AMOS 5:6 - AMÜSÜH HÜM CL Bible (BSI)

⁶ Atungpuh yimang tüsho laang, yungsho mo nangde apinü Josep yamkhün azhihde atrumusubah, tüsho hanü Bethel aniubah, shenü ju müzünmüt.

AMOS 5:6 Iomraidhean Croise

2 SAMUEL 19:20

Tümüde inü neak yihbeakdo de nü yamlarünü mükheahlah; jumonü, kheahang, I tungpuh kiulongthsüpuh shorupü Josep yamkhün alala kheaknü akhuhbe thsüde I khihni akikheah.”

1 KIULONG THSÜRÜ 11:28

Jeroboam ju khide amüzhak mihtsürü lakheah, tüsho küyimki athrününgtsüngbuh ju rhimo mükheahrü ah de Solomonnü angükhea, apinü anihbuh ju Josep yamkhün ching rhimo amüküp alala kurungkheak hahmülang jih.

2 KIUTHSÜYUKHEAN 34:25

Tümütüsho arünü I bahyuk tüsho püpürü thrünpuhbo kilim rhümthüneabe taka jih, junangde arü khahnü arhimokhi alala hode I bukakhiukshih, I bukakhiukkhi ha dangpung kheak dungkihbah tüsho müyihmüt.

MUNGSHIKHÜN 27:8

Nünü tha, “Nünü I miro yimang.” I mulongnü nü ki thachoh, “Atungpuh , inü nü miro yimchoh.”

MUNGSHIKHÜN 69:33

Tümüde Atungpuhnü zhochihrü ki anijihchoh, tüsho api yo aramrübo mümih.

ABEKHIT 22:6

“ Mo takmusubah ayangrung chingnü hode yünü hi rhipa zokhi, azhipkhi hi, yungsho thulu aniuabahsho, atakbuhnü alala shaklobah.

ISAIA 1:31

Sühmüh larü ju mojim nangde akambah tüsho arü rhimo modübin nangde alabah; arü le arü rhimo rukhühnü shenü müyihmütde atakbah.

ISAIA 55:3

Nü nükhün muphoang, tüsho I kilim arang; aniang, junangde nü labah. Inü nü kheak akheam mülakhi tangzüng, inü muzhodakkhi, David thsungkheak tsükjide muzhokhi labah.

ISAIA 55:6

Api ngüpü lachoki Atungpuh yimang, api thüninde lachoki api ki jiang;

JEREMIA 38:20

Jeremianü alo, “ Nü arü kilim müjih. Inü tümü nü ki thachonü Atungpuh düsheak lang aniang, tüsho nü tsüde alabah tüsho nü rhangdung aninga labah.

JEREMIA 4:4

Atungpuh kilim nüsa küdah thsüde tsütabahang, nüsa mulong küp muhiukhita bahang, O Juda mihtsürü tüsho Jirusalem ching larübo, yungsho I bukakhiukkhi mo nangde ayübah, tüsho shenü she nüsanü amütsü rhimokhi dünkheaknü müzünmütkhukde atakbah.

JEREMIA 7:20

Jumonü Atungpuh Thrünpuhnü ha thachoh: I bukakhiukkhi tüsho I mulong zhipzhip ha dangpung kheak mihtsürü tüsho shiwühbo kheak, thulu sangdungbo tüsho alo sangasobo kheak dungkihbah, ha atakbah tüsho müzünmüt.

EZEKIEL 21:3

tüsho anihbe ki thaang: Atungpuhnü ha thachoh: Inü nü azhihde lah. Inü nuktrüp chingnü nukshang dukkhitbah tüsho nü kheaknü thiyuro lakhi tüsho mihbukmuyuk chido lipkhibah.

EZEKIEL 33:11

Arü ki thaang, I lale, Atungpuh Thrünpuhnü thachoh, mihbukmuyuk shekhi ching I asühpü müla, tüshe mihbukmuyuknü arü limrobo chingnü rholobah rhangdung lakhi ching lah; nüsa amütsü limrobo chingnü rholoang, rholoang; tümüde nü ashepü, O Israel yamkhün?

EZEKIEL 37:19

Arü ki thaang, Atungpuh Thrünpuhnü ha thachoh: Inü Israel mung chingnü tso khülang lubah tüsho ju Juda tso kheak yihkihbah, tüsho ane tso khülang kambah, junangde ane I khah ching khülang labah.

AMOS 3:14

Inü Israelnü alakmihkhi dün thsümüchi nimung, inü Bethel kingaün sadambo thsümünimbah, tüsho kingaün sadam juhbo lipkhibah tüsho alo ching keambah.

AMOS 5:14

Amütsü yungde atsü yimang, junangde nüsa alabah; tüsho junangde nüsanü athakhi nangde Atungpuh , Wuto Thrünpuh nüsa lung labah.

AMOS 5:4

Tümüde Atungpuhnü Israel yamkhün ki ha thachoh: I yimang tüsho laang;

AMOS 6:6

shepünü phurusük chingnü yukhu yungcho, tüsho atsüdak müdangkenü nihbuh mujucho, tüshe Josep thsümünimkhi dünkheak mulong mutukthsü!

ZEPHANIA 2:3

Atungpuh yimang, nüsa lomi ching azhihayihrü alala, sherünü api yukhümbo rhimocho; thiyuro-lungki yimang, azhihayih yimang; khükijua Atungpuh bukakhiuk nimung nü tsokhitbah.

ZEKARIA 10:6

Inü Juda yamkhün düküngde akamshihbah, tüsho Josep yamkhün inü khümkhitbah. Inü arü belode arübah, tümütüsho arü kheak I muzhokhi lah, tüsho arü ju inü mübahyukkhi nangde alabah; tümüde I ju Atungpuh arü Thrünpuh tüsho inü arü ki alojihbah.

YUZÜNGTHALO 32:22

Tümüde I bukakhiukkhinü mo takkihdo, tüsho ju Ashe-lomi khiungde takchoh, alomi tüsho lüpdükhi aniuabahchoh, tüsho müzüngbo jing kheak mo thsahkihchoh. @SP ACE=

YUZÜNGTHALO 4:24

Tümüde A TUN GPU H nüsa Thrünpuh ju muliuabahbe mo nangde mükthsübuh Thrünpuh lah.

JIHUSUA 18:5

Arünü ju shihcham thüne thsüde achambah, Juda ju düjinglim lomi ching, tüsho Josep yamkhün dukulim lomi ching labah.