AMOS 1:1 - AMÜSÜH HÜM CL Bible (BSI)

¹ Tekoa namfimihnu neakrü bolung lakhi Amos yubo, ju apinü Juda kiulongthsüpuh Uzzia tüsho Israel kiulongthsüpuh Jehoash tsührü Jeroboam nimungbo ching Israel dünkheak muliuyuk arüpü kam mahne müngüh lakheah.

AMOS 1:1 Iomraidhean Croise

2 SAMUEL 14:2

Joabnü Tekoa lim yüshih tüsho ju chingnü lümlung larü aliberü khülang bebah arü. Apinü alibe ki tha, “Atüzhorü khülang ruk rük thsüang; atüzhokhi khimmihbo yukang, nü kheak müdangke dümuju, tüshe mihshekhi dünkheak nimung ashang tüzhokhi aliberü khülang nangde yakli huhang.

1 KIULONG THSÜRÜ 19:19

Jumonü api ju chingnü tsahmusu, tüsho thulu wochakde alabuh, Shaphat tsührü Elisha ngü. Api müngüh moshipung dudu 12 lakheah, tüsho api akheambe lung bede alakheah. Elijanü api hode yü tüsho api khim anihbuh kheak phukihjih.

2 KIULONG THSÜRÜ 14:21

Juda mihtsürü alalanü kam 16 azorü lakhi Azaria lu, tüsho abuh Amazia müthri kiulongthsürü thsüshih.

2 KIULONG THSÜRÜ 14:23

Judarü Joash tsührü kiulongthsüpuh Amazia kam thürükheak phüngüpü ching, Israelrü Jehoash tsührü kiulongthsüpuh Jeroboamnü Samaria ching kiulongthsüpü tankih; apinü kam yirükheak khülang kiulongthsü.

2 KIUTHSÜYUKHEAN 11:6

Apinü athsükhibo ju Bethlehem, Etam, Tekoa,

2 KIUTHSÜYUKHEAN 20:20

Arünü yapsu mükikde asürü tüsho Tekoa sunglo ching wukhiuk; tüsho arü wukhiukchoki, Jehoshaphatnü zhip tüsho tha, “I ki aniang, O Juda tüsho Jirusalem ching larübo! Atungpuh nüsa Thrünpuh kheak kinang tüsho nüsa dübiuopung labah, api yo wukihrübo kheak kinang tüsho nüsanü akuk ngübah.”

ABEKHIT 3:1

Kheakü Mosanü Midiarü amükeamrü akü Jethro yo namfimihnubo neakde alakheah. Apinü namfimihnubo ju loshelo hode bede yübah Thrünpuh wung Horeb ching arü.

ISAIA 1:1

Juda tüsho Jirusalem dünkheak, Juda kiulongthsürübo Uzzia, Jotham, Ahaz tüsho Hezekia kim ching ngükhi Amoz tsührü Isaia michih.

JEREMIA 1:1

Benjamin lomi Anathoth ching lakhi amükeamrü bolung Hilkia tsührü Jeremia yubo,

JEREMIA 28:8

Jipü kim chingnü wukihrübonü I tüsho nü müngüh, lomi ahihdo tüsho kiulongthsü atobo azhihde thirithsü, khümzung tüsho arüm-tukthsü müchit.

JEREMIA 6:1

O Benjamin tsührübo, atsokhitpü Jirusalem chingnü tsoang! Tekoa ching hulipungpung khungang, tüsho Beth-hakkerem ching amütsan mo khühang; tümüde dukulimnü thsümütsü tüsho athsümünim ato arado.

JEREMIA 7:27

Junangde nünü ha yubo alala arü ki asukbah, tüshe arünü nü ki manijih. Nünü arü ki jibah, tüshe arünü nü ki malojih.

HOSEA 1:1

Atungpuh yusheak ha Juda kiulongthsürü Uzzia, Jotham, Ahaz, Hezekia tüsho Israel kiulongthsüpuh Jehoash tsührü Jeroboam nimungbo ching Beeri tsührü Hosea kilim arü.

AMOS 7:14

Judüki Amosnü Amazia ki alo, “ I wukihrü yung, yungsho wukihrü tsührü khülang yung; tüshe I a namfimihnu neakrü khülang, tüsho khubasodungbo kümrü ah,

MIKA 1:1

Juda kiulongthsürübo Jotham, Ahaz tüsho Hezekia nimungbo ching apinü Samaria tüsho Jirusalem dünkheak ngükhi Moreshethrü Mika ki arükhi Atungpuh yu.

ZEKARIA 14:5

Tüsho nüsanü Atungpuh müzüng jindükhün hode atsobah, tümüde müzüngbo dükeak jindükhün ju Azal khiungbah; tüsho nüsanü Juda kiulongthsüpuh nimungbo ching muliuyuk chingnü atsokhi nangde atsobah. Judüki Atungpuh I Thrünpuh lung amüsührü alala bebah arübah.

MATHI 4:18

Jisu ju Galilee keto yean tsahde alachoki, apinü keoniorü mahne, Peter de ajikhi Simon tüsho aniurü Andria büne keto ching keang jipde ngü, tümüde ane thüngüh-ramrü lakheah.

1 KORINT 1:27

tüshe lümlung larü achihshihpü Thrünpuhnü alomi ching makharü mokhit, sühmüh larü achihshihpü Thrünpuhnü alomi ching ayiuhyiuhrü mokhit.