AMOS 4:1 - AMÜSÜH HÜM CL Bible (BSI)

¹ Ha yu aniang, nüsa Samaria müzüng kheak lakhi Bashan moshi dretobo, sherünü zhochihrü junocho, sherünü müthsümülarü zünakcho, sherünü niubuhrü ki thacho, “Tümükhüh ayungpü lubah arang!”

AMOS 4:1 Iomraidhean Croise

1 KIULONG THSÜRÜ 16:24

Apinü Shemer kheaknü Samaria wung shotoyinchi 6000nü thulo; apinü awung chipi ayün tüsho apinü athrünkhi kiuto Samaria ju awung putungpuh Shemer mung yande ji.

JOB HU H T ANYU 20:19

Tümüde apinü zhochihrü juno tüsho bahyuk, apinü müthsükhi yam khülang yankhia lu.

JOB HU H T ANYU 24:4

Arünü küpkhukrü limro chingnü nimkhita bahdo; lomi ching zhochihrü arochihde jikshihdo.

MUNGSHIKHÜN 12:5

“Tümütüsho müthsümülarü junokhi, tüsho küpkhukrü ashearakhinü I kheakü asürübah,” Atungpuhnü thachoh. “Anihbuhnü amürheangkhi ching inü api lashihbah.”

MUNGSHIKHÜN 140:12

Atungpuhnü thsünürü thsungkheak thsakhamchoh tüsho zhochihrü thsungkheak thiyuro zochoh de inü mükheahlah.

MUNGSHIKHÜN 22:12

Moshipung ahihdonü I mühidoa lah; Bashan moshipung amürangbonü I mükamdoa lah.

MÜCHITMUDU 22:7

Alarünü zhochihrü kurungkheak yakzan shuhchoh, tüsho shonip-lurü ju anip-jihrü yamlarü ah.

T H S AN GYU T H S AN GR ARÜ 4:1

Kheaküshe alomiküp ching junode rhimokhi inü ngü. Kheahang, junoa lakhi chikebo–shenü arü mushukheam! Arü junorü rheang ki wu lakheah–shenü arü mushukheam.

T H S AN GYU T H S AN GR ARÜ 5:8

Nünü lomi khülang ching zhochihrü junokhi tüsho thiyuro le alungki ahorimüchihkhi ngüsho, ju dünkheak dümüyinsah; tümüde atorü achang ju achangbenü kheahde lah, tüsho kheaküshe ane kurungkheak achangbe lah.

ISAIA 28:1

Ayokhe, Ephraim amüshangrü kükheangkhi kuthran, tüsho ha müretah akheahakham yiuhabahkhi sangbün, küpü amüdanglo dükhün ku kheak la, sherü yukhunü zhidoa la!

ISAIA 5:8

Nüsa shepünü thüyam kheaknü thüyam müchinkihcho, shepünü thulu kheaknü thulu lukihchonü are, she thsungkheak she khiungshak mülakhi khiungde tüshe nü lang, tüsho nü alomi bolung ching nü langzü lapü aninga lah!

ISAIA 56:12

“Arang” arünü thachoh, “ Isanü yukhu handaranü; isanü phapke yunganü. Tüsho shido a ha kheaknü she atsüdak labah.”

ISAIA 58:6

Inü mokhitkhi khümkeak ha, thiyuro mülakhi liu trünpü, sangkap liu trünpü, junoa larü zuzude yüshihpü, tüsho sangkap alala yihshakpü yung de?

JEREMIA 50:11

Nü asühachihchih she, nü asüharara she, O I yamrüplurüp yankhia lurübo, moshinü hi jungkhi nangde tüsho khoranü akhungkhi nangde,

JEREMIA 50:27

Anihbe moshi alala laksahang. Arü thsungkheak aha, arü nimung, arü thsümüchipü kim arüdo!

JEREMIA 51:34

Babilon kiulongthsüpuh Nebukednezarnü I muyudo, apinü I zünakdo; apinü I akeangkeang sangdan kamshih, phuruto khülangnü nangde apinü I muyuabah; I shih-akebenü api bukthsüshih, apinü I muliuhkhita bah.

JEREMIA 6:6

Tümüde Wuto Atungpuhnü ha thachoh: Anihbe sangdungbo kiushakang; Jirusalem azhihde ayanpü tankihang. Ha athsümüchipü lakhi kiuto lah; ju ching tümü müla tüshe anihbe kheak junokhi lah.

JEREMIA 7:6

nüsanü khiungkerü, mürerü, tüsho khimoberü mujunosho, yungsho ha dangpung ching amülim mülarü thiyih mubukshihsho, tüsho nüsa nihbuh yuride püpürü thrünpuhbo kilim müyüsho,

EZEKIEL 18:12

Apinü zhochihrü tüsho müthsümülarü junochoh. Apinü jangkhijangra rhimochoh. Apinü thiyuchihchimde alukhi müjihlo, apinü sangthsübo kilim kheahchoh. Apinü athraneanbebo rhimochoh.

EZEKIEL 22:12

Nüsa mihtsürü khürünü thiyih bukkhi buknim luchoh; nünü sholü alü luchoh tüsho nü yamhingrü kheaknü jangkhijangrakhinü alarü kamchoh. Tüsho nünü I mihabahdo, Wuto Atungpuhnü thachoh.

EZEKIEL 22:27

Ju ching lakhi atorübo ju shiwüh thonakbe, thiyih bukpü, thiyuro mülakhi alü ngüpü rhangdungbo thsümünimkhi rimrebo nangde lah.

EZEKIEL 22:29

Lomi mihtsürünü jangkhijangra tüsho khukshik rhimodo; arünü zhochihrü tüsho müthsümülarü juno, tüsho alim mahoride khiungkerü ki jangkhijangrado.

EZEKIEL 22:7

Kiuto ching shenü she buhrü tüsho berü wüntre müjih; nünü khiungkerü mülapyuk tüsho buhrü mülarü le khimoberü kheahmüchihdo.

EZEKIEL 34:16

Inü adükheakkhi yimbah, tüsho inü hiumüzütkhi belode arübah, tüsho inü yurikhi rümjihbah, tüsho tukthsükhi inü düküngshihbah, tüshe amüdangkhi tüsho reangzahkhi inü thsümünimbah. Inü thiyuronü arü yimkipbah.

EZEKIEL 39:18

Nüsanü athrungrü shih tsühbah tüsho lomi yakzanshuhrübo thiyih yungbah–namfimihnupung, namfimihnunubo, tüsho mihnubo, moshibo nangde arü alala Bashan ching yo amüdangkhi nangde lah.

JOEL 3:3

tüsho I mihtsürübo thsungkheak azan thsüdo, tüsho athrürübo müzammürampü ching ahori, tüsho anünürübo yukhu mo yin tüsho ju yung.

AMOS 3:1

O Israel mihtsürü, Atungpuhnü Ijip lomi chingnü bekhitkhi yamkhün alala azhihde asukkhi yu ha aniang:

AMOS 3:3

Mümüyüpachihde mahne rukhüh tsahcho de?

AMOS 5:11

Jumonü nüsanü zhochihrü kheak thrüm tüsho arü kheaknü hi jangkhia lu, nüsanü lung phukkhinü thüyambo thsü, tüshe nüsa jurü ching müla; nüsanü kurungaso atsü yangdo tüshe nüsanü jurü yukhu muyung.

AMOS 6:1

Sherü zuzu thsüde Zion ching la, tüsho sherü Samaria müzüng kheak kuramde la, akhuh trükshih ching mungkhung mihtsürübo, sherü kheak Israel yamkhünnü arung luchonü ayokhe!

AMOS 6:6

shepünü phurusük chingnü yukhu yungcho, tüsho atsüdak müdangkenü nihbuh mujucho, tüshe Josep thsümünimkhi dünkheak mulong mutukthsü!

MALAKI 3:5

Judüki mahkhappü thsungkheak I nüsa ki thüninde arübah; inü wurükhuhrü azhihde, müzammüramrü, akeangyu thiyuchihchimrü, mülomüthsürü mihkhah, khimoberü tüsho mürerü junorü, khiungkerü nimmuwuh-a bahrü tüsho I mütrerü azhihde thiyumütsan jihpü atukathribah, Wuto Atungpuhnü thachoh.

WÜHKHE 21:33

Tüsho arünü rholobahle Bashan limro yande wutu. Jumonü Bashan kiulongthsüpuh Ognü mihtsürü alala bebah arü bede keochihpü Edrei ching wutu.

YUZÜNGTHALO 24:14

“Nünü zhochihrü tüsho küpkhukde mulomüthsürü, nü keoniorü yungsho nüsa kiuto khürü ching lakhi khiungkerü thsüthsü, nünü arü mihkhah dün shukhishura düthsü.

YUZÜNGTHALO 28:33

Nünü mümükheahkhi trükshihnü nü lo chingnü akhiukkhi sangaso tüsho nünü arhimokhitkhi tsühbah, tüsho nüsa mutuklode ajunobah tüsho azünakbah.