AMOS 3:1 - AMÜSÜH HÜM CL Bible (BSI)

¹ O Israel mihtsürü, Atungpuhnü Ijip lomi chingnü bekhitkhi yamkhün alala azhihde asukkhi yu ha aniang:

AMOS 3:1 Iomraidhean Croise

1 KIUTHSÜYUKHEAN 16:13

O api yamlarü Israel tsührü, Jakob tsührübo, apinü amokhitkhibo.

2 KIUTHSÜYUKHEAN 20:15

Apinü tha, “Aniang, Juda le Jirusalem ching larü alala, tüsho kiulongthsüpuh Jehoshaphat: Atungpuhnü nüsa ki ha thachoh: ‘ Ha bonungrü boto kheak dütre yungsho mulong dünini; tümüde keochihpü ju nüsa yo yung tüshe Thrünpuh yo.

ISAIA 46:3

I ki aniang, O Jakob yamkhün, Israel yamkhün aningkhi alala, shepü zübechokinü inü akümkhea, nuyam chingnü abuhkhea;

ISAIA 48:12

I ki aniang, O Jakob, tüsho Israel, shepü inü ajikhea: I api ah; I akhuhbuh, tüsho I ashubuh.

JEREMIA 13:11

Tümütüsho chimrüm khimnü khürü chim kheak kapkihkhi nangde, inü Israel yamkhün abümnü tüsho Juda yamkhün abümnü I kheak kapkihshihbah, Atungpuhnü thachoh, jude athsükhinü arübo I thsungkheaknü mihtsürü khülang, mung khülang, mungshi khülang, tüsho müretahkhi khülang labah. Tüshe arünü mani.

JEREMIA 31:1

Atungpuhnü thachoh, ju kim ching I Israel yamkhün alala Thrünpuh thsübah, tüsho arübo I mihtsürü thsübah.

JEREMIA 8:3

Jushu inü yanmüzüta lakhi dangpung ching lakhi amütsü yamkhün aningkhibo alalanü rhangdung lapü yungde ashepü mürühbah, Wuto Atungpuhnü thachoh.

HOSEA 4:1

Atungpuh yu soang, O Israel mihtsürü; tümüde Atungpuhnü lomi ching larü thürühpü lah. Lomi ching athülünkhi yungsho mihmuzho, tüsho Thrünpuh mükheahkhi müla.

HOSEA 5:1

Ha soang, O amükeamrübo! Aniang, O Israel yamkhün! Aniang, O kiulongthsüpuh yamkhün! Tümüde mahkhappü ju nü yo lah; tümüde nü ju Mizpa ching qimürip khülang lakheah, tüsho Tabor kheak jipkihkhi keang khülang lakheah,

AMOS 2:10

Kheaküshe inü nü Ijip lomi chingnü bekhit, tüsho Amorrü lo müküh-a lushihpü kam yirü sunglo ching be.

AMOS 4:1

Ha yu aniang, nüsa Samaria müzüng kheak lakhi Bashan moshi dretobo, sherünü zhochihrü junocho, sherünü müthsümülarü zünakcho, sherünü niubuhrü ki thacho, “Tümükhüh ayungpü lubah arang!”

AMOS 5:1

Inü nü kurungkheak tüzhokhi yu ha aniang, O Israel yamkhün:

MIKA 2:3

Jumonü Atungpuhnü ha thachoh: kheakü nüsanü nüsa hungbo manguhkhukpü ha yamkhün azhihde inü amütsü lümkhi asahchoh; tüsho nüsanü korakde mütsah, tümüde ha amütsü kim khülang labah.

MIKA 3:1

Tüsho inü tha: Aniang, nüsa Jakob akuthsürübo tüsho Israel yamkhün yakzanshuhrübo! Nüsanü thiyuro mümükheahbea de?–

ZEPHANIA 2:5

Ah, keyean larübo, nü Kerethrü trükshih! Atungpuh yunü nü azhihde lah, O Kanan, Filistia lomi; inü sheshe maningshihde nü dükheakshihbah.

AMIKHEAKAKHIUKKHI 2:29

Shepü nükhün kihlanü, Menü borübo ki tümü thachonü apinü aniang.’