AMOS 3:7 - AMÜSÜH HÜM CL Bible (BSI)

⁷ Tsükjide Atungpuh Thrünpuhnü api yamlarü wukihrübo ki rama lakhi alümkhi muhuhdüa tümü she müthsü.

AMOS 3:7 Iomraidhean Croise

THRÜNTAN 18:17

Tüsho Atungpuhnü tha, “Inü tümü rhimopü lanü Abraham kheaknü aramba de?

THRÜNTAN 6:13

Thrünpuhnü Noa ki tha, “Mihtsürü alala kheampü I miki arüdo, tümüde alomi ju arü hode athsümünimnü mia lah; tüsho kheahang, inü arübo alomi chingnü adükheakshihbah.

2 KIULONG THSÜRÜ 22:13

“Yüang, ha ngükhi hüm yubo dünkheak I, mihtsürübo, tüsho Juda alala thsungkheak Atungpuh ki keoang; tümüde isa azhihde Atungpuh bukakhiukkhi tolah, tümütüsho isa jipürünü isa dünkheak thrütkhi alala yande rhimode ha hüm yubo mania lah.”

2 KIULONG THSÜRÜ 22:20

Jumonü inü nü nüsa jipürü lung yüshihbah, tüsho nü nihbuh kiuyuk ching mungtsü chingnü yüzahbah; inü ha dangpung ching thsümütsü alala hande arüpü lakhi nü müknü müngü.” Arünü thiyusheak lulobah kiulongthsüpuh kilim yü.

2 KIULONG THSÜRÜ 6:12

Judüki anihbuh torü khülangnü tha, “I tungpuh kiulongthsüpuh, she müla. Israel ching lakhi wukihbuh Elishanü nünü nü yapkiu khiungshak ching thakhi yu ha Israel kiulongthsüpuh ki thachoh.”

MUNGSHIKHÜN 25:14

Atungpuh aramyu ju api trerü kheak lah, tüsho apinü arü ki api tangzüng huhbah.

ISAIA 18:4

Tümüde Atungpuhnü I ki ha thado: Inü I lapung chingnü, ani thsükhi ching müsürido atakkhi nangde, yimlu kim atak ching ayinke-amo nangde malande akheahbah.

JEREMIA 23:22

Tüshe arünü I athsunganah ching zhipkhülaa, arünü I mihtsürübo ki I yu zhiyuka labah, tüsho arü amütsü limro tüsho arü rhimo amütsü chingnü rholoa labah.

EZEKIEL 29:21

Ju nimung inü Israel juh akhiukshihbah, tüsho inü arü bolung nünü athashihbah. Judüki I Atungpuh de arünü mükheahbah.

DANIEL 10:21

tüshe akhuhde Thiyuro Hüm ching tümü thrüta lanü inü nü ki thabah: Maikel kheak hode I rungrü she müla.

DANIEL 11:2

“Tüsho kheakü inü nü ki thiyuro thabah. Kheahang, kiulongthsürü mahsam Persia ching asürübah; tüsho aphüyipü khülang ju arü alala kheaknü khide alarü labah; tüsho küyimki api lakhitbo hode api sühmüh lade akambanü, apinü Greek kiulongthsü alala azhihde rhumüneanbah.

DANIEL 2:47

Kiulongthsüpuhnü Daniel ki tha, “Tsükjide nü Thrünpuh ju thrünpuhbo bolung Thrünpuh tüsho kiulongthsürübo bolung Atungpuh tüsho aramyu thakhita huhrü lah, tümüde nünü ha aramyu thakhita huhkhukdo.”

JOHAN 15:15

Kheakü inü nüsa ki yamlarübo de müji, tümüde yamlarünü api putungrünü tümü rhimochonü mümükheah; tüshe inü nüsa ki müyamrübo de ji, tümüde inü I Buh kilimnü asokhi alala nüsa ki mükheahshihdo.

AMIKHEAKAKHIUKKHI 1:1

Nahde adünjipü lakhi Thrünpuhnü api tankihrübo ki huhpü api kilim jihkhi Jisu Khrista amikheak akhiukkhi ah; tüsho apinü anihbuh yunirü api tankihrü Johan kilim yüshihde ju mükheahshih,

AMIKHEAKAKHIUKKHI 1:19

Kheakü nünü tümü ngücho, tümü la tüsho ha dunglim tümü dünjipü lanü thrütang.

AMIKHEAKAKHIUKKHI 10:7

tüshe athünepü yunirünü hulipungpung müt nimung apinü anihbuh wukihrübo ki zhiyukkhi Thrünpuh aramyu dünjibah.

AMIKHEAKAKHIUKKHI 4:1

Ha dunglim inü kheah, tüsho kheahang, yinmi ching ripit khülang khimshuh-a lakheah. Tüsho hulipungpung nangde I ki thade inü asokhi akhuhbe düsheaknü tha, “Ha kheak akihang, tüsho ha dunglim tümü dünjipü lanü inü nü ki huhbah.”

1 SAMUEL 9:15

Kheakü Saul arüpü müngüh nimung ching, Atungpuhnü Samuel ki thajung: