AMOS 1:13 - AMÜSÜH HÜM CL Bible (BSI)

¹³ Atungpuhnü ha thachoh: Amonrünü alochode neak yihbeakkhi dünkheak, inü thsümüchi mululo; tümütüsho arünü arü lomi mükahshihpü Gilead ching mübünkeangrübo kiuashungjih.

AMOS 1:13 Iomraidhean Croise

2 SAMUEL 12:31

Apinü ju ching larü mihtsürübo bekhit, tüsho arübo sangrhütbe le yinbean, awü shuhbah rhimoshih, yungsho arübo lotaklung zünpü yüshih. Hanangde apinü Amonrü kiuto alala ching rhimo. Jushu David tüsho mihtsürü alala Jirusalem lim alodarü.

2 KIULONG THSÜRÜ 15:16

Ju kim ching Menahemnü Tiphsa ching lakhi tüsho lomi, Tirza kheaknü rünbah thsümünim; tümütüsho apinü api bukkhüp mazah, apinü ju thsümünim. Apinü mihlakhi azoberü alala chakashung.

2 KIULONG THSÜRÜ 24:2

Atungpuhnü api azhihde Kaldea, Siria, Moab, tüsho Amon bonungrübo yüshih; apinü ayamlarü wukihrübo hode asukkhi Atungpuh yu yande Juda azhihde dükheakshihpü arübo yüshih.

2 KIULONG THSÜRÜ 8:12

Hazaelnü keokhi, “Tümüde I tungpuh tripcho?” Apinü alo, “Tümütüsho nünü Israel mihtsürü kheak amütsü rhimo lakhi inü mükheahlah; nünü arü chipi monü atakbah, nünü arü athrününgtsüng mihtsürübo nukshangnü alaksahbah, khungarü aninibo ajip kamde jipa bahbah, tüsho mihlakhi azoberübo chakashungbah.”

2 KIUTHSÜYUKHEAN 20:1

Ha dunglim Moabrü le Amonrü, tüsho arü lung Meunrü khürünü Jehoshaphat bede keochihpü arü.

2 KIUTHSÜYUKHEAN 20:10

Kheakü kheahang, Amon, Moab, tüsho Seir awung mihtsürübo, küpü ching Israelrü Ijip chingnü akhiukchoki nünü müyüzahshihkhea, tüsho küpü chingnü arünü rholokhea tüsho müthsümünimkhea–

NEHEMIA 2:19

Küyimki Sanballat, Tobia tüsho Arabrü Geshem arünü isa akeanangkhi sokhea, arünü isa kheak münejihde tha, “Nüsanü rhimocho ju tümü ah de lümcho le? Nüsa kiulongthsüpuh azhihpü thsücho de?”

MUNGSHIKHÜN 83:7

Geba, Amon, tüsho Amalek; Tair ching larü bede Filistia;

ISAIA 5:8

Nüsa shepünü thüyam kheaknü thüyam müchinkihcho, shepünü thulu kheaknü thulu lukihchonü are, she thsungkheak she khiungshak mülakhi khiungde tüshe nü lang, tüsho nü alomi bolung ching nü langzü lapü aninga lah!

JEREMIA 25:21

Edom, Moab, tüsho Amonrü;

EZEKIEL 21:28

Tüsho nü, mihtsürü tsührü, müchitang tüsho thaang, Amonrü tüsho arü mükhemükimrü dünkheak, Wuto Atungpuhnü ha thachoh: Nukshang khülang, nukshang khülang, alaksahpü dukkhitdo, amuyupü phekhita tüsho chinchobe nangde phürappü lah!

EZEKIEL 25:1

Atungpuh yu I ki arü:

EZEKIEL 35:10

Tümütüsho nünü tha, “Ha trükshih mahne tüsho lomi mahne I yo thsübah, tüsho isanü arü yamalo lubah,”–Atungpuh ju ching laa lalashe–

HOSEA 13:16

Samarianü anihbe mülimkhi hanbah, tümütüsho anihbenü Atungpuh azhihdo; arü nukshangnü akeambah, arü tsührü aninibo adütre kamde khapthünakbah tüsho arü mihlakhi liberübo chakphukbah.

HOSEA 14:1

O Israel, Atungpuh nü Thrünpuh kilim rholoang, tümütüsho nü mülimkhinü nü angakdo.

AMOS 1:3

Atungpuhnü ha thachoh: Damaska mihtsürübonü alochode neak yihbeakkhi dünkheak inü thsümüchi mululo; tümütüsho arünü hi-nitbe yinchinü Gilead nitdo.

YUZÜNGTHALO 2:19

Tüsho küyimki nüsa Amon mihtsürü phünide arübanü, arübo düthsümüchi yungsho bede dükeochih, tümüde Amonrü lo dangkhüh lang she inü nüsa kilim müjih, tümütüsho inü ha Lot tsühsoniusobo kilim yamalo thsüshihpü jihdo.”