AMOS 5:18 - AMÜSÜH HÜM CL Bible (BSI)

¹⁸ Nüsa sherünü Atungpuh nimung künchonü ayokhe! Tümüde nüsanü Atungpuh nimung küncho? Ha amiting ah, ayin yung;

AMOS 5:18 Iomraidhean Croise

ISAIA 13:6

Tüzhode tripang, tümüde Atungpuh nimung thüninde lah; ju Wuto kilimnü athsümünimpü nangde arübah!

ISAIA 24:18

Mihtrebe düsheak sobah sherü tsochonü shingkung ching keamyukbah; tüsho sherü shingkung chingnü künkhitchonü qimürip ching phuhbah. Tümüde thüning ayinripitbo khimshuhlah, tüsho alomi khimtan ajanchoh.

ISAIA 5:19

shepünü tha, “Api niokheamshang, api rhimo nahnahshang, junangde isanü ju ngübah; Israel Amüsühbuh Khülang lümkhi thüninde arüshang, junangde isanü ju mükheahbah!”

ISAIA 5:30

Ju nimung arünü keto ahukkhi nangde ju kheak ahukbah. Tüsho khürünü lomi kheak kheahsho amiting tüsho lümthsünü lang alabah; tüsho ayin ju amonü mitingdo kamshihchoh.

ISAIA 58:2

Tütüshe nimung abande arünü I yimchoh tüsho I limrobo mükheahpü asühchoh, arü ju thiyuro-lungki lakhi trükshih tüsho arü Thrünpuh yuzüng mübahyukkhi nangde; arünü I ki thiyuro-lungki mahkhapbo keokhichoh, arünü Thrünpuh kilim thüninpü asühchoh.

ISAIA 8:22

yungsho arünü alo lim kheahbah, tüshe lümthsünü tüsho amiting thsünü lang angübah; tüsho arü ju amiting akheah ching nimyukbah.

ISAIA 9:19

Wuto A TU N GPU H bukakhiukkhi hode, alomi takkheah, tüsho mihtsürübo mokhih nangde kam. Khülangnü khülang maningshih.

JEREMIA 13:16

Atungpuh nüsa Thrünpuh kilim apinü amiting mühandarüyide, tüsho shuhyini ching awungbo kheak nüsa jing mümükheyide müretahshang; nüsanü ayin kheahchoki, apinü ju bünangdo kamshihchoh tüsho mükjikhünkhit thsüde mitingshihchoh.

JEREMIA 17:15

Kheahang küruk arünü I ki thacho, “Atungpuh yu küching la? Ju arüshang!”

JEREMIA 30:7

Aha! ju nimung küde atrebe, ju ruk püpü müla; ha Jakob thsungkheak lümthsünü kim lah; tütüshe api ju chingnü abekhitbah.

EZEKIEL 12:22

Mihtsürü tsührü, Israel lomi ching müchitkhi ha tümü a: “ Nimungbo hokhamchoh tüsho michih aban tümü mülakhi kamchoh?”

EZEKIEL 12:27

Mihtsürü tsührü, Israel yamkhünnü thachoh, “Apinü angükhi michihbo kam ahihdo thsungkheak lah; apinü kim ashangbo thsungkheak müchitchoh.”

JOEL 1:15

Nimung thsungkheak aha! Tümüde Atungpuh nimung thüninde lah, tüsho athsümünimpü Wuto kilimnü arüchoh.

JOEL 2:10

Arü miki alonü niukchoh, thüningbo ajanchoh. Ani tüsho khinu mitinga lah tüsho chiningbonü arü ayin tukloa lah.

JOEL 2:11

Atungpuhnü api bonungrü kumung adüsheak thsüchoh; api bonungrü küdükhüh she hihla! api yukhüm anirü mükhebinkhi lah. Tsükjide Atungpuh nimung ato ah; atsütsü atrebe–shenü ju arümkhukba?

JOEL 2:31

Atungpuh nimung ato tüsho atrebe müngüh ani ju mitingdo akambah, tüsho khinu ju thiyih kambah.

OBADIA 1:15

Tümüde trükshih alala azhihde Atungpuh nimung thüninde lah. Nünü arhimokhi nangde, nü ki rhimobah; nü rhimobo nü ku kheak alodarübah.

MALAKI 4:1

Kheahang, tak-phuru takkhi nangde nimung arüchoh, bukakhiukrü tüsho amütsü rhimorü alala hineang nangde alabah; ju nimung arükhinü arü takabahbah, Wuto Atungpuhnü thachoh, junangde arü ying yungsho khah tümü she maning.

YUZÜNGTHALO 32:24

arübo akhümnü ashebah tüsho takde alamlamkhinü tüsho atrebe tukthsünü ashebah; tüsho inü arü azhihde mütüm shiwüh yüshihbah, tüsho müzüm-phuruto anguhpü yüshihbah.

2 PETER 3:10

Tüshe Atungpuh nimung ju ahührü khülang nangde arübah. Judüki thüningbo arungde tsoabahbah; chiningbo atakkhinü niuabahbah, tüsho alomi le ju ching lakhi rhimobo aniuabahbah.

2 PETER 3:4

Arünü athabah, “Api arüpü alokhikhi küching la? Isa bebuhrübo sheabahdo, tüshe lüpdükhi alomiküp thrünchoki ruk lang lah.”