AMOS 4:7 - AMÜSÜH HÜM CL Bible (BSI)

⁷ Tüsho kheaküshe yimlupü khinu mahsam lachoki inü nüsa kheaknü tsüng tuklo; inü kiuto khülang lungki tsüng arüshih, tüsho püpü kiuto lungki tsüng marüshih; thulu khülang lungki tsüng arüshih, tüsho tsüng marükhi thulu ju mukuhabah;

AMOS 4:7 Iomraidhean Croise

ABEKHIT 10:22

Jumonü Mosanü thüning lim akhah chungkih, tüsho Ijip lomi alala ching nimung mahsam amiting akheah lakheah.

ABEKHIT 10:23

Arü khülangnü khülang müngüachih; yungsho sheshe nihbuh dangpung chingnü nimung mahsam matrüt. Tüshe Israelrü alala arü lapungbo ching ayin lakheah.

ABEKHIT 8:22

Tüsho ju nimung ching inü I mihtsürü lapung Goshen lomi somünak boto mülapü thsüde aningshihbah, junangde ha lo ching I Atungpuh de nüsanü amükheahbah.

ABEKHIT 9:26

Israelrü lapung Goshen lo ching lang arulung mülakheah.

ABEKHIT 9:4

Tüsho Atungpuhnü Israel akam-shiwüh tüsho Ijip akam-shiwüh dükeak büthsübah. Junangde Israelrü yo tümü she müshede alabah.”’”

ISAIA 5:6

Inü ju akeangkeang kamshihbah; ju mümupung yungsho müphünnak, tüsho khingphu le ayangrungnü achindobah; inü amo ki she ju kheak tsüng marüpü thiyukhüm jihbah.

JEREMIA 14:22

Sangthsübo khürünü tsüng arüshihkhukba de? Yungsho thüningbonü wungpütsüng akishihkhukba de? O Atungpuh isa Thrünpuh, ha nü yung de? Isanü nü kheak isa mulonglam zojihchoh, tümüde ha alala nünü rhimochoh.

JEREMIA 14:3

Atorübonü arü yamlarübo ke thsungkheak yüshihchoh, arübo kekhip ching arüchoh, arünü ke müngü, arübo kesopung akeangkeang tsolochoh. Arübo achih ngüdo tüsho mulong thsümünimdo tüsho arü ku muhiuchoh,

JEREMIA 14:4

tümütüsho alo jukrüpa lah. Tümütüsho alo kheak tsüng mülamonü thulu thsürübo mulong thsümünim; arünü arü ku muhiuchoh.

JEREMIA 3:3

Jumonü müngühmühi tsüngbo tholoabah, tüsho mükhean tsüngbo marü; nü a müzammüramrü miro ah, nünü machih.

JOEL 2:23

O Zion zürübo, Atungpuh nüsa Thrünpuh lung asühang tüsho asühachihang; tümüde apinü thiyuro-lungkinü nüsa kilim mumükin tsüng jihdo. Apinü nüsa kilim suhdahde, mumükin tüsho mükheankim tsüng püpüki nangde arüshihdo.

ZEKARIA 14:17

Mürangkhüh alomi yamkhün khürünü Wuto Atungpuh , kiulongthsüpuh kingaünpü Jirusalem lim muwutusho, arü kheak tsüng marüde alabah.

JOHAN 4:35

Kheaküshe yimlupü khinu phüyi lah de nüsanü thachoh yung de? Kheahang, inü nüsa ki thachoh, nüsa mükbo rheakbah thulubo kheahang, tümüde yimlupü müna lah!

1 KORINT 4:7

Tümütüsho shepünü püpürü kheaknü nüsa büthsüde kamshihcho? Nüsa müngükhi tümü la? Tüsho nüsanü ju leangkhia lasho, tümüde nüsanü müleangkhikhi nangde kükheangcho?

YUZÜNGTHALO 11:17

jude yungsho nüsa azhihde Atungpuhnü bukakhiukbah, tüsho apinü thüning khimdobah tsüng marüshih, tüsho alonü tümü makhiukshih, tüsho Atungpuhnü nüsa kilim jihkhi lo chingnü nüsa nahde adükheakbah.

JAKOB 5:17

Elija ju isa nangde mihtsürü lakheah tüsho tsüng marüshihpü apinü shuhmülanga jihde tamkhüntamnü, tüsho kam mahsam kheak khinu thuruk alomi ching tsüng marü.

AMIKHEAKAKHIUKKHI 11:6

Anenü müchitkhi nimungbo ching tsüng marüpü thsüde thüning rihpü ane wu lah, tüsho kebonü thiyih kampü, tüsho anenü akünkhi alochode arümbonü alomi shikpü wu lah.