AMOS 1:11 - AMÜSÜH HÜM CL Bible (BSI)

¹¹ Atungpuhnü ha thachoh: Edomnü alochode neak yihbeakkhi dünkheak, inü thsümüchi mululo; tümütüsho apinü nukshang shuhbah nihbuh keoniorü müsham tüsho mihmuzho muhuh; apinü mutukzhakde bukakhiuk tüsho lünnü mulong zhipzhipdo.

AMOS 1:11 Iomraidhean Croise

2 KIUTHSÜYUKHEAN 20:10

Kheakü kheahang, Amon, Moab, tüsho Seir awung mihtsürübo, küpü ching Israelrü Ijip chingnü akhiukchoki nünü müyüzahshihkhea, tüsho küpü chingnü arünü rholokhea tüsho müthsümünimkhea–

2 KIUTHSÜYUKHEAN 20:11

nünü isa kilim yamrüplurüp jihkhi nü yo alakukruk chingnü isa yankhitde athrihloshih.

2 KIUTHSÜYUKHEAN 28:17

Tümüde Edomrünü kheaküshe azahbah Judarü yan, tüsho aramrübo lubah tso.

MUNGSHIKHÜN 137:7

O Atungpuh , Edomrünü Jirusalem lungkhi nimung tümü rhimokheanü lümkhitang, arünü zhi, “ Khimtan khiungde, thokheamang, thokheamang!”

MUNGSHIKHÜN 85:5

Nünü isa ki lünnü bukakhiukba de? Lün alala ching nü bukakhiuk laba de?

T H S AN GYU T H S AN GR ARÜ 7:9

Bukakhiukpü düniokheam, tümüde bukakhiukkhi ju makharü khüh kheak lah.

ISAIA 57:16

Tümüde inü mutukzhakde mümüdam, yungsho kamruhroro bukmakhiuk; junangde inü athrünkhi mebo I miki lungbah.

HOSEA 8:3

Israelnü atsü bahyukdo; thiririnü api müshambah.

JOEL 3:19

Juda mihtsürü ki arü lomi ching arünü amülim-mülarü thiyih bukde amütsü rhimokhi hode Ijip ju azhikkhi kambah tüsho Edom a abahkhi sunglo kambah.

MIKA 7:18

Nü nangde she Thrünpuh la, shepünü api yamrüplurüp aningkhi neak tüsho alakmihkhi bahjihcho? Nünü lünnü bukakhiukde müla tüshe mihmüthsüm huhpü mulungchoh.

ZEKARIA 1:15

Tüsho keamramde alakhi trükshihbo kheak inü khitode bukakhiukchoh; tümüde I bukakhiukkhi anikhüh lachoki arünü tukthsü amütsübe kamshih.

MALAKI 1:2

Inü nü muzhodo, Atungpuhnü thachoh. Tüshe nünü thachoh, “ Küde thsah nünü isa muzhokhi?” Esau ju Jakob akhiung yung de? Atungpuhnü thachoh. Tütüshe inü Jakob muzhodo

MALAKI 1:4

Edomnü, “ Isa niukmüzüta lah tüshe isanü athsümünimkhi thsülobah” de thasho, Wuto Atungpuhnü thachoh: Arünü mihbukmuyuk lomi de müjiyi khiungde, Atungpuhnü lünnü abukakhiukkhi mihtsürü inü athokheambah.

EFISIA 5:1

Jumonü amuzhokhi tsührübo nangde Thrünpuh kheahkhirü thsang.

YUZÜNGTHALO 23:7

“Nünü Edomrü düthranean tümüde api nü keoniorü ah. Nünü Ijiprü düthranean, tümütüsho khülang ki nü arü lo ching khiungkerü lakheah.