AMOS 4:9 - AMÜSÜH HÜM CL Bible (BSI)

⁹ Inü sangrung-tukthsü tüsho mokrinü nüsa shik; inü nüsa wündo tüsho kurungasolubo thsümünimjih; tangkhonü nüsa khubasodung tüsho oliv sangdungbo tsühabah; tütüshe nüsanü I kilim murholo, Atungpuhnü thachoh.

AMOS 4:9 Iomraidhean Croise

1 KIULONG THSÜRÜ 8:37

“Lomi ching khümzung, arüm, apung-tukthsü, mokri, tangkho, yungsho lungbün lasho; arü ririnü arü kiuto khürü ching lang she yansho; ju ching tümüpürü arüm yungsho tukthsü lanü;

2 KIUTHSÜYUKHEAN 6:28

“Mürangkhüh lomi ching khümzung, arüm, khipzükhipdo, mokri, tangkho, yungsho lungbün lasho; arü lapung lo khürü ching arü ririnü yansho; küdürü thsünü, küdürü tukthsüdukram labanü;

ISAIA 1:5

Tümüde nüsanü kheaküshe laka lupü yimcho? Tümüde nüsanü mutuklode azhihcho? Ku abümnü tukthsülah, tüsho mulong abümnü keahkhichoh.

ISAIA 50:11

Tüshe nüsa alala mo takkihrü, mozhuh takkihrü ah. Nü mo trukhi ching tüsho nünü atakkihkhi mozhuh bolung tsahang! Ha I khah chingnü nünü angübah: nü thsümütsü ching yapbah.

ISAIA 9:12

Siriarü aniakhiuklim tüsho Filistiarü aniyüzahlim, Israel muyupü arü mün kaa lah. Ha alala thsungkheaknü api bukakhiukkhi rholode mutso; api khah kheakü khiungde chungkhih-a lah.

JEREMIA 3:10

Tütüshe dükde mülakhi anihbe achi Judanü mulong athrünkhinü I kilim malodarü, tüshe rüklimnü lang ah, Atungpuhnü thachoh.

JEREMIA 5:3

O Atungpuh , nü müknü thiyuro mükheahcho de? Nünü arü shik, tüshe arünü thsünükhi mümütsan; nünü arü muyuabah, tüshe arünü thsülangkhi lupü reanglo. Arünü arü miro lung kheaknü amürangbe kamshih; arünü arholopü thsunglo.

HOSEA 11:5

Arübo Ijip lomi lim alode ayübah, tüsho Asiria ju arü kiulongthsürü thsübah, tümütüsho arünü I ki arülopü thsunglo.

JOEL 1:4

Tümü anguhshakbe tangkhonü aningshih-a la, tangkho botonü tsühdo. Tümü tangkho botonü aningshih-a la, ajukbe tangkhonü tsühdo, tüsho tümü ajukbe tangkhonü aningshih-a la, athsümünimbe tangkhonü tsühdo.

JOEL 1:7

Hanü I yo kurungaso thsümünimdo, tüsho I yo khubasodungbo müjakdo; akhahbo müyedo mükamyi khiungde aküp khuka bahdo.

JOEL 2:25

I bonungrü ato, nüsa azhihde inü arüshihkhi, tangkho boto ajukbe, athsümünimrü tüsho ayihshakrünü atsühkhi kambo ching nüsa kukshahkhi inü ajihlobah.

AMOS 4:6

Inü nüsa kiuto alala ching khümzung handarü, tütüshe nüsanü I kilim murholo, Atungpuhnü thachoh.

AMOS 4:8

jumonü kiuto mahne yungsho mahsamnü ke yungpü kiuto khülang ching yüla arüla thsü, tüsho reangmükeamde lakheah; tütüshe nüsanü I kilim murholo, Atungpuhnü thachoh.

HABAKKUK 3:17

Khubasodung mupungpung she, tüsho kurungasodungbo kheak aso mükihkih she; olivnü masoso she tüsho thulubonü jim makhiukkhiuk she; mihnu yam chingnü mihnu boto mülade kamkam she, tüsho moshi yam chingnü moshi boto mülade kamkam she,

HAGGAI 2:17

Inü nüsa le nüsa khah rhimo alala tukthsü-mü le mokri tüsho arunü shik; tütüshe nüsanü I kilim murholo, Atungpuhnü thachoh.

MALAKI 3:11

Inü nüsa thsungkheak tangkhobo thürühbah, junangde nüsa lo chingnü amukhuhkhi müthsümünim; tüsho nüsa lu ching kurungaso aniungyüh müla, Wuto Atungpuhnü thachoh.

YUZÜNGTHALO 28:22

Nüsa müsheshihyi khiungde Atungpuhnü nüsa kheak ashepü tukthsü, phütsak tüsho abümpü, alamlam tüsho thsühnuk, mümüpü tüsho mokri arüshihbah.

YUZÜNGTHALO 28:42

Nüsa sangdungbo tüsho alo ching khahleak alala tangkhonü atsühbah.