkihdo jumonü inü anihbe thraneankheah.

JEREMIA 22:14

shepünü thacho, “ Inü I yam khiungshak atotobo achangbe khiungshak ato bede athsübah,” tüsho shepünü ju thsungkheak ayinripitbo thsücho, cedarnü kümlocho tüsho yin-mürümmuchunü mujucho.

JEREMIA 22:5

Tüshe nüsanü ha yubo manisho, I Atungpuhnü thiyuchihchimde thachoh, ha yam zhikrangkhündo akambah.

JEREMIA 44:26

Jumonü Atungpuh yu aniang, Ijip lomi ching larü nüsa Judarü alala: Kheahang, I mung ato hode inü thiyuchihchimchoh, Atungpuhnü thachoh, Ijip lomi alala ching Juda mihtsürü shepü münküp kheak she ‘ Atungpuh T H RÜ NPU H lah’ de dütha.

JEREMIA 49:13

Tümüde I küdahnü thiyuchihchimdo, Atungpuhnü thachoh, junangde Bozra ju mihtrebe tüsho münedung, abahkhi, tüsho muthrukhi kukruk khülang kambah; tüsho anihbe kiutobo alala lünnü abahkhi labah.

JEREMIA 51:14

Wuto Atungpuhnü aküdah thsüde thiyuchihchim. Tsükjide inü nü tangkho boto nangde mihtsürübonü amishihbah, tüsho arünü nü kurungkheak akukkhi düsheak ahobah.

TÜZHOKHI 2:5

Atungpuh ju thiriri khülang nangde kamdo; apinü Israel tüsho kiulongthsürü-yambo muyuabahdo tüsho apinü anihbe chipibo thsümünimdo, tüsho Juda ching mitripkhi tüsho tüzhokhi alü kamshihdo.

EZEKIEL 24:21

Israel yamkhün ki thaang, Atungpuh Thrünpuhnü ha thachoh: Inü nüsanü lülüshishikhi, nüsa mükbo asühkhi, tüsho nüsa mulongnü akünkhi I yo arüngyam müneanbah; tüsho nüsanü aninga lashihkhi nüsa tsührübo le tsührübebo nukshangnü akeambah.

HOSEA 11:6

Nukshangbo arü kiutobo ching phürapbah, arü chipiripit rihbebo thsümünimbah tüsho arü lümkhi akheam thsüshihbah.

LEVI 26:11

Inü I lapung nüsa bolung zobah, tüsho inü nüsa mübahyuk.

LEVI 26:30

Achang dangpungbo kheak lakhi nüsa kingaün sadambo inü thsümünimjihbah, arhümthüneabe kingaün sadambo keamshihbah, tüsho nüsa ashemibo rhangdung mülakhi nüsa sangthsübo kheak jipkih-a bahbah; tüsho I menü nüsa thraneanbah.

AMOS 3:10

Atungpuhnü ha thachoh, Sherünü thiyih bukde tüsho ahüh-a arü lapung ching zochonü, arünü alim rhimopü mümükheah.

AMOS 3:11

Jumonü Atungpuh Thrünpuhnü ha thachoh: Thiririnü lomi mükamdobah, tüsho nüsa tsunglobebo bahjihbah; tüsho nüsa lapungbo yankhia lubah.

AMOS 4:2

Atungpuh Thrünpuhnü api müsühkhinü thiyuchihchimdo: Nüsa mihbüm aban thüngüh wuhbe khoyangnü awuhpü kim tsükjide arüchoh.

AMOS 5:21

Inü thraneanlah, inü nüsa thüniobo khenochoh, tüsho nüsa arüngako mukhungbo ching inü masüh.

AMOS 8:3

Arüngyam khünbo ju nimung ching mitripkhi kambah,” Atungpuh Thrünpuhnü thachoh; “ashe mibo ahihdo labah, dangpung aban zhikrangkhündo alabah!”

AMOS 8:7

Atungpuhnü Jakob mung tamde thiyuchihchimchoh: Tsükjide inü küyimkishe arü rhimobo mümihabah.

ZEKARIA 11:8

Khinu khülang ching inü namfimihnu neakrü mahsam yankhita bahchoh, tümüde arü kheak inü marümkhukde kamdo, tüsho arünü she I mükheahne.

YUZÜNGTHALO 32:19

Atungpuhnü ju ngübahle arü bahyuk, tümüde atsührü tüsho tsührübebonü abukakhiukshih.