AMOS 5:2 - AMÜSÜH HÜM CL Bible (BSI)

² Anünübe Israel masürülopü thsüde lunga lah; anihbe lo kheak bahyuka lah, shenü anihbe mülahmusu.

AMOS 5:2 Iomraidhean Croise

2 KIULONG THSÜRÜ 15:29

Israel kiulongthsüpuh Peka nimungbo ching, Asiria kiulongthsüpuh Tiglath-pileser atu tüsho Ijon, Abel-beth-naaka, Janoa, Kedesh, Hazor, Gilead, tüsho Galilee, Naphtali lomi alala yan; tüsho apinü mihtsürübo rama lubah Asiria ching yü.

2 KIULONG THSÜRÜ 17:16

Arünü arü Thrünpuh Atungpuh yukhümbo alala bahyuk tüsho arü thsungkheak moshi nunu sangthsü mahne thsüa zhipshih; arünü Ashera sangthsü thsübah, chiningbo kingaün, tüsho Baal tankih.

ISAIA 14:21

Api tsührübo arü bebuhrü amülim dünkheaknü alaksahpü tsanglungang. Alomi müküh-a lupü arü dasürüshih yungsho kiutobonü alomiküp dümishih.”

ISAIA 24:20

Alomi ju amüshangrü nangde yingyinglah, yünshim nangde laplapchoh; amülim-rhimokhi ju kheak mülangde ajaplah, tüsho lungchoh tüsho alode masürü.

ISAIA 3:8

Tümüde Jirusalem jing mükhedo tüsho Juda angakdo, tümütüsho arü yu thakhi tüsho arü rhimobonü Atungpuh azhihkhi lah, api müretahkhi arün thsüshihdo.

ISAIA 37:22

Atungpuhnü api dünkheak asukkhi yu ha lah: Atsangkhit Zion tsührübenü nü mükhemürangchoh, anihbenü nü luhmünechoh; nü dunglim Jirusalem tsührübenü ku lukchoh.

ISAIA 43:17

Shepünü khora-lolungbe tüsho khora bekhitcho, bonungrü tüsho thirithsürü; arü yaplah, arü masürükhuk, arübo zümüta lah, moke-liu nangde kunga lah:

JEREMIA 14:17

Nünü arü ki ha yu thaang: Azhing tüsho ayin I mükbo ching chike bukkhishang, tüsho jurü dükheamshih, tümüde atsangkhit tsührübe – I mihtsürü– mülangde dama kinga yapshihlah, khide sükde yurijihdo.

JEREMIA 18:13

Jumonü Atungpuhnü ha thachoh: Trükshih bolung keoang: Ha ruk shenü sode? Atsangkhit Israelnü khide atrebe rhimodo.

JEREMIA 2:27

shepünü sangdung ki tha, “ Nü a I buh,” tüsho lung ki tha, “ Nünü I zübe.” Tümüde arünü arü düthsün I kilim anguh. Tüshe arü küpkhuk kim ching arünü thachoh, “Arang tüsho isa khümkhitang!”

JEREMIA 31:4

Kheaküshe inü nü bemusubah, tüsho nü thsülobah, O atsangkhit Israel! Kheaküshe nünü züpzüppü lubah tüsho asühde tsünde ayübah.

JEREMIA 4:20

Thsümütsünü thsümütsü yankihchoh, lomi abümnü thsümünima yaplah. Zukleangnü I khimyambo, khülang kinü zhindokhimbo thsümünima lah.

JEREMIA 50:32

Akükheangbuh jing mükhebah tüsho alungbah, shenü api müyihmusu tüsho inü api kiutobo ching mo takkihbah, tüsho api mühide alala inü aniukhambah.

JEREMIA 51:64

tüsho thaang, ‘ Hanangde inü anihbe kheak thsümütsü handarükhi dünkheak Babilon keamyukbah, masürülo.’ ” Ha khiungde Jeremia yubo lah.

JEREMIA 8:4

Nünü arü ki thabah, Atungpuhnü ha thachoh: Küyimki mihtsürü lungbanü, arünü alode masürücho de? Arünü limdungmihsho murholocho de?

JEREMIA 9:21

Mihshe isa ayinripitbo chingnü azahdo, ha isa kiulongthsürü-yambo ching azahdo, kiudunglimrobo chingnü azürübo laksah tüsho wungdobo chingnü athunurübo laksah.

JEREMIA 9:9

Hadürü thsungkheaknü inü arü müthsümüchiba de? Atungpuhnü thachoh; tüsho hadürü dünkheak inü trükshih kheak royimkhi hande marüba de?

TÜZHOKHI 2:13

Inü nü thsungkheak tümü thakhukba, tümü ki nü akeba, O Jirusalem tsührübe? Inü nü shukheampü thsüde tümü ruk laba, O atsangkhit Zion tsührübe? Tümüde keto zünmülihkhi nangde nü thsümünimkhi lah; shenü nü thsüngukhukba?

HOSEA 14:1

O Israel, Atungpuh nü Thrünpuh kilim rholoang, tümütüsho nü mülimkhinü nü angakdo.

HOSEA 6:2

Nimung mahne dunglim apinü isa thsüphulobah; mahsam nipü apinü isa yihmusubah, junangde api miki isa labah.

AMOS 8:14

Sherünü Samaria, Dan tüsho Beersheba sangthsübo kingaünbanü arübo alungbah, tüsho küyimkishe masürülo.

AMOS 9:11

Ju nimung David khimyam keama lakhi inü alahmusubah, tüsho azhakkhibo thsülobah, tüsho athsümünimkhibo lahmusubah, tüsho awün nimungbo nangde athsülobah;