AMOS 3:9 - AMÜSÜH HÜM CL Bible (BSI)

⁹ Ashdod tüsho Ijip chipibo ching zhiyukang, “ Nüsabo Samaria wungbo kheak mukhungang, tüsho ju ching tümü neamneamruru la, tüsho tümü ajunokhi lanü kheahang.”

AMOS 3:9 Iomraidhean Croise

2 SAMUEL 1:20

Gad ching dütha, Ashkelon kiudunglimrobo ching düzhi; jude yungsho Filistiarü tsührübonü asühachihbah, tsütamübahkhi tsührübonü asühachihbah.

MÜCHITMUDU 1:13

isanü shoto kukrukbo mungji alala ngübah, isanü isa yambo ayankhikhinü amishihbah;

MÜCHITMUDU 11:16

Amuzho lakhi liberü a wüntre lah, tüshe mihmukhiuh mihtsürü a lakhitbo lah.

T H S AN GYU T H S AN GR ARÜ 4:1

Kheaküshe alomiküp ching junode rhimokhi inü ngü. Kheahang, junoa lakhi chikebo–shenü arü mushukheam! Arü junorü rheang ki wu lakheah–shenü arü mushukheam.

JEREMIA 31:5

Kheaküshe nünü Samaria wungbo kheak kurungasolu thsübah; ayangrünü ayangbah tüsho aso tsühbah.

JEREMIA 46:14

Ijip ching thaang, tüsho Migdol ching zhiyukjang; Memphis tüsho Tapanhes ching zhiyukjang; Thaang, “ Nüsa zhippung mükühang tüsho thsakhamang, tümüde nüsa mükamde nukshangnü amuyubah.”

JEREMIA 50:2

Trükshih bolung thaang tüsho zhiyukang, riphin khimang tüsho zhiyukang, ha düram, thaang: Babilon dümdo, Bel achih ngüdo, Merodak mulong ninido. Anihbe mejak achih ngüdo, anihbe sangthsü mulong ninido.

EZEKIEL 36:8

Tüshe, nüsa, O Israel müzüngbo, nü khahbo chinkhitba shi, tüsho I mihtsürü Israel kilim aso asojihba shi; tümüde arübo nahde thüyam lim arübah.

EZEKIEL 37:22

Inü Israel müzüngbo kheak, lomi ching arübo trükshih khülang kamshihbah; tüsho arü alala kurungkheak yakzan shuhpü kiulongthsürü khülang labah. Küyimkishe arü trükshih mahne müla, tüsho küyimkishe arü kiulongthsü mahne mücham.

HOSEA 7:1

Küyimki inü Israel thsüngupü lümbanü, Ephraimnü athsümünimkhi, tüsho Samarianü mihbukmuyuk rhimokhi akhiuka huhchoh; tümüde arünü mülimde rhimochoh, ahührünü chakashungde yüzahchoh, tüsho khukshikrünü wungdo ahühchoh.

AMOS 1:8

Ashdod ching larü tüsho Ashkelon ching kiulongthsü-tso shuhbuh inü mülade akamshihbah; I khahnü Ekron azhihbah, tüsho Filistiarü aningkhi dükheakbah, Atungpuhnü thachoh.

AMOS 4:1

Ha yu aniang, nüsa Samaria müzüng kheak lakhi Bashan moshi dretobo, sherünü zhochihrü junocho, sherünü müthsümülarü zünakcho, sherünü niubuhrü ki thacho, “Tümükhüh ayungpü lubah arang!”

AMOS 5:11

Jumonü nüsanü zhochihrü kheak thrüm tüsho arü kheaknü hi jangkhia lu, nüsanü lung phukkhinü thüyambo thsü, tüshe nüsa jurü ching müla; nüsanü kurungaso atsü yangdo tüshe nüsanü jurü yukhu muyung.

AMOS 6:1

Sherü zuzu thsüde Zion ching la, tüsho sherü Samaria müzüng kheak kuramde la, akhuh trükshih ching mungkhung mihtsürübo, sherü kheak Israel yamkhünnü arung luchonü ayokhe!

AMOS 6:3

Thsümütsü arüpü nimung nüsanü reanglo, tüshe nüsa rhimonü ju nimung phünide hande arüchoh.

AMOS 8:6

shotoyinchinü zhochihrü tüsho jingkhümpü mihbümkhüh mo müthsümülarü thulobah tüsho wheat hi aphüngkhi she ayinbah.”

MIKA 6:10

Mihbukmuyukrü yambo ching, arünü thiyuronü müngükhi rahpungbo lah. Arünü inü athraneankhi mukhiukdahkhi akesang ahorichoh.

1 SAMUEL 5:1

Küyimki Filistiarünü Thrünpuh sangdan yankhia lukhea, arünü ju Ebenezer chingnü Ashdod ching lubah arü;