AMOS 5:10 - AMÜSÜH HÜM CL Bible (BSI)

¹⁰ Arünü chipimurung ching thiyuro mülakhi azhihrü thraneanchoh, tüsho arünü thiyuro asukrü thraneanchoh.

AMOS 5:10 Iomraidhean Croise

1 KIULONG THSÜRÜ 18:17

Küyimki Ahabnü Elija ngükhea, Ahabnü api ki tha, “Israel küpkhuk jihrü ju nü a de?”

1 KIULONG THSÜRÜ 21:20

Ahabnü Elija ki tha, “O I riri, nünü I ngüdü de?” Apinü alo, “Inü nü ngüdo. Tümütüsho nünü Atungpuh miki amütsü rhimode nü zangrü yindo,

1 KIULONG THSÜRÜ 22:8

Israel kiulongthsüpuhnü Jehoshaphat ki tha, “Isanü A TUN GPU H ki keokhipü thsüde püpürü khülang Imla tsührü Mikaia lah; tüshe inü api mükheahne, tümüde apinü küyimkishe I thsungkheaknü atsü tümü she mümüchitchoh, tüshe thsümütsü lang ah.” Jehoshaphatnü tha, “ Kiulongthsüpuhnü hadürü dütha shi.”

2 KIUTHSÜYUKHEAN 25:16

Tüshe api thade alachoki kiulongthsüpuhnü anihbuh ki tha, “Isanü nü kiulongthsü athsunganahrü thsüshihkhea de? Tukloang! Tümü thsüpü nü asheshihpü?” Jumonü wukihbuhnü tuklo, tüshe tha, “Thrünpuhnü nü thsümünimpü lümkihdo de inü mükheahlah, tümütüsho nünü ha rhimodo tüsho inü athsunganahkhi mani.”

2 KIUTHSÜYUKHEAN 36:16

tüshe api mihtsürübo kheak Atungpuh bukakhiukkhi khide tode kambah mutsokhitpü khiungde, arünü Thrünpuh yunithsürübo ki keangrümüne, api yubo mükhemükim thsü, tüsho api yo wukihrübo ki münejih.

MÜCHITMUDU 15:12

Kithsükilangrünü api thsülangrü mümuzhochoh, yungsho lümlung larü kilim müyü.

ISAIA 29:21

sherünü mihtsürübo amülim kamshihcho, shepünü chipiripit ching mahkhaprü thsungkheak azheang zocho, tüsho mütsanmükhi mülade alungki ching larü thiyuro rahlocho.

ISAIA 59:15

Thiyuro mülatsan, tüsho amütsü chingnü rholorü thsümünima lah. Atungpuhnü ha ngüdo, tüsho api masühde kamshih, junangde thiyuro mülakheah.

JEREMIA 38:7

Ethiopiarü Ebedmelek, kiulongthsüpuh yam ching lakhi dukhanü Jeremia kekung ching yuka zokhi so. Kiulongthsüpuh ju Benjamin Chipiripit kheak binde alakheah,

HOSEA 4:4

Tütüshe shenü she düneangneangshih, tüsho shenü she düthürüh, tümüde inü atsangpü nü kheak lah, O amükeamrü.

LEVI 13:10

amükeambuhnü akheahjihbah, tüsho küp kheak mü ju müyedo kamde nam müyede kamsho, tüsho nütlosho,

AMOS 5:15

Amütsü thraneanang tüsho atsü muzhoang, tüsho chipimurung ching thiyuro lashang; khükijua Atungpuh , Wuto Thrünpuhnü ha trükshih mihtsürü aningkhi kheak müthsümbah.

JOHAN 15:19

Nüsa ju alomi yo thsükhülaa, alominü nihbuh yo muzhobah, tütüshe nüsa ju alomi yo yung tüshe alomi chingnü inü nüsa mokhit, jumonü alominü nüsa thraneanchoh.

JOHAN 3:20

Tümüde amütsü rhimorü abannü ayin thraneanchoh tüsho ayin lim marü, jude yungsho api rhimobo lahkhitbah.

JOHAN 7:7

Alominü nüsa müthranean, tüshe ju rhimo amütsü lah de inü thiyumütsan thsümonü I thraneanchoh.

GALATIA 4:16

Dale tüsho nüsa ki thiyuro thakhinü I nüsa riri kamdü de?

AMIKHEAKAKHIUKKHI 11:10

tüsho alomi ching larübonü ane kurungkheak asühachihbah tüsho thsambahbo jihachihbah, tümütüsho alomi ching larübo kheak hane wukihrübonü thsümütsü hande arüdo.