AMOS 3:11 - AMÜSÜH HÜM CL Bible (BSI)

¹¹ Jumonü Atungpuh Thrünpuhnü ha thachoh: Thiririnü lomi mükamdobah, tüsho nüsa tsunglobebo bahjihbah; tüsho nüsa lapungbo yankhia lubah.

AMOS 3:11 Iomraidhean Croise

THRÜNTAN 34:27

Jakob tsührübonü alaksahpung ching arü, tüsho kiuto yankhia lu, tümütüsho arü niurü thsümünima lakheah.

2 KIULONG THSÜRÜ 15:19

Asiria kiulongthsüpuh Pulnü lomi azhihde arü; Menahemnü Pul kilim shotoyinchi khahngak 34,000 jih, junangde apinü anihbuh kiulongthsü wu-sühmüh düküngshihde arungpü thsü.

2 KIULONG THSÜRÜ 15:29

Israel kiulongthsüpuh Peka nimungbo ching, Asiria kiulongthsüpuh Tiglath-pileser atu tüsho Ijon, Abel-beth-naaka, Janoa, Kedesh, Hazor, Gilead, tüsho Galilee, Naphtali lomi alala yan; tüsho apinü mihtsürübo rama lubah Asiria ching yü.

2 KIUTHSÜYUKHEAN 36:19

Arünü Thrünpuh yam takabah, Jirusalem chipi kingkheam, kiulongthsürü-yambo alala monü takabah, tüsho shoto pungphurubo alala thsümünim.

JOB HU H T ANYU 20:21

Apinü tsühabahshu tümü she maning, jumonü api lalimlako tsükhi mütsüp.

AMOS 2:5

Jumonü inü Juda kheak mo khülang yüshihbah, tüsho junü Jirusalem chipi aniubah.

AMOS 3:10

Atungpuhnü ha thachoh, Sherünü thiyih bukde tüsho ahüh-a arü lapung ching zochonü, arünü alim rhimopü mümükheah.

AMOS 3:15

Inü tsüngkam yam tüsho muzhu yam lukkheambah; tüsho thsotorünü züt thsükhi yambo dükheakbah, tüsho thüyam atotobo akheam thsübah, Atungpuhnü thachoh.

AMOS 6:14

Atsütsü, inü nüsa azhihde trükshih khülang bemusuchoh, O Israel, Atungpuh , Wuto Thrünpuhnü thachoh, tüsho arünü Lebo-hamath chingnü Araba ayung khiungde nüsa junobah.

AMOS 6:8

Atungpuh Thrünpuhnü aküdah thsüde thiyuchihchim, Atungpuh Wuto Thrünpuhnü thachoh: Inü Jakob kükheangkhi mükheahne tüsho api chipibo thraneanlah; tüsho inü kiuto tüsho ju ching lakhi lüpdükhi jihabahbah.