AMOS 4:13 - AMÜSÜH HÜM CL Bible (BSI)

¹³ Tümütüsho, shepünü müzüngbo thrünchonü, apung thrünchoh, api lümkhi mihtsürübo ki huhchoh, yapsu ju amiting kamshihchoh tüsho alomi achangbo kheak tsahchoh– Atungpuh , Wuto Thrünpuh ju api mung lah!

AMOS 4:13 Iomraidhean Croise

JOB HU H T ANYU 9:7

shepünü ani ki thiyukhüm jihcho, tüsho ju makhiuk; shepünü chiningbo tholocho;

MUNGSHIKHÜN 135:7

Apinü alomi akheam chingnü kesheakbo akihshihchoh; apinü tsüng thsungkheak chinchobe thsüchoh; apinü api rahpungbo chingnü apung bekhitchoh.

MUNGSHIKHÜN 139:2

Nünü I binkhi tüsho asürükhi mükheahlah; nünü I lümkhi limshu chingnü mükheahlah.

MUNGSHIKHÜN 147:18

Apinü api yu yüshihchoh tüsho jurü niushihchoh; apinü api pung yünshihchoh, tüsho kebo bukchoh.

MUNGSHIKHÜN 65:6

shepünü nihbuh sühmühnü awungbo, wunü züt thsübah lashih;

ABEKHIT 10:22

Jumonü Mosanü thüning lim akhah chungkih, tüsho Ijip lomi alala ching nimung mahsam amiting akheah lakheah.

ABEKHIT 14:20

Junangde Ijip bonungrü le Israel bonungrü dükeak arü. Hanangde amo lakhinü khülang lim amiting la, tüsho püpü lim azhing ching ayin jih, junangde tsüngre amuyung sheshe phüniachihde marü.

ISAIA 40:12

Shenü khah müyinü kebo adünakheah de tüsho yingkhingnü thüning akeakheah de, adünkhi ching alomi asungthulung hüpdonah, tüsho akesangnü awungbo le amujukbo akedo de?

ISAIA 45:7

Inü ayinatrüm kamshih tüsho amiting thrünchoh, inü müngühmühi tüsho thsümütsü thrünchoh; I Atungpuhnü ha alala thsüchoh.

ISAIA 47:4

Isa Rhokhitrü– Wuto Atungpuh ju api mung– Israel Amüsüh Thrünpuh.

ISAIA 48:2

Tümüde arünü amüsüh kiuto mihkhung ah de thachoh, tüsho Israel Thrünpuh kheak angükihchoh; shepü mung ju Wuto Atungpuh la.

ISAIA 5:30

Ju nimung arünü keto ahukkhi nangde ju kheak ahukbah. Tüsho khürünü lomi kheak kheahsho amiting tüsho lümthsünü lang alabah; tüsho ayin ju amonü mitingdo kamshihchoh.

JEREMIA 10:13

Küyimki api düsheak alankhea, thüningbo ching ke arung tüsho apinü alomi akheam chingnü amo yükihshihchoh. Apinü tsüng thsungkheak chinchobe phürapshihchoh, tüsho apinü zowupung chingnü apung bekhitchoh.

JEREMIA 10:16

Jakob Thrünpuh a harü ruk yung, tümüde nü kukruk alala thrünkhi ju api lah, tüsho Israel ju api yamrüplurüp trük ah; Wuto Atungpuh ju api mung lah.

JEREMIA 13:16

Atungpuh nüsa Thrünpuh kilim apinü amiting mühandarüyide, tüsho shuhyini ching awungbo kheak nüsa jing mümükheyide müretahshang; nüsanü ayin kheahchoki, apinü ju bünangdo kamshihchoh tüsho mükjikhünkhit thsüde mitingshihchoh.

JEREMIA 46:18

Atsütsü I lah, kiulongthsüpuhnü thachoh, shepü mung Wuto Atungpuh la, awungbo lung Tabor nangde tüsho keto yean Karmel nangde khülang arüchoh.

JEREMIA 51:16

Küyimki apinü tsüngmukbanü, thüningbo ching kebo arungchoh; api alomi akheam chingnü amobo yükihshihchoh. Apinü tsüng lung chinchobe arüshihchoh tüsho api zowupung yambo chingnü apung hankhitchoh.

JEREMIA 51:19

Jakob Thrünpuh a harü ruk yung, tümüde kukruk alala kamkhitshihkhi ju api ah, tüsho Israel ju api yamrüplurüp trük lah; Wuto Atungpuh ju api mung.

DANIEL 2:28

tüshe aramyu akhiuka huhbuh Thrünpuh khülang yinmi ching lah, tüsho Apinü akheam nimungbo ching tümü dünjibanü kiulongthsüpuh Nebukednezar ki huhdo. Nü yapkiu ching yapshea lachoki nü milim tüsho michih harü lakheah:

DANIEL 2:30

Tüshe I thsungkheak a, püpürü rhangdung larü kheaknü I lümlung khürü lamonü ha aramyu I ki akhiuka huhkhi yung, tüshe thanakkhi ju kiulongthsüpuh ki mükheahshihpü thsungkheak tüsho junangde nü mulong ching lümkhibo anikhitbah.

HOSEA 12:6

Nüsanü nüsa Thrünpuh kilim rholoang, amuzho tüsho thiyuro kheak düngde ramrihang, tüsho arümde nüsa Thrünpuhnü arhimopü aleangang.

JOEL 2:2

amiting tüsho azhingdokhi nimung, amobo lakhi tüsho kheahde amitingkhi nimung khülang! Müzüngbo kheak amürak liukihkhi nangde ato tüsho wulakhi tangkho bonungrü arüchoh; arü nangde adüsonü mülaakheah, yungsho arü dunglim arüpü lünbo ching mülalo.

AMOS 3:13

Aniang, tüsho Jakob yamkhün azhihde thiyumütsan jihang, Atungpuh Thrünpuh , Wuto Thrünpuhnü thachoh:

AMOS 5:27

jumonü inü nüsa Damaska hode ramtso ching bede ayübah, Wuto mung lakhi Thrünpuh, Atungpuhnü thachoh.

AMOS 5:8

Shepünü chirhangshuhrü tüsho yamungshuhrü thrünkhea, tüsho zhingdoa amitingkhi ju yapsu kamshihkhea, tüsho animung ju azhing kamshihkhea, Shepünü keto kebo jikhea tüsho alo kheak dungkhitkhea, Atungpuh ju api mung,

AMOS 6:8

Atungpuh Thrünpuhnü aküdah thsüde thiyuchihchim, Atungpuh Wuto Thrünpuhnü thachoh: Inü Jakob kükheangkhi mükheahne tüsho api chipibo thraneanlah; tüsho inü kiuto tüsho ju ching lakhi lüpdükhi jihabahbah.

AMOS 8:9

Atungpuh Thrünpuhnü thachoh, inü animuro ani yüzahshihbah, tüsho animuro alomi mitingde akamshihbah.

AMOS 9:6

shepünü yinmi ching nihbuh akube khiungshakbo thsücho, tüsho alomi kheak khimtanbo thsücho; shepünü keto kebo jicho tüsho alomi kheak dungkhitcho– Atungpuh ju api mung lah.

MIKA 1:3

Tümüde kheahang, Atungpuh ju api lapung chingnü arüchoh, tüsho akibahle alomi achang dangpungbo kheak jungbah.

HABAKKUK 3:19

Atungpuh T H RÜ NPU H ju sühmüh; apinü I jing ju shihmüchi jing nangde kamshihchoh, tüsho achangbo kheak inü jungshihchoh. Aliu kihkhi khün-khungbenü: khün-huhrü kilim.

ZEKARIA 12:1

Müchityu khülang. Israel dünkheak Atungpuh yu: Atungpuhnü ha thachoh, shepünü thüningbo thoshang tüsho alomi khimtan tüsho ju ching mihtsürü kheak me lashih:

MATHI 9:4

Tüshe Jisunü arü lümkhi mükheahbah tha, “Tümü thsükhi nüsa mulongbo ching amütsü lümcho?

JOHAN 2:25

tüsho khürünü mihtsürü dünkheak thiyumütsan thsüpü yihnüpü müla, tümüde apinü mihtsürü kheak lakhi alala mükheah.

JOHAN 3:8

Apungnü külimpeang yünnelanü yünchoh, tüsho nünü ju düsheak sochoh, tüshe küchingnü arücho tüsho külim yüchonü nünü mümükheah, me ching zübekhi aban junangde lah.”

YUZÜNGTHALO 32:13

Apinü api alomi achang kheak binshih, tüsho apinü thulu chingnü akhiukkhi tsüh; tüsho apinü api mukhuke lung chingnü ngüshih, tüsho lungtraktrak chingnü müdangke akhiukshih.

YUZÜNGTHALO 33:29

O Israel, nü asühpü! Shepü nü nangde la, Atungpuhnü khümkhitkhi mihtsürübo, nü rungpü thsungkheak tsung tüsho nünü akukpü thsungkheak thsühnuk! Thiriribonü nüsa miki mükhümde arübah; tüsho nüsanü arü düthsün kheak thrümbah.”