AMOS 5:11 - AMÜSÜH HÜM CL Bible (BSI)

¹¹ Jumonü nüsanü zhochihrü kheak thrüm tüsho arü kheaknü hi jangkhia lu, nüsanü lung phukkhinü thüyambo thsü, tüshe nüsa jurü ching müla; nüsanü kurungaso atsü yangdo tüshe nüsanü jurü yukhu muyung.

AMOS 5:11 Iomraidhean Croise

JOB HU H T ANYU 20:19

Tümüde apinü zhochihrü juno tüsho bahyuk, apinü müthsükhi yam khülang yankhia lu.

ISAIA 16:10

Asühachihkhi tüsho asüharabe aso-asokhi lu chingnü hande tsodo; tüsho kurungasolu ching khünbo müthsü, azhikhi düsheak müla; anitpung ching anitrünü yukhu münit; asühachihde azhikhi akheam thsüdo.

EZEKIEL 26:12

Arünü nü lakhitbo tüsho nü yo yinzüyindo kukruk lubah; arünü nü chipibo kingkheambah tüsho atsüdak nü yambo thsümünimbah. Nü lungbo tüsho arhütsang tüsho alo ke ching bahjihbah.

EZEKIEL 34:21

Tümütüsho nüsanü kebük tüsho dubuhnü khanga tsoshih, tüsho ayiuhyiuh shiwühbo alala limshu tüsho mülihde müyüyi khiungde nü juhnü khua tsoshih,

HOSEA 9:2

Hinitpung tüsho yukhu nitpungnü arü mükipduh, tüsho yukhu aso mülade akambah.

LEVI 26:16

inü nüsa kheak ha rhimobah: Inü nüsa kheak zukleangnü atrebe handarübah; nüsa mük tukshihpü tüsho rhangdung dükheakshihpü thsüde amungube tukthsü tüsho phütsak arüshihbah. Nüsanü müjih akeangkeang ching hiubah, tümüde nüsa riribonü jurü tsühbah.

AMOS 2:6

Atungpuhnü ha thachoh: Israelnü alochode neak yihbeakkhi dünkheak, inü thsümüchi mululo; tümütüsho arünü shotoyinchi mo thiyuro-lungkirü tüsho jingkhümpü mihbümkhüh mo müthsümülarü yinabah–

AMOS 2:7

arünü zhochihrü ku asungthulung ching juyuk, tüsho juyuka larü limro chingnü nimkhita bah; abuh tüsho tsührünü rukhüh aliberü ahorichoh, junangde I mung amüsüh müneanjih;

AMOS 3:15

Inü tsüngkam yam tüsho muzhu yam lukkheambah; tüsho thsotorünü züt thsükhi yambo dükheakbah, tüsho thüyam atotobo akheam thsübah, Atungpuhnü thachoh.

AMOS 3:9

Ashdod tüsho Ijip chipibo ching zhiyukang, “ Nüsabo Samaria wungbo kheak mukhungang, tüsho ju ching tümü neamneamruru la, tüsho tümü ajunokhi lanü kheahang.”

AMOS 4:1

Ha yu aniang, nüsa Samaria müzüng kheak lakhi Bashan moshi dretobo, sherünü zhochihrü junocho, sherünü müthsümülarü zünakcho, sherünü niubuhrü ki thacho, “Tümükhüh ayungpü lubah arang!”

AMOS 6:11

Kheahang, Atungpuhnü thiyuchihchim jihchoh, tüsho thüyam ato ju ajipbo kambah tüsho thüyam anini ju adütre kambah.

AMOS 6:12

Khorabonü lungbo kheak alihcho de? Khürünü moshipungbo bebah keto mülapcho de? Tüshe nüsanü thiyuro ju müzüm kamshihdo thiyuro-lungki sangaso ju akhüh kamshihdo.

AMOS 8:4

Ha aniang, nüsa müthsümülarü jungrübo, tüsho lomi ching zhochihrü ki athsümünim hande arürübo,

AMOS 9:14

Inü I mihtsürü Israel kuhi jihlobah, tüsho arünü athsümünim kiutobo thsülobah tüsho jurü ching labah; arünü kurungasobo yangbah tüsho jurü yukhu yungbah, tüsho arünü awündobo thsübah tüsho sangaso tsühbah.

MIKA 1:6

Jumonü inü Samaria ju mükeak ching kurungaso yangpü dangpung amujung kamshihbah. Inü anihbe lungbo jindükhün ching zünde yükishihbah, tüsho anihbe khimtanbo lahkhitjihbah.

MIKA 2:2

Arünü thulubo lunechoh, tüsho jurübo jangkhichoh; thüyambo she lude tsochoh; arünü thüyam putungrü tüsho thüyam, mihtsürü tüsho arü yamrüplurüp junochoh.

MIKA 6:15

Nünü ayangbah tüshe müyimlu; nünü olivbo nitbah tüshe nü kheak müdangke mumuju, nünü kurungaso thsünbah tüshe yukhu muyung.

ZEPHANIA 1:13

Arü lakhit yankhia lubah, tüsho arü yambo thsümünimbah. Arünü thüyambo thsüthsü she, arünü jurü ching müla; arünü kurungasolu thsüthsü she, arünü jurü chingnü yukhu muyung.

HAGGAI 1:6

Nüsanü hihde mükheando, tüshe nükde yimludo; nüsanü tsühchoh, tüshe küyimkishe nüsa bukmüthsü; nüsanü yungchoh, tüshe küyimkishe nüsa kethürimüri; nüsanü khim phuyuchoh, tüshe sheshe mülamlam, tüsho nüsanü mulomüthsükhi ju akhün bitkhi qiuqiu ching yukpü mulomüthsüchoh.

MALAKI 1:4

Edomnü, “ Isa niukmüzüta lah tüshe isanü athsümünimkhi thsülobah” de thasho, Wuto Atungpuhnü thachoh: Arünü mihbukmuyuk lomi de müjiyi khiungde, Atungpuhnü lünnü abukakhiukkhi mihtsürü inü athokheambah.

YUZÜNGTHALO 28:30

“Nünü aliberü khülang neakbah tüshe khürünü anihbe lubah; nünü thüyam khülang thsübah tüshe nü ju ching müla; nünü kurungasolu thsübah tüshe aso rhoa mütsüh.

JAKOB 2:6

Tüshe nüsanü zhochihrü mükhemükimdo. Nüsa junokhi ju alarünü yung de, nüsa mahkhappung ching nima yüshihkhi arü yung de?