AMOS 1:14 - AMÜSÜH HÜM CL Bible (BSI)

¹⁴ Jumonü inü keochih nimung ahode, chinthrüm apung nimung Rabba chipi aniuabahshihpü mo yüshihbah;

AMOS 1:14 Iomraidhean Croise

2 SAMUEL 11:1

Mükheankim ching, kiulongthsüpuhnü thirithsü yüchoki, Davidnü Joab lung atorübo tüsho Israel alala bebah yüshih; arünü Amonrü kuk tüsho Rabba kiuto yanabah. Tüshe David a Jirusalem ching bin.

2 SAMUEL 12:26

Kheakü Joabnü Amonrü lapung Rabba yan, tüsho kiulongthsü kiuto yankhia lu.

2 SAMUEL 12:31

Apinü ju ching larü mihtsürübo bekhit, tüsho arübo sangrhütbe le yinbean, awü shuhbah rhimoshih, yungsho arübo lotaklung zünpü yüshih. Hanangde apinü Amonrü kiuto alala ching rhimo. Jushu David tüsho mihtsürü alala Jirusalem lim alodarü.

1 KIUTHSÜYUKHEAN 20:1

Kiulongthsürübo thirithsü yükhi kim, mumükin ching, Joabnü bonungrü bebah Amonrü lomi thsümünimjih, tüsho arübah Rabba yan. Tüshe David a Jirusalem ching lakheah. Joabnü Rabba zündo tüsho yanabah.

JOB HU H T ANYU 39:25

Küyimki hulipungpung mütbanü, apinü sheak amütchoh, “Aha!” Keochihkhi, wühkenorübonü alankhi tüsho azhikhi limshu chingnü münimchoh.

MUNGSHIKHÜN 83:15

nü chinthrümnü arü müshamang, tüsho nü tsüngpungtsüngpungnü arü müzünang.

ISAIA 29:6

Wuto Atungpuhnü tsüngmukde tüsho muliuyuk züngde tüsho atonü alande, chitmühean tüsho chinthrüm, tüsho aniuabahbe motru hode nü rhuakheahbah.

ISAIA 30:30

Tüsho Atungpuhnü api wüntre-müretah düsheak soshihbah tüsho api khah akikhi ngübah; bukakhiukde, aniuabahbe motru, amo-shokhi, chinthrüm tüsho aru belah.

ISAIA 9:5

Tümüde thirithsürü jingkhümpübo tüsho thiyih kihkhi khimmihbo alala mokhih nangde atakbah.

JEREMIA 23:19

Kheahang, Atungpuh tsüngpungtsüngpung! Bukakhiukkhi tsodo, chitmühean khülang; ha mihbukmuyuk ku kheak keamkihbah.

JEREMIA 49:2

Jumonü, tsükjide kim arüchoh, Atungpuhnü thachoh, küyimki inü Amonrü yo Rabba azhihde keochih düsheak arhunganimba; ha azhikkhi wungduduh kambah tüsho kiulongbo monü atakbah; judüki Israelnü api yankhita bahrü yankhitbah, Atungpuhnü thachoh.

EZEKIEL 21:20

Amonrü kiuto Rabba azhihde arüpü nukshang limro khülang amütsan tüsho püpü ju Juda tüsho chipi ayünkhi Jirusalem azhihde thsang.

EZEKIEL 21:22

Api khah tsülim peang Jirusalem thsungkheak azan akhiukbah, küching apinü chipi-yümkheambe zoba, alaksahpü thiyukhüm jihpü, keochih düsheak zhipü, chipiripitbo yande chipi-yümkheambe zopü, alo wumujungpü tüsho sadambo thsübah.

EZEKIEL 21:25

O amüneankhi tüsho mihbukmuyuk Israel yakzanshuhrü, shepü nimung arüa la, shepü thsümüchi kim akheam khiunga la,

EZEKIEL 25:5

Inü Rabba ju kemelbo yimtsühpung tüsho Amon ju mihnu boto zopung kamshihbah. Judüki nüsanü I Atungpuh de mükheahbah.

EZEKIEL 25:7

jumonü nüsa azhihde I khah chungkhit, tüsho trükshihbo kilim yankhia lukhi nangde ajihbah. Inü nüsa mihtsürü bolungnü lipkhia bahbah tüsho lomibo chingnü nüsa dükheakshihbah; inü nüsa thsümünimbah. Judüki I Atungpuh de nüsanü mükheahbah.

DANIEL 11:40

“ Kim akheam ching Ijip kiulongthsüpuhnü api yanbah, tüsho Siria kiulongthsüpuhnü api wu alala, khora-lolungbe, khorabo, tüsho sangkungbo ahihdonü keochihlobah. Apinü düchinü azünkhi nangde lomi ahihkhüh ching yüzahbah.

AMOS 2:2

Jumonü inü Moab kheak mo khülang yüshihbah, tüsho junü Kerioth chipibo aniubah, tüsho ahode hulipungpung mütkhi düsheak ching Moab shebah;

ZEKARIA 7:14

tüsho inü arübo arünü mümükheahkhi trükshih alala bolung chinthrümnü hiumüzütshih. Hanangde arünü abahjihkhi lomi ju zhika lakheah, junangde shenü yüla arüla müthsü, tüsho alomi atsü ju zhika lakheah.

YUZÜNGTHALO 3:11

(Bashan kiulongthsüpuh Og ju lang Rephaimrü lungnü ashe aningkhi lakheah. Api kiuyuk ju yinchinü thsü tüsho ashanglim khahnap thürükheak mahsam akumung tüsho atolim khahnap thuruk. Ha Amonrü kiuto Rabba ching khihni khiungde lah.)