AMOS 1:12 - AMÜSÜH HÜM CL Bible (BSI)

¹² Jumonü inü Teman kheak mo khülang yüshihbah tüsho junü Bozra chipibo aniuabahbah.

AMOS 1:12 Iomraidhean Croise

THRÜNTAN 36:11

Tüsho Eliphaz tsührübo Teman, Omar, Zepho, Gatam, tüsho Kenaz.

THRÜNTAN 36:33

Bela sheabah, tüsho Bozra chingnü Zera tsührü Jobabnü api müthri kiulongthsü.

1 KIUTHSÜYUKHEAN 1:44

Küyimki Bela shekhea, Bozrarü Zera tsührü Jobabnü api müthri.

ISAIA 34:5

Yinmi ching I nukshang müsühbah, kheahang, ju Edom kheak inü mahkhappü akhukhi mihtsürü kheak akibah.

ISAIA 34:6

Atungpuh nukshang khülang lah; ha thiyih shitkih-a lah, namfimihnu tüsho mihnu thiyihbonü, namfimihnupung mügei müdangnü mujukihlah. Tümüde Atungpuhnü Bozra ching shuhmülanga jihkhi lah, Edom lomi ching alaksahkhi ato lah.

ISAIA 63:1

“ Edom ching lakhi Bozra chingnü rung-khiungkhi khim yihbah arücho ju shepü a? Müretahkhinü züt thsübah, wu ato chingnü arücho ju shepü a?” “Ha I, thiyuro-lungki ching asukchoh, akhümkhitpü wu lah.”

JEREMIA 49:13

Tümüde I küdahnü thiyuchihchimdo, Atungpuhnü thachoh, junangde Bozra ju mihtrebe tüsho münedung, abahkhi, tüsho muthrukhi kukruk khülang kambah; tüsho anihbe kiutobo alala lünnü abahkhi labah.

JEREMIA 49:20

Jumonü Atungpuhnü Edom, Teman ching larü azhihde lümkhi thsükhi aniang: Tsükjide mihnu aninibo yanyuka bahbah; arübo dünkheaknü apinü arü rimlopung shahde thsümünimbah.

JEREMIA 49:22

Kheahang, müleang nangde apinü müheankihbah tüsho phinkhibah, tüsho Bozra azhihde api ghidükeang chutreakbah, tüsho ju nimung Edom thirithsürübo ju aliberü khungarü ngüpü thsünükhi nangde alabah.

JEREMIA 49:7

Edom dünkheak Wuto Atungpuhnü ha thachoh: Teman ching kheaküa lümlung müla de? Lümlung larü kheaknü lümthiyan dükheaka la de? Arü lümlung dükheaka la de?

EZEKIEL 25:13

jumonü Atungpuh Thrünpuhnü ha thachoh, Inü Edom azhihde I khah chungkihbah, tüsho mihtsürü le shiwüh kheaknü lipkhia bahbah, tüsho inü ha thsümünimbah; Teman kiuto chingnü Dedan kiuto khiungde arübo nukshangnü akeambah.

OBADIA 1:1

Obadia michih. Atungpuh Thrünpuhnü Edom dünkheak ha thachoh: Isanü Atungpuh kilimnü thiyusheak khülang sodo, tüsho yunithsürü khülang trükshih bolung thiyido: “Asürang! Isanü Edom bede keochihpü yüanü!”

HABAKKUK 3:3

Teman chingnü Thrünpuh, Amüsühbuh Khülang Paran müzüng chingnü arü. Api müretahkhinü thüningbo muhiudo tüsho api shikhinü alomi mide lakheah.