AMOS 6:1 - AMÜSÜH HÜM CL Bible (BSI)

¹ Sherü zuzu thsüde Zion ching la, tüsho sherü Samaria müzüng kheak kuramde la, akhuh trükshih ching mungkhung mihtsürübo, sherü kheak Israel yamkhünnü arung luchonü ayokhe!

AMOS 6:1 Iomraidhean Croise

1 KIULONG THSÜRÜ 16:24

Apinü Shemer kheaknü Samaria wung shotoyinchi 6000nü thulo; apinü awung chipi ayün tüsho apinü athrünkhi kiuto Samaria ju awung putungpuh Shemer mung yande ji.

MUNGSHIKHÜN 123:4

Zuzu thsüde alakhi akükheangrünü isa luhmünekhinü isa me mithülamdo.

MÜCHITMUDU 1:32

Arükari mümükheahrü mihtsürü ju arünü lümlung bahyukkhi hode shechoh, tüsho makharü reangkeamkhinü arü dükheakbah;

ISAIA 33:14

Zion ching aneakrübo trede lah; Thrünpuh mümükheahrü ajande lah; “ Isa bolung shepünü aniuabahbe mo ching laba? Isa bolung shepünü akheam müla motru ching laba?”

JEREMIA 2:3

Atungpuh kilim apinü yimlukhi akhuhbe sangaso Israel amüsüh lakheah. Ha tsührü alala amülim ngüde alakheah; thsümütsü arü kheak arü, Atungpuhnü thachoh.

JEREMIA 48:11

Moab a api athunuchokinü zuzu lakheah, yukhu nangde azhihzhih kingmukhungdo; api a phüh khülang chingnü khülang mudungakeang, yungsho api a ramtso ching müyü; jumonü api kekhi judü lang lah tüsho api rhümthüneakhi mümüthri.

JEREMIA 49:31

Asürang, lalim tsüde akhimahe ching, chipiripit yungsho akhrihbe mülade alangzü lakhi trükshih yanang, Atungpuhnü thachoh.

JEREMIA 5:5

I atorü kilim yübah tüsho arü ki asukanü; tsükjide arünü Atungpuh limro, arü Thrünpuh yakzan mükheahlah.” Tüshe arü rukhühnü sangkaplak yihshakdo, arü rhükkhi rukshakdo.

JEREMIA 7:4

Harü mülapyukbe yubo ching dükin: “Ha Atungpuh arüngyam, Atungpuh arüngyam, Atungpuh arüngyam.”

TÜZHOKHI 1:1

Khülang ki mihtsürünü mia lakhi kiuto küdükhüh zhikrangkhündo yapla! Künangde anihbe khimoberü nangde kama la, trükshih bolung anihbe ato lakheah! Anihbe lomi bolung ching kiulongthsürü lakhi azhorü kamdo.

AMOS 3:2

Alomi ching yamkhün alala lung inü nü lang mükheahlah; jumonü nü neak alala dünkheak inü nü thsümüchibah.

AMOS 3:9

Ashdod tüsho Ijip chipibo ching zhiyukang, “ Nüsabo Samaria wungbo kheak mukhungang, tüsho ju ching tümü neamneamruru la, tüsho tümü ajunokhi lanü kheahang.”

AMOS 4:1

Ha yu aniang, nüsa Samaria müzüng kheak lakhi Bashan moshi dretobo, sherünü zhochihrü junocho, sherünü müthsümülarü zünakcho, sherünü niubuhrü ki thacho, “Tümükhüh ayungpü lubah arang!”

AMOS 5:27

jumonü inü nüsa Damaska hode ramtso ching bede ayübah, Wuto mung lakhi Thrünpuh, Atungpuhnü thachoh.

AMOS 8:14

Sherünü Samaria, Dan tüsho Beersheba sangthsübo kingaünbanü arübo alungbah, tüsho küyimkishe masürülo.

AMOS 9:10

I mihtsürü aneakrü alala nukshangnü ashebah, sherünü tha, “Amütsünü isa müyanphuh yungsho mushoru.”

MIKA 3:1

Tüsho inü tha: Aniang, nüsa Jakob akuthsürübo tüsho Israel yamkhün yakzanshuhrübo! Nüsanü thiyuro mümükheahbea de?–

ZEPHANIA 1:12

Ju kim ching inü tsünpungbo shuhbah Jirusalem yimbah, tüsho nihbuh kheak reangkeamrü tüsho mulongramrü mihtsürü thsümüchibah, sherünü arü mulong ching thacho, “Atungpuhnü atsü yungsho amütsü she mürhimo.”

JAKOB 1:18

Isa ju thrüna lakhi alala lungnü akhuh sangaso mungji thsüpü thsüde thiyuro yu hode isa zübeshihpü apinü mokhit.

JAKOB 5:5

Nüsanü alomi kheak müthangmüsünde tüsho asühakode lado; alaksahkhi nimung ching nüsa shihkih-a ludo.

1 PETER 5:7

Nüsa lümthsünübo alala api ki zojang, tümüde apinü nüsa kümchoh.

MAHKHAPRÜ 18:7

Jumonü mihtsürü phüngü ju chamachih tüsho Laish ching yü. Ju ching mihtsürübo ju Sidonrü yakli nangde keamramde tüsho kuram tsükhi ching lakheah. Arü ki achih kippü thsüde lomi ching yakzanshuhrü mülakheah. Arübo Sidonrü kheaknü limshude alakheah tüsho she kheak she chingkihachihde müla.