AMOS 5:20 - AMÜSÜH HÜM CL Bible (BSI)

²⁰ Atungpuh nimung ju ayin yungde amiting, tüsho ayinatrüm mülade aliudokhi yung de?

AMOS 5:20 Iomraidhean Croise

ISAIA 13:10

Tümüde thüning ching chiningbo tüsho chirhangshuhrübonü arü ayin müjih; ani akhiukkhi mitingdo akambah tüsho khinunü nihbuh ayin müjih.

ISAIA 8:22

yungsho arünü alo lim kheahbah, tüshe lümthsünü tüsho amiting thsünü lang angübah; tüsho arü ju amiting akheah ching nimyukbah.

EZEKIEL 34:12

Namfimihnu neakrünü namfimihnu hiumüzütkhi bolung arü namfimihnu boto ajukhitkhi nangde, inü I yo namfimihnu ajukhitbah. Amobo shokhi tüsho kheahde amitingkhi nimung arü hiumüzütpungbo chingnü inü arü alala khümkhitbah.

JOEL 2:2

amiting tüsho azhingdokhi nimung, amobo lakhi tüsho kheahde amitingkhi nimung khülang! Müzüngbo kheak amürak liukihkhi nangde ato tüsho wulakhi tangkho bonungrü arüchoh; arü nangde adüsonü mülaakheah, yungsho arü dunglim arüpü lünbo ching mülalo.

OBADIA 1:15

Tümüde trükshih alala azhihde Atungpuh nimung thüninde lah. Nünü arhimokhi nangde, nü ki rhimobah; nü rhimobo nü ku kheak alodarübah.

NAHUM 1:8

Tüshe azündokhi kekingnü apinü api azhihrü shahde akheamshihbah, tüsho apinü api riribo amiting ching yanyukbah.

ZEPHANIA 1:15

Ju nimung ju mulong zhipzhip nimung, lümthsünü tüsho thsünü labah, athsümünim tüsho abahyukkhi nimung, amiting tüsho akhüpdokhi nimung, amo-khüpkhi tüsho kheahde amitingkhi nimung labah,

MATHI 22:13

Judüki kiulongthsüpuhnü yamlarübo ki tha, “Api khah tüsho jing rhükbah bede tsoang, tüsho wungdo amiting ching bahang; ju ching atripkhi tüsho hü mütrütkhi labah.”

MATHI 24:29

“Jurü nimungbo ching thsümütsü-ato dunglim yanalünde ani mitingde akambah, tüsho khinunü ayin müjihde akambah; thüning chingnü chiningbo keamkhibah, tüsho thüning sühmühbo niukbah.

JUDNÜ ATHRÜTKHI KIHÜM HUHTANYU 1:13

keto müküpde abükkhi, arü nihbuh achihbe arhukrhukke thurukihchoh; arü khilim lün thsungkheak amiting akheah akhua zokhi tsahde alakhi chiningbo ah.

AMIKHEAKAKHIUKKHI 16:10

Aphüngüpü yunirünü api phurusük shiwüh kiulongthsü-binkiu kheak dunga bah, tüsho ju kiulongthsü amiting ching lakheah; mihtsürübonü thsünükhi hode arü mulo mükap