AMOS 1:3 - AMÜSÜH HÜM CL Bible (BSI)

³ Atungpuhnü ha thachoh: Damaska mihtsürübonü alochode neak yihbeakkhi dünkheak inü thsümüchi mululo; tümütüsho arünü hi-nitbe yinchinü Gilead nitdo.

AMOS 1:3 Iomraidhean Croise

1 KIULONG THSÜRÜ 19:17

Sherübo Hazael nukshang kheaknü atsokhibanü, Jehunü alaksahbah; tüsho sherübo Jehu nukshang kheaknü atsokhibanü, Elishanü alaksahbah.

2 KIULONG THSÜRÜ 13:3

Israel kheak Atungpuhnü bukakhiuk, junangde apinü arübo mutuklode Siria kiulongthsüpuh Hazael khah ching jih, jushu Hazael tsührü Ben-hadad khah ching jih.

2 KIULONG THSÜRÜ 13:7

Jumonü Jehoahaz lung aningkhi bonungrü ju khoraberü 50, khoralolungbe 10 tüsho jingnü atsahrü mihtsürü 10,000 lang alakheah; tümüde Siria kiulongthsüpuhnü arübo thsümünim tüsho arübo hinitpung ching asungthulung nangde kamshih.

2 KIULONG THSÜRÜ 16:9

Asiria kiulongthsüpuhnü api ki ani; Asiria kiulongthsüpuhnü Damaska azhihde wutu tüsho ju lubah mihtsürübo Kir ching rama lubah yü; jushu apinü Rezin laksah.

2 KIULONG THSÜRÜ 8:12

Hazaelnü keokhi, “Tümüde I tungpuh tripcho?” Apinü alo, “Tümütüsho nünü Israel mihtsürü kheak amütsü rhimo lakhi inü mükheahlah; nünü arü chipi monü atakbah, nünü arü athrününgtsüng mihtsürübo nukshangnü alaksahbah, khungarü aninibo ajip kamde jipa bahbah, tüsho mihlakhi azoberübo chakashungbah.”

JOB HU H T ANYU 19:3

Ha thürü ki nüsanü I kheak mükhemürangchoh; I amülim jihpü nüsa machih de?

JOB HU H T ANYU 5:19

Apinü thsümütsü thuruk chingnü nü bekhitbah; thsümütsü thüne ching tümünü nü muqiu.

MÜCHITMUDU 6:16

Harü mungji thuruk Atungpuhnü thraneanlah, am, thüne apinü thranean lah:

T H S AN GYU T H S AN GR ARÜ 11:2

Nü shihcham thüne, yungsho tizheah chamnakang, tümüde alomi kheak thsümütsü tümü arübanü nünü mümükheah.

ISAIA 28:27

Ningpürang kheak anitbenü münitchoh, yungsho lolungbenü khiungün kheak mulungchoh; tüshe ningpürang ju shiksangnü tüsho khiungün ju shitsonü rhapkhitchoh.

ISAIA 41:15

Kheakü, inü nü hinitpung yinchibeak, ayiuk, aso, tüsho ahü kihde kamshihbah; nünü awungbo nitnakbah tüsho zünakbah, tüsho nünü awung mujukbo hitsüt nangde kamshihbah.

ISAIA 7:16

Tümüde azübuhnü amütsü reanglopü tüsho atsü mokhitpü mümükheahyide, nünü kiulongthsürü mahne trede alakhi lomi zhikrangkhündo akambah.

ISAIA 7:8

Tümüde Siria ku ju Damaska, tüsho Damaska ku ju Rezin. (Kam rukrükheak phüngü dükeak chingnü Ephraim niukmüzütbah, junangde mihtsürü mükhede akambah.)

ISAIA 8:4

tümüde khungarünü “Abuh” yungsho “Aba” de ajipü mümükheahyide Damaska lakhit tüsho Samaria ching yankhikhi kukrukbo Asiria kiulongthsüpuhnü lude atsobah.

AMOS 1:11

Atungpuhnü ha thachoh: Edomnü alochode neak yihbeakkhi dünkheak, inü thsümüchi mululo; tümütüsho apinü nukshang shuhbah nihbuh keoniorü müsham tüsho mihmuzho muhuh; apinü mutukzhakde bukakhiuk tüsho lünnü mulong zhipzhipdo.

AMOS 1:13

Atungpuhnü ha thachoh: Amonrünü alochode neak yihbeakkhi dünkheak, inü thsümüchi mululo; tümütüsho arünü arü lomi mükahshihpü Gilead ching mübünkeangrübo kiuashungjih.

AMOS 1:6

Atungpuhnü ha thachoh: Gazanü alochode neak yihbeakkhi dünkheak, inü thsümüchi mululo; tümütüsho arünü trükshih abümnü Edom kilim jihpü ramtso ching hande yü.

AMOS 1:9

Atungpuhnü ha thachoh: Tairnü alochode neak yihbeakkhi dünkheak, inü thsümüchi mululo; tümütüsho arünü trükshih abümnü Edom kilim jih, tüsho keoniorü tangzüng mülümkhit.

AMOS 2:1

Atungpuhnü ha thachoh: Moabnü alochode neak yihbeakkhi dünkheak, inü thsümüchi mululo; tümütüsho apinü Edom kiulongthsüpuh robo mobün kamde takdo.

AMOS 2:4

Atungpuhnü ha thachoh: Judanü alochode neak yihbeakkhi dünkheak, inü thsümüchi mululo; tümütüsho arünü Atungpuh yakzan bahyuk, tüsho api yukhüm muzo.

AMOS 2:6

Atungpuhnü ha thachoh: Israelnü alochode neak yihbeakkhi dünkheak, inü thsümüchi mululo; tümütüsho arünü shotoyinchi mo thiyuro-lungkirü tüsho jingkhümpü mihbümkhüh mo müthsümülarü yinabah–

ZEKARIA 9:1

Ha Atungpuh yusheak: A TU N GPU H yu ju Hadrak lomi azhihde lah tüsho Damaska kheak keambah. Tümüde Israel trükbo lang yungde Siria kiuying she Atungpuh yo ah;

ZEKARIA 9:2

ju kheak arekhi Hamath she, Tair tüsho Sidon, arü khide lümlung lalashe api yo ah.