AMOS 4:4 - AMÜSÜH HÜM CL Bible (BSI)

⁴ Bethel lim yüang tüsho neak yihbeakang; Gilgal lim yüang tüsho neak alü kamshang; yapsu aban nüsanü laksah-a kingaünkhibo lubah arang, nimung asampü aban ching thürü shihcham lubah arang;

AMOS 4:4 Iomraidhean Croise

T H S AN GYU T H S AN GR ARÜ 11:9

Athunu mihtsürü, nü athunu kim ching asühang, tüsho nü athunu nimungbo ching nü mulong asühshang. Nü mulongnü abekhi tüsho nü müknü angükhi yanang, tüshe harü alala thsungkheak Thrünpuhnü mahkhap ching hande arübah de mükheahang.

EZEKIEL 20:39

Nü thsungkheaknü, O Israel yamkhün, Wuto Atungpuhnü ha thachoh: Nüsa mihbüm abannü yüang tüsho nüsa sangthsübo tankihang! Tüshe ju dunglim tsükjide nüsanü I ki anibah tüsho kheaküa nüsa thsambahbo le nüsa sangthsübonü I mung amüsüh mümüneanjih.

HOSEA 12:11

Gilead ching mülimkhi lah, arübo tsükjide akeangkeang kambah, Gilgal ching arünü moshipungbonü kingaün, jumonü arü kingaün sadambo ju thulu wochakkhi ching lungrhung nangde alabah.

HOSEA 4:15

Nünü yüliyüra ahoriri she, O Israel, Juda amülim dükamshih. Gilgal ching düyüzah, yungsho Beth-aven ching duwutu, tüsho “Atungpuh lale,” de thiyuchihchim düthsü.

HOSEA 9:15

Arü amütsü alala Gilgal ching tankih; ju ching inü arü thraneande kam. Tümütüsho arü mihbukmuyuk rhimobo hode inü arübo I yam chingnü ayankhitbah. Inü kheaküa arü mümuzho; arü torübo alala azhihrü ah.

AMOS 3:14

Inü Israelnü alakmihkhi dün thsümüchi nimung, inü Bethel kingaün sadambo thsümünimbah, tüsho kingaün sadam juhbo lipkhibah tüsho alo ching keambah.

AMOS 5:5

tüshe Bethel düyim, tüsho Gilgal ching düyüzah yungsho Beersheba hode düyü; tümüde tsükjide Gilgal ramtso ching yübah, tüsho Bethel tümü mülade akambah.

MATHI 23:32

Dale nüsa jipürünü atankihkhi atsamabahang.

MATHI 26:45

Judüki apinü ajingyanrübo kilim arübah tha, ‘Nüsa kheakü khiungde sühakhimde yapla de? Kheahang, kim thünina lah, tüsho Mihtsürü Tsührü aneakrübo khah ching jihdo.

MARK 14:41

Judüki apinü mahsam kipü arü tüsho arübo ki tha, “Nüsa kheakü khiungde yapla de tüsho sühakhimla de? Ha suhdo! Kim arüdo; kheahang, Mihtsürü Tsührü aneakrübo khah ching jihdo.

MARK 5:5

Azhing tüsho ayin, api ju müzüngbo le mibahpungbo ching zhide tüsho lungbonü aküdah thsüde tsütde alakheah.

YUZÜNGTHALO 26:12

“Küyimki nünü thürü shihcham jihpü kam, kam asampü thürü shihchambo jihkhambanü, tüsho ju Levirü, mürerü, tüsho khimoberübo kilim jihbah arünü nüsa chipimurung khüp ching tsühbah bukthsübanü,