AMIKHEAKAKHIUKKHI 9:3 - AMÜSÜH HÜM CL Bible (BSI)

³ Judüki mokhüh chingnü tangkhobo alomi kheak arü, tüsho alomi lungthsühri wu nangde arü kilim wu jih-a lakheah;

AMIKHEAKAKHIUKKHI 9:3 Iomraidhean Croise

1 KIULONG THSÜRÜ 12:11

Kheakü, I buhnü nüsa kheak hahmülang yihkihdo, inü nüsa hahmülang khiojihbah. I buhnü nüsa rhaptsonü dando, tüshe inü nüsa kheak lungthsührinü adanbah.’ ”

2 KIUTHSÜYUKHEAN 10:11

Kheakü, I buhnü nüsa kheak hahmülang yihkihjihdo, inü nüsa hahmülang khiojihbah. I buhnü nüsa rhaptsonü dando, tüshe inü nüsa kheak lungthsührinü adanbah.’ ”

2 KIUTHSÜYUKHEAN 10:14

tüsho athrününgtsüngbonü athsunganahkhi yande apinü arü ki tha, “I buhnü nüsa hahmülangshihdo, tüshe inü nüsa hahmülang kheak khiojihbah; I buhnü nüsa rhaptsonü dando, tüshe inü nüsa lungthsührinü adanbah.”

ISAIA 33:4

Lungbünnü hanmukhungkhi nangde ayankhikhi kukrukbo hanmukhungdo; tangkhobonü ajukkhi nangde, arünü ju kheak jukchoh.

EZEKIEL 2:6

Tüsho mihtsürü tsührü, nünü arü ki yungsho arü yubo dütre. Nü mühide ayangsang tüsho ayangbo lalashe tüsho lungthsühribo lung nü lalashe nünü dütre. Arü ju azhih yamkhün thsüthsü she, arünü athakhi yungsho arünü müzünkhi dütre.

JOEL 1:4

Tümü anguhshakbe tangkhonü aningshih-a la, tangkho botonü tsühdo. Tümü tangkho botonü aningshih-a la, ajukbe tangkhonü tsühdo, tüsho tümü ajukbe tangkhonü aningshih-a la, athsümünimbe tangkhonü tsühdo.

JOEL 2:25

I bonungrü ato, nüsa azhihde inü arüshihkhi, tangkho boto ajukbe, athsümünimrü tüsho ayihshakrünü atsühkhi kambo ching nüsa kukshahkhi inü ajihlobah.

NAHUM 3:15

Ju ching monü aniubah, nukshangnü nü lipkhibah. Hanü nü tangkhonü nangde tsühabahbah. Tangkhobo nangde nü hihde kamdo!

NAHUM 3:17

Nü aheangrübo sangyü-tangkhobo nangde, nü yo atorübo tangkho boto athsak nimung shahwün kheak binkhi nangde lah–küyimki ani akhiukbanü, arübo phinde tsoabahchoh; arü küching yüdünü shenü mümükheah.

LUKNÜ ATHRÜTKHI THIYUSHEAK-ATSÜ HUHTANYU 10:19

Kheahang, phurutobo le lungthsühribo tüsho thiriri wu alala kurungkheak thrümpü inü nüsa kilim thiyukhüm-sühmüh jihchoh, tüsho tümünü she nüsa mütrünthsü.

YUZÜNGTHALO 8:15

Apinü nüsa mükheahbinkhi tüsho atrebe sunglo, kethürikhi tüsho akung lo, müzüm phuruto tüsho lungthsühri lakhi hode bebah arü. Apinü nüsa kilim lungmüzhak chingnü ke handarü.

AMIKHEAKAKHIUKKHI 9:5

Tangkhobo ki mülükhi ju arü laksahpü yung tüshe khinu phüngü arü thsümüchipü lang alakheah, tüsho arünü thsümüchikhi ju lungthsührinü mükeaka thsükhi nangde alakheah.

AMIKHEAKAKHIUKKHI 9:7

Tangkhobo ju khorabo thirithsüpü duklangkhi nangde alakheah; arü kubo kheak ju akheahpü suna kuthranbo nangde, arü mirobo ju mihtsürü mirobo nangde,

MAHKHAPRÜ 7:12

Tüsho Midiarü le Amalekrü tüsho aniakhiuklim mihtsürü alala tangkhobo nangde hihdakde jindükhün ching bin; arü kemelbo ju keyean loyi nangde mükhebinbe lakheah.