AMOS 1:5 - AMÜSÜH HÜM CL Bible (BSI)

⁵ Inü Damaska chipiripit khrihbebo yihshakbah, tüsho Aven Jindükhün ching larü tüsho Beth-eden ching kiulongthsü-tso shuhbuh mülade akamshihbah; tüsho Siria mihtsürü Kir ching ramde ayübah, Atungpuhnü thachoh.

AMOS 1:5 Iomraidhean Croise

2 KIULONG THSÜRÜ 14:28

Kheakü aningkhi Jeroboam rhimobo, apinü arhimokhi alala, api wu-sühmüh, apinü thirithsükhi, tüsho Judarü yo Damaska le Hamath Israel thsungkheak lulokhi, Israel kiulongthsürübo yukhean hüm ching thrüta müla de?

2 KIULONG THSÜRÜ 16:9

Asiria kiulongthsüpuhnü api ki ani; Asiria kiulongthsüpuhnü Damaska azhihde wutu tüsho ju lubah mihtsürübo Kir ching rama lubah yü; jushu apinü Rezin laksah.

ISAIA 22:6

Elamnü khora-lolungbe tüsho khorabo kheak, hühzopung hanlah tüsho Kirnü tsung thsakhamlah.

ISAIA 43:14

Nü Rhokhitrü Israel Amüsüh Thrünpuh Atungpuhnü thachoh: Nü dünkheaknü inü bonungrü Babilon ching yüshihbah tüsho sangkaplakbo alala yihshakbah, tüsho Kaldearü ahokhi ju atüzhokhi kambah.

ISAIA 8:4

tümüde khungarünü “Abuh” yungsho “Aba” de ajipü mümükheahyide Damaska lakhit tüsho Samaria ching yankhikhi kukrukbo Asiria kiulongthsüpuhnü lude atsobah.

JEREMIA 50:36

Müchitrü azhihde nukshang lah, junangde arübo makharü kambah! Anihbe thirithsürü azhihde nukshang lah, junangde arübo niuknimbah!

JEREMIA 51:30

Babilon thirithsürübonü keochihpü tuklodo, arübo chipi ayünkhi ching lah; arü sühmüh keaka lah, arübo azoberü kamdo; anihbe yambo keak mo takkihdo, akhrihbebo zhaka lah.

TÜZHOKHI 2:9

Anihbe chipiripitbo alo ching keamyukdo; apinü akhrihbebo yihshak tüsho thsümünimdo; anihbe kiulongthsürü tüsho yakzanshuhrü trükshih bolung lah; kheaküa yakzan müla, tüsho anihbe wukihrübo Atungpuh kilimnü michih müngü.

EZEKIEL 27:23

Haran, Kanne, Eden, Sheba shothsümolorü, Asshur, tüsho Kilmadnü nü lung shothsümolo.

EZEKIEL 30:17

On tüsho Pi-beseth athunu mihtsürü nukshangnü akeambah; tüsho kiutobo ramtso ching yübah.

HOSEA 10:8

Israel neak Aven achang dangpungbo thsümünimbah. Ayang tüsho khingphubo arü kingaün sadambo kheak mukhuhbah. Arünü müzüngbo ki, Isa lüpdoang, tüsho awungbo ki, Isa kheak keamkihang, de athabah.

AMOS 5:5

tüshe Bethel düyim, tüsho Gilgal ching düyüzah yungsho Beersheba hode düyü; tümüde tsükjide Gilgal ramtso ching yübah, tüsho Bethel tümü mülade akambah.

AMOS 9:7

Nüsabo I kilim Ethiopiarü ruk yung de, O Israel mihtsürü? Atungpuhnü thachoh. Inü Israelrü Ijip chingnü, tüsho Filistiarü Kaphtor chingnü tüsho Siriarü Kir chingnü mübekhit de?

NAHUM 3:13

Nü rithsürübo kheahang: arübo azoberü nangde lah, nü lomi chipiripitbo nü riribo kilim khimshuhmülih-a lah; nü chipiripit rihbebo monü aniuabahdo.