AMOS 2:11 - AMÜSÜH HÜM CL Bible (BSI)

¹¹ Tüsho inü nüsa tsührü khürü wukihrübo akhiukshih tüsho athunurü khürü Nazirit kamshih. Ha atsütsü yung de, O Israel mihtsürü? Atungpuhnü thachoh.

AMOS 2:11 Iomraidhean Croise

1 KIULONG THSÜRÜ 17:1

Kheakü Gilead ching, Tishbirü Elijanü Ahab ki tha, “Inü atankihbuh, Israel Thrünpuh, Atungpuh lale, I yu hode yungsho, arübe kam mahne yungsho mahsam ayinke yungsho tsüng marü.”

1 KIULONG THSÜRÜ 18:4

küyimki Jezebelnü A TUN GPU H wukihrübo laksahkhamkhea, Obadianü wukihrü chi khülang bea lubah arü thünim thünim lungkhün mahne ching jikshih, tüsho arü kilim yikhap tüsho ke jih.)

1 KIULONG THSÜRÜ 19:16

Kheaküshe nünü Israel kurungkheak kiulongthsürü thsüpü Nimshi tsührü Jehu mujudemokhitang; tüsho Abelmeholarü Shaphat tsührü Elisha nü müthri wukihrü thsüpü mujude-mokhitang.

1 KIULONG THSÜRÜ 20:13

Judüki wukihrü khürü Israel kiulongthsüpuh Ahab kilim atu tüsho tha, “Atungpuhnü ha thachoh, Ha boto ato alala nünü ngüdü de? Kheahang, khihni inü nü khah ching jihbah; tüsho I Atungpuh de nünü amükheahbah.”

1 KIULONG THSÜRÜ 20:35

Atungpuh yukhüm hode wukihrü boto bolung khülangnü khürü ki tha, “I kingang!” Tüshe mihtsürünü api kingpü thsunglo.

1 KIULONG THSÜRÜ 20:41

Judüki apinü amük chingnü arümbe nahde yihkhiabah. Israel kiulongthsüpuhnü api wukihrü bolung khülang ah de kheahkhit.

1 KIULONG THSÜRÜ 22:8

Israel kiulongthsüpuhnü Jehoshaphat ki tha, “Isanü A TUN GPU H ki keokhipü thsüde püpürü khülang Imla tsührü Mikaia lah; tüshe inü api mükheahne, tümüde apinü küyimkishe I thsungkheaknü atsü tümü she mümüchitchoh, tüshe thsümütsü lang ah.” Jehoshaphatnü tha, “ Kiulongthsüpuhnü hadürü dütha shi.”

2 KIULONG THSÜRÜ 17:13

Tütüshe Atungpuhnü Israel tüsho Juda ki wukihrü aban tüsho angürü aban hode tha, “Inü nüsa jipürü kilim thiyukhüm jihkhi yakzan tüsho I yamlarü wukihrübo inü nüsa kilim thiyikhi yande nüsa amütsü limrobo chingnü rholoang tüsho I yukhümbo le I yakzanbo zoang.”

2 KIULONG THSÜRÜ 6:1

Kheakü wukihrü bokhühnü Elisha ki tha, “Nünü ngülah, isa nü lung lapung yam khide ninilah.

2 KIUTHSÜYUKHEAN 36:15

Atungpuh , arü jipürü Thrünpuhnü api yunithsürübo hode mutukzhakde arü kilim thiyusheak yüshih, tümütüsho apinü anihbuh mihtsürü tüsho api lapung kheak amuzho lakheah;

JEREMIA 11:21

Jumonü Anathoth mihtsürü dünkheak Atungpuhnü ha thachoh, sherünü nü rhangdung yimkhea, tüsho tha, “ Nünü Atungpuh mung chingnü mümüchit, yungsho nü isa khahnü ashebah,”

JEREMIA 2:31

Tüsho nü, O ha lün, Atungpuh yu aniang! Israel kilim I sunglo yungsho khide amiting lakhea de? Dale, “ Isa zuzu lah, kheaküa isa nü kilim marü” de küde thsah I mihtsürünü thacho?

JEREMIA 2:5

Atungpuhnü ha thachoh: Tümü amülim nüsa jipürünü I kheak ngübahle I kheaknü arübo limshude ayükhea, tüsho müthülünkhi dunglim yükhea tüsho arübo müthülünde kamkhea?

JEREMIA 26:11

Judüki amükeamrü tüsho wukihrübonü atorü tüsho mihtsürü alala ki tha, “Ha mihtsürü asheshihpü thülünlah, tümütüsho nüsa nükhünnü asokhi nangde, apinü ha kiuto azhihde müchitdo.”

JEREMIA 7:25

Nüsa jipürü Ijip lomi chingnü bekhit nimungnü khihni khiungde, inü I yamlarübo wukihrü alala, nimung abande, alochode arü kilim yüshih;

TÜZHOKHI 4:7

Anihbe yakzanshuhrübo phürüm kheaknü ayinbe, niuhke kheaknü amüyebe lakheah; arü pangbo mürümmuchu kheaknü alü mürümmüride, arü kuyü shotolung-bluk nangde alakheah.

MIKA 2:6

“Düthsangyuthsangra” arünü hade thsangyuthsangrachoh– “ Khürünü hadürü thsangyuthsangra müthsübeah; mihmüthsüm mülakhinü isa müyanphuh.”

YUNIRÜBO RHIMO 4:18

Jumonü arünü ane jibah Jisu mung chingnü masukpü yungsho müthsangyupü müneah.

YUNIRÜBO RHIMO 5:28

“Ha buh mung chingnü müthsangyupü isanü nüsa ki müküpde thiyukhüm jihkhi yung de? Kheahang, nüsa kingaün-yakzannü Jirusalem mide kamshihdo, tüsho ha mihtsürü shekhi isa mudopü lümchoh!”

YUNIRÜBO RHIMO 7:51

“Nüsa achungthülang mihtsürübo, mulong tüsho nükhün ching tsütamübahrü, nüsanü kamruhroro Amüsüh Me reanglochoh. Nüsa jipürübonü arhimokhi nangde nüsanü rhimochoh.

YUZÜNGTHALO 18:18

Inü arü keoniorü bolungnü nü nangde wukihrü khülang akhiukshihbah tüsho api mün ching I yu yukjihbah, tüsho inü api ki thiyukhüm jihkhi alala arü ki thabah.

1 SAMUEL 19:20

Judüki David rampü Saulnü yunithsürübo yüshih. Küyimki Samuelnü limberü thsübah wukihrübo müchitde arünü angükhea, Thrünpuh Me Saul yunithsürübo kheak arü, tüsho arü she müchitmudude kam.

1 SAMUEL 3:20

Tüsho Dan chingnü Beersheba khiungde Samuel ju Atungpuh thiyuro wukihrü ah de Israel alalanü mükheah.